இனிதமிழ்

இலவசம்----------(மீள்பதிவு) இது கூட விளம்பரம் தான்.!

2011-03-07T10:56:00.002+05:30

என்னப்பா! இன்னைக்கும் ராப்பொழுது இப்படித்தானா? என்றான் காரி அருகில் இருந்தவனிடம்.
அவனுக்கு ஒரு மூன்று நாட்களாவது தூங்க வேண்டும் போலிருந்தது. எப்படியும் இன்னமும் ஒரு இரண்டு நாளாவது ஊரே விழாக்கோலமாகத்தான் இருக்கும்.

திருமூல நாயனார் கூத்து நடந்து கொண்டிருந்தது.இடையே சிறுச்சேரி சபையின் சார்பாக நாளை இரவு மயான நடனம் என்ற கூத்து நடைபெறுமென ஒரு சிறு எக்காளமிட, ஒற்றைப்பறை அடித்து அறிவித்தார்கள். மெதுவாய் காரி எழுந்து கூட்டம் விலக்கி ஊருணி நோக்கி நடந்தான்.

தூரத்தில் சந்திரன் மெதுவாய் இறங்கிக்கொண்டிருந்தான். இன்னும் ஒரு யாமத்தில் ஊர் மறுபடியும் சபைக்கூட்டி விருந்தளிக்க வேண்டும்.

அடுத்த நாள் வேளாளக்கூட்டத்தின் விருந்து. நல்ல உணவு வகைகள் இருப்பதாக கூறப்பட்டது.மெதுவாய் குடும்புகளைத்தாண்டி ஊருணி அருகே உள்ள சிறு குளத்தருகே வயிறை சுலபமாக்கி விட்டு தூரத்தில் தெரிந்த மடுவை நோக்கி மெல்ல நடந்தான். அங்கு தான் ஏழு நாட்களாக கள்பானை வைக்கப்பட்டு ,குடிக்கும் அனவருக்கும் வழங்கப்பட்டு வருகிறது.

பிரமாணக்குடும்பு அருகிலுள்ள சபை என்பதால் பெரும்பாலோனோர் குடிக்காததைப்போல் நடித்து, மூன்றாம் யாமத்தில் தலையில் காய்ந்த பனை ஓலையிட்டு மறைத்து, போகும் போது கோவணத்துடன் சென்றனர். வழக்கம் போல் பிரமாணக்குடித் தலைக்கட்டைச் சார்ந்த இளைஞர் கூட்டம் கூட ஒன்று மெதுவாக வந்து சிரித்து விட்டு ஒரு கள் பானையைத் தனியாக வாங்கிச்சென்றது.

தூரத்தில் ஒரு எக்காளம் கேட்டது. ஒரு துணைத்தளபதி தன் படைகளுடன் சேரிக்குள் வந்தார். கூத்து அப்படியே நின்றது.அங்கிருந்தவர்களும், பெண் வீட்டாரும் வந்து வணங்கி நின்றனர். படை மெதுவாக சபைக்குப்பின்புறம் போய் நின்றது.

'' இங்கு யார் திருமண வீட்டார் " என்றான் துணைத்தளபதி .

மெலிந்த அந்தணர் ஒருவர் முன்வந்து " சொல்லுங்கள்" என்றார் வெற்றிலை வாயில்.

அவரை உற்றுப் பார்த்தபடி " இன்னும் ஒரு நாளோடு வைபவங்களை நிறுத்திக்கொள்ளுங்கள்! திருமாங்கல்யம் ஆயிற்றல்லவா!" என்றார்.

கூட்டத்தில் சலசலப்பு. பெரும்பாலோனர் முணுமுணுத்தனர்.

தொண்டையைக் கனைத்த துணைத்தளபதி " இது நமது மன்னரின் கட்டளை! " என்றவுடன் எல்லோரும் திகைத்து நின்றனர்.

"இங்கு யார் ஊர்த்தலைக்கட்டு "என்றார் துணைதளபதி.

முன்வந்து வணங்கிய அந்த நடுத்தர வயது பிராமணரிடம் " உங்களிடம் நானூறு பேருக்கு தேவையான உணவு தயாரிக்கத்தேவையானை உள்ளனவா" என்றார்.

தலைவர் " உள்ளது ! ஆனால், எவ்விதமானது ! எதற்கு !? "என்றார்.

கூட்டம் அமைதியாயிருந்தது.

"நம் மதிப்புர்க்குரிய ஸ்ரீ ஸ்ரீ இளவரசர் தன் பரிவாரங்களுடனும் உங்கள் சிறுவென்றூர் வர இருக்கிறார் ?!"

எல்லோரும் திகைப்பால் சலசலக்கத் துவங்கினார்கள்.

"ஏதேனும் சிறப்பிருக்கிறதா! இந்த விஜயத்தில்? " எனக்கேட்டார் ஊர்த்தலைவர்.

" மன்னிக்கவும்! எனக்கிடப்பட்ட கட்டளையை உங்களிடம் சொல்லிவிட்டேன். இன்றிலிருந்து மூன்றாவது நாள் முன்பகலில் அவர்கள் வரலாமென செய்தி! " என்றபடி மடியிலிருந்த ஒரு சிறு மூட்டையைத் தலைவரிடம் கொடுத்தான்.

"இதில் ஐநூறு செப்புக்காசுகள் உள்ளன. ஊர்க்கருவூலத்தில் போதுமானவை இருக்குமென்று நினைக்கிறேன்! போதாது எனில், மீண்டும் தரப்படும். நல்ல உணவுகளை தயார் செய்ய ஆயுத்தம் செய்யுங்கள்! மற்ற கட்டளைகளை விடியலில் வர இருக்கும் இளவரசரின் மெய்காவல் படை அறிவிக்கும்" என்றபடி கூட்டத்தைப் பார்த்து "எல்லோரும் நினைவில் கொள்ளுங்கள் இது ஒரு முக்கியமான அறிவிப்பு! உங்கள் வீட்டில் யாராவது அந்நிய விருந்தாளிகள் தங்கியிருந்தால் உடனடியாக நாளை காலைக்குள் வெளியேற்றுங்கள்!

நாளை முதல் இந்த சிறுவென்றூர் வட்டாரம் ஸ்ரீ ஸ்ரீ இளவரசரின் மெய்க்காவல் படையின் கட்டுப்பாட்டிலிருக்கும். இது இரண்டாம் நிலைத்துணைப்படை தளபதி செந்தழலின் உத்தரவு." என்றபடி குதிரையை மடுவின் அருகே உள்ள ஒரு மரத்தில் கட்டிபோட்டார்.

தூரத்திலிருந்த காரி பெருமூச்சுடன் " இனி வேறுவிதமானஆராவாரங்களா?" என்று கையிலிருந்த கள் மொந்தையை ஒரே மூச்சில் குடித்துவிட்டு பாறையில் போட்டுடைத்தான். விரல்களற்ற வலது கையைத் திருப்பிப் பார்த்தபடி நடந்தான். சில வருடங்களுக்கு முன்னர் வரை கைக்கோளப்படையின் முதல்நிலைத்துணைத்தளபதியாயிருந்து இன்று ஆட்டுக்கு செடி வெட்டிப்போடக்கூட யாரையாவது எதிர்பார்க்க வேண்டியுள்ளதினை நினைத்தால் சிரிப்பு தான் வந்தது. போரில்லையெனில் மறவனுக்கு மதிப்பேது. முன்னர் ஆடிய ஆட்டங்களுக்கெல்லாம் தண்டனை போல் ஒரு கை மணிக்கட்டு வரை தகடூரின் கள்வர்போரில் துண்டானது.

2.
அது சற்று விடியல் நேரம்.தூரத்தில் பறவைகளின் மெல்லிய சடசடப்புக்கேட்டது.

"செஞ்சடை! செஞ்சடை!"

சோம்பல் முறித்து எழுந்தான் காரி. யாரோ அவன் பெயரிட்டு அழைப்பதுபோல் இருந்தது.

சட்டென்று துள்ளி அமர்ந்தான். இந்த பெயர் இங்கு யாருக்கும் தெரியாதே!

சற்றே நடுக்கமான குரலில் "யாரது !" என்றபடி வெளியே வந்தான்.

பத்து பதினைந்து பேராக இருந்ததில் நடுவாக இருந்து "நலமா! செஞ்சடை? " எனக்குரல் வந்தது.

சட்டென அடையாளம் தெரிந்தது.அது அருண்மொழி. சோழப்பேரரசின் வருங்காலத் தூண்களில் ஒருவர். பிரதான மந்திரி பிரம்மராயரின் குமாரர். இளவரசின் வலதுகரம்.

திடுக்கிட்டு எழுந்து வாசலிலேயே குனிந்து வணங்கினான். சோழர் படையில் பதவிக்குத்தான் மரியாதை.

"நானும் வணங்குகிறேன்! செஞ்சடை! நீண்ட நாட்கள் ஆகிவிட்டதில்லையா ! சேரதேசத்தில் தானே கடைசியாகச் சந்தித்தோம்?"

" ஆம்! அருண்மொழியாரே! அந்தக் கடிகைப்போரில் நீங்கள் இல்லையெனில் அன்றே என் உயிரி போயிருக்கும். மன்னரும் அருமை இளவரசரும் நலம் தானே?"

"அனைவரும் சிவனின் அருளால் நலமே! ஏன் இப்படி வனவாசம் போல் தனிமை வாழ்க்கை!? இரண்டே மாதங்கள் மட்டும் தான் ஓய்வுப்பணமும் பெற வந்தீராமே! ஆய்வுக்கணக்கர் சொன்னார்.?"

அமைதியாய் தூரத்தை வெறித்தான் காரி என்ற செஞ்சடை.

"ஆமாம்! நான் இங்கு இருப்பது உங்களுக்கெப்படித் தெரியும்! இளவரசரின் வருகையறிந்ததும் நான் நேற்று முழுவதும் யார் கண்ணிலும் படாமல் இங்கு தானே இருந்தேன்!"

சத்தமாக சிரித்தான் அருண்மொழி.

" என்ன! செஞ்சடை! மன்னரோ! இளவரசரோ! இல்லை முதன்மைப் பாதுகாப்பிலுள்ள யாரும் போகும் இடம் உடனடியாக அறிவிக்கப்படுவதில்லை என்பது நமது காவல் மரபுகளைச் சார்ந்தது என்பதை மறந்து விட்டாயா!
உன்னைப்பற்றிய சேதிகள் யாவும் பதினைந்துநாட்களுக்கும் முன்னரே நமது ஒற்றர் படை மூலம் வந்தாயிற்று! "
ஆமாம்! இங்கு என்ன செய்து கொண்டிருக்கிறீர்கள்?

" நான் என்னை மறக்க முயன்றுக்கொண்டிருக்கிறேன் அருண்மொழி!"

காரியின் கண்களை உற்றுப் பார்த்தான் அருண்மொழி.

மெதுவாக படைவீரர்களிடம் " நீங்கள் சாலையில் சென்று ஓய்வெடுங்கள்! அடுத்தமுறைக்கு பிரிக்கப்பட்ட வீரர்களை வடக்கே கவனமாயும் குறிப்பாக ஊருணியருகே உள்ள புதர்களில் எச்சரிக்கையுடன் காவலிருக்கச் சொல்லுங்கள் ! நான் சில நாழிகையில் வந்து சந்திக்கிறேனென்று பழுவேட்டையாரிடம் சேதி சொல்லுங்கள்" என்று மேலும் சில உத்தரவுகளைத் தாழ்ந்த குரலில் அறிவித்துவிட்டுத் திரும்பினான் அருண்மொழி.

"என்ன! பழுவேட்டையாரா! அவர் வருமளவுக்கு என்ன? " என்றான் வியப்புடன் செஞ்சடை.

"வியப்பைக் கொஞ்சம் மீதம் வைத்துக்கொள்ளுங்கள் !" என்று கூறி தாழ்ந்தகுரலில் பேசத்துவங்கினான் அருண்மொழி.
***
3.

மெதுவாக கதிரவன் சாயும் அந்த நேரத்தில் ஒற்றை எக்காளாத்துடன் இரு குதிரை வீரர்கள் ஊர் எல்லைக்குள் நுழைந்தனர்.

ஊர் சட்டென பரபரப்பானது.

"ஸ்ரீ ஸ்ரீ ராஜ ராஜ ராஜேந்திரசோழர் வருகிறார்! " என மூன்றாவதாய் வந்த ஒரு ஒற்றை வண்டி அறிவித்தபடி ஊருக்குள் நுழைந்தது.

அதைத்தொடர்ந்து ஒரு சிறு படையும் பின்னர் இளவரசரின் தனிக்காவல் படையும் வர, நடுவே கருமையான ஒரு பெரிய குதிரையில் மெய்க்காவல்படை சூழ கம்பீரமாக இராஜேந்திரர் வந்தார்.

ஊர் மொத்தமும் மெய்சிலிர்த்து "சோழ நாடு வாழ்க! சோழ மாமன்னர் வாழ்க! இளவரசர் வாழ்க! " என்றுக்கூக்குரலிட்டு வாழ்த்தியபடி நெடுஞ்சாலிட்டு வணங்கியது.

கைகளை உயர்த்தி அனைவரையும் வாழ்த்தியும், வணங்கியும் மெதுவாக அங்கு போடப்பட்டிருந்த ஒரு சிறு மேடையில் ஏறி இளவரசர் நின்றவுடன் மெய்க்காவல் படை பிரிந்து மேடையைச் சுற்றி நின்றுக்கொண்டது. அருகேயிருந்த பிரமாணக்குடித்தலைவர் வாழ்த்துப்பாடி இளவரசருக்கு மாலை அணிவித்தார்.

மெதுவாக ஒரு பெரியவர் மெல்லிய குரலில் மன்னரின் மெய்கீர்த்தியைப் பாடத்துவங்க, முதலில் இராஜேந்திரரும் பின்னர் அனைவரும் உரத்த குரலில் பாடத்துவங்கினர். மெய்க்கீர்த்திப் பாடி முடிந்ததும் அனைவரும் " சோழ நாடு வாழ்க ! " என்று ஒரு குரலிட்டு கை உயர்த்தினார்கள். மெதுவாய் அரவம் அடங்கக் காத்திருந்து இளவசரர் பேசத்துவங்கினார்.

" மாமன்னர் வாழ்க! சோழநாடு வாழ்க! அன்பிற்குறிய சிறுவென்றூராரே! இந்த திடீர் விஜயம் உங்களுக்கு மிகவும் வியப்பைத் தரலாம்! உண்மையிலேயே நீங்கள் மறக்கமுடியாத ஒன்றாக மாற்றத்தான் நாங்கள் வந்துள்ளோம்" என்றார்.

எல்லோரும் புரியாமல் நின்றிருந்தனர்.

இளவரசர் மெதுவாக திரும்பிப் பார்க்க , இளவசரின் உதவியாளர் ஒரு சிறு மூட்டையையும், ஒரு ஓலையையும ஊர்த்தலைவரிடம் கொடுத்தான்.

" அந்த ஓலை மன்னர் இட்ட கட்டளை தாங்கியுள்ளது! அதில் உள்ளதை பிறகு உங்கள் தலைவர் படிப்பார்" என்றபடி அருண்மொழியை அருகே அழைத்தார்.

அருண்மொழி அருகே வந்து வணங்கினார்.

"நமது அருண் மொழியை அனைவரும் அறிவீர் என நினைக்கிறேன் ! இவரின் நேரிடைப் பாதுக்காப்பில்தான் வரும் தேர்ந்தெடுத்தல் நடைபெறும்! அதாவது நாளை முதல் இந்த சிறுவென்றூர்வட்டாரத்தை சோழ நாட்டு மாதிரி வட்டாரமாக மாற்றுகிறேன். அதாவது குடவோலை என்ற முறை மாறி உங்கள் தலைமையை நீங்களே தேர்ந்தெடுக்கும் முறை அறிமுகப்படுத்தப்படுகிறது. இனி இந்த முறை ஒவ்வொரு மூன்று ஆண்டுகளுக்கும் ஒரு முறை இந்த தலைமைத் தேர்ந்தெடுத்தல் அமையும். தலைவருக்கு கீழ் ஒவ்வொரு சேரியிலிருந்தும் ஒரு உபதலைவரும் ஒரு உறுப்பினருமாக இந்தப் புதிய சபை அமைக்கப்படும். தலைவர் என்பவர் நேரிடையாக மக்களால் மட்டுமே தேர்ந்தெடுக்கப்படுவார். மேலும், மக்கள் எப்போது வேண்டுமானாலும் எந்த உறுப்பினரையும் ,ஏன் தலைவரையும் கூட நீக்க வகை செய்யப்பட்டுள்ளது!

அதாவது, நமது அருமைப்பெரியவர் முக்காலமறிந்த கருவூர்த்தேவரின் வழிகாட்டுதலின் பேரில், நமது மாமன்னரின் தலைமையில், அனைத்து சான்றோர்களையும் உறுப்பினராய்க்கொண்ட ஒரு வழிநடத்தும்குழு ஒவ்வொரு ஊரிலும் இருக்கும். இதன் தலையாய வேலை , இந்தக்குழுவிற்கு வரும் புகார்களை மிக ரகசியமாய் ஒற்றைப்படைகொண்டு தீர்மானித்து தண்டனையோ! பதவி நீக்கமோ! தரும்." என்று கூறி கூட்டத்தைப் பார்த்தார்.

அந்தணர்க் கூட்டத்தின் தலைவர் "இதில் பழைய குடவோலை வழிமுறைகள் உள்ளனவா ? இதில் போட்டியிடுபவர்கள் எப்படிப்பட்டவர்களாக இருக்கவேண்டும் ? " என்றார்.

இராஜேந்திரர் சிரிப்புடன் "சொல்லுங்களேன் அந்த பழைய வழிமுறைகளை" என்றார்.

அந்த அந்தணர் தொண்டையைக்கனைத்துக்கொண்டு,

"அதாவது வட்டாரங்களுக்கானதலைவர் எனில் அந்த நபர்,

1. குறிப்பிட்ட அளவு அதாவது ஒரு காணிநிலமாவது வைத்திரு வேண்டும்.

2. சொந்த வீட்டில் குடியிருப்பவராகயிருக்க வேண்டும்.

3. முப்பதிலிருந்து அறுபது வயதுக்குட்பட்டவர்கள்.

4. வேதங்களையும் சாஸ்திரங்களையும் கற்று நிபுணத்துவம் மிக்கவாராயிருக்கவேண்டுமென்பது முக்கியம்.

5. உடல்வலிமையும் ,உள்ள வலிமையும் உள்ளவர்கள்

6. இதுவரை வாரியத்தலைவராக இருந்திராதவர்

7. அவ்வாறு வாரியம் செய்தவர்களுக்கு உறவினராக அல்லாதவர் என்றெல்லாம் இருக்க வேண்டும்.

இவ்வளவே !! "என்றார் .

"இந்தப் புதிய முறையில் ஒரு சில மாற்றங்கள் தான் வரப்போகிறது . அதாவது நான் முதலில் சொன்னது போல், ஒரு சிறப்பு கண்காணிப்புக்குழு தலைமைகளை வழி நடத்தும். மேலும் வேத நிபுணத்துவம் தேவையில்லை என்றும் நல்ல பண்பாளாராய் இருந்தால் நலம் என்றும் மாற்றியமைக்கப் படுகிறது! "

ஒரு அந்தண இளைஞன் "இது அந்தணருக்கு எதிரான சதி?" என்றான்.

"கைது செய்யுங்கள் அவனை!? " அருண்மொழி கத்தினான்.

"இல்லை! அருண்மொழி ! காலம் காலமாக அனுபவித்து வந்ததல்லவா! ஆகவே தான் இந்தக்கூச்சல் !! விட்டு விடுங்கள்! ஆனால், மறுபடியும் யாரேனும் தேவையில்லாதவை செய்தாலோ? பேசினாலோ! உடனே 40 கசையடிகளுடன் கைது செய்யுங்கள்"

" வரும் முழுநிலவு நாளன்று இந்த தேர்ந்தெடுப்பு நடக்கும்! அதற்கான முழுச்செலவையும் அரசு ஏற்கிறது !அதற்கு தான் அந்த சிறு மூட்டையில்பொற்காசுகள் தரப்பட்டது. உங்களுக்கான மாற்றமிது ! உங்களிடமிருந்து ஒத்துழைப்பை மாமன்னரும், நானும் எதிர்பார்க்கிறோம். அது வரை இப்போதுள்ள தலைவரே பொறுப்பிலிருப்பார். ஆனால், அருண்மொழியின் அனுமதியின்றி அவர் இடும் உத்திரவுகள் செல்லாது ! இப்போதைக்கு இவ்வளவு போதும்! சபை கலையலாம்! வாழ்க ! சோழ நாடு! " எனக்கூறி தன் முத்திரை இலச்சினையை அருண்மொழி கையில் அணிவித்தபடி, குதிரையேறி விடைபெற்றார் இராஜேந்திரர்.

கூட்டம் பெரும் கூக்குரலில் இளவரசரை வாழ்த்தி வழியனுப்பியது.

முழு நிலவிற்க்கு முந்தைய நாளிரவு. அனைவரும் பரபரப்பாய் இயங்கிக்கொண்டிருந்தனர்.

அந்தணக்குடியில் மட்டும் ஒரு சிலர் தவிர அனைவரும் தெற்கு அக்கிரகாரத்தில் தலைவர் வீட்டு அருகேயிருந்த சிறு மடத்தில் குழுமியிருந்தனர்.

"சொல்லுவோய் என்ன உத்தேசம்! மொத்தமாக கிளம்பி மறுபடியும் சேர நாட்டுக்கே போயிடலாமா!" என்றார் தலைவர்.

"அது சரி ஒரு தலைமுறையாச்சு! இப்பெல்லாம் முன்குடும்பி அந்தணர்களுக்குத்தான் அங்கு மதிப்பு. அதுவில்லாமல் சக்தி உபவாசகர்கள் என்று புதுசா ஒரு கும்பல் வேறு கிளம்பிருக்காம்" என்றார் அந்த நடுத்தர வயது அந்தணர். அவருக்கு அடுத்த தலைமை தருவதாய் முடிவாகி ஏற்கனவே நிறைய செலவு செய்திருந்தார்.

"அதீல்லீங்காணும் ! பிரச்சனை என்னன்னா! நம்ம இளவரசர் அவர் சார்பா நிறுத்தியிருக்கிற அந்த காரி தான். அவன் என்னமோ இளவரசர் படைத்தளபதியாய் இருந்தவனாமே"

"தளபதி இல்லைங்காணும் துணைத்தளபதிதான்"

"ஏதோ ஒரு இழவு ! ஒரு வேளாளானயிருந்தாலும் பரவாயில்லை ! நம்மள துச்சமாக மதிக்கிற ஓரு மாமிசப் பட்சிணி எப்படி நம்ம தலைவரா ஏத்துகிறது.
யார் இளவரசருக்கெதிராக ஆளை நிறுத்துவது ? அப்படியே நின்னால் வெற்றிப்பெற்றால் சரி ! தோத்துட்டால் அம்புட்டுத்தான்! அதோடு ஆட்டம் சரி!"

"எங்கிட்ட ஒரு திட்டம் இருக்கிறது" என்றார் புதுத்தலைமைக்கு ஆசைப்படும் அந்தணர்.

சற்று தூரத்தில் அந்த மடத்தின் பின்புறம் ஒருவன் ஆடு மேய்த்துக்கொண்டிருந்தான்.

****

4.
பெரும்பாலும் யாருமே தூங்காது விடியத் துவங்கிய சமயம். நடக்கின்ற விஷயம் கேள்விப்பட்டு அருகிலிருந்த ஊரிலிருந்தெல்லாம் மக்கள் வேடிக்கை பார்க்க வந்திருந்தார்கள். ஆனால், ஒரு சிறப்புப் படை ஊர் எல்லையிலேயே அவர்களை தடுத்து நிறுத்தியிருந்தது.

கருவூரார் தலைமையில் நடந்த ஒரு சிறு யாகம் முடிந்து அனைவருக்கும் பூசைப்பிரசாதம் வழங்கப்பட்டது. மெதுவாக ஊர்மக்கள் ஊர் நடுவேயமைக்கப்பட்டிருந்த அந்தப் புதிய சாவடிகளை நோக்கி நகர்ந்தனர். வழியெங்கும் விழாக்கோலம் போல் ஆங்காங்கே பந்தல்கள் அமைக்கப்பட்டிருந்தது.

ஒவ்வொரு சேரிக்கும் தனித்தனியே குடிசை அமைக்கப்பட்டு, அங்கு அமர்ந்திருந்த தலையாரியிடம் அனுப்பப்பட்டு அவர்கள் பற்றி விசாரிக்கப்பட்டது. பின்னர், நடுவே பொதுவாய் அமர்ந்திருந்த தடுப்புகள் அமைக்கப்பட்ட சாலையினுள் ஒவ்வொருவராக அனுமதிக்கப்பட்டனர். அவர்கள் கையில் ஒரு ஓலையும் தரப்பட்டது. எல்லா ஓலைகளும் ஒரு பொதுவான நிறத்திலிருந்தது. சற்றே நடுவில் இருந்த சிறு மறைப்பின் பின்னர் இரு பெரிய பானைகள் வைக்கப்பட்டு அதில் காரியின் பெயரும் அந்தணர் பெயரும் எழுதப்பட்டிருந்தது. மேலும் ஒரு பானை சிவப்பு மண்ணிலும் , மற்றொன்று கறுப்பு நிறத்திலிமிருந்தது.

ஏற்கனவே! காரிக்கு கருப்பு நிறமும், அந்தணருக்கு சிவப்பு நிறமுமென ஊர் கூடி முடிவெடுத்திருந்தது. ஓலையை குடத்திலிட்டவர்கள் பின் புறமிருந்த வாசல் வழியாக அனுப்பப்பட்டு அங்கிருந்த மைதானம் போன்ற இடத்தில் அமரவைக்கப்பட்டிருந்தனர். அங்கு அவர்களுக்கு இனிப்பு பானமும் கைநிறைய பயறு வகைகளும் வழங்கப்பட்டது. மெதுவாக வெளியேற முயன்ற சிலர் தலை தட்டப்பட்டு தனியாக அமரவைக்கப்பட்டனர்.

உச்சிவரும் வேளை, கருவூரார் சபையைக்கூட்டினார். அருண்மொழி மெதுவாகத் துணைத்தளபதியிடம் கண்ணைக்காட்டினான். ஒரு சிறு படை பிரிந்து சபையைச்சுற்றி நின்றுகொண்டது . மற்றும் ஒருசிறுபடை இரு பானைகள் தூக்கிவந்த வண்டிக்கு காவலாக வந்து, சபை நடுவேயிருந்த மேடையில் வைத்தது.

காரியும் ,அந்தணரும் அழைக்கப்பபட்டு மாலை மரியாதை செய்யப்பட்டார்ககள் . காரி கண்கள் குளமாக அருண்மொழியைப்பார்த்தான். பழுவேட்டாரை பார்த்து கலங்கிப்பின்னர், கருவூராரைப்பார்த்து வணங்கினான்.

சபை ஒரு உற்சாகத்துடனும் கூச்சலுடனும் அமர்ந்திருந்தது.

கருவூரார் கையிலிருந்த அந்த மூடப்பட்ட உருளையைப்பிரித்து , அதில் இருந்த ஓலையைப்பிரித்து கிழக்குப்பார்த்து வணங்கி படித்தார்.

"சிறுவென்றூரைச் சார்ந்த ஐந்து சேரிகளும், இரு பிரமாணகுடும்பைச் சார்ந்த வேளாளக் கூட்டமும் பிரமாண அக்கிரகாரமும் சேர்ந்த இவ்வட்டாரத்தின் தலைமைப் பொறுப்பேற்கும் பதவிக்காக வந்த ஓலைகளின் மொத்த எண்ணிக்கை மூவாயிரத்து நானுற்று இருபத்தி ஆறு "

"அதில் சில ஓலைகள் பானையில் சேர்க்காமல் தரையில் போடப்பட்டிருந்தன. அவை மொத்தம் நூற்றெழுவெதெட்டு. "

"காரி என்றசெஞ்சடை பெற்றவை இரண்டாயிரத்தென்பத்தொன்பது , மீதம் சிவாச்சார்யாரான வேதநாயகத்திற்கு மீதமிருக்கும் ஆயிரத்து நூற்றுச் சொச்சமும் செல்கிறது "

ஆகவே! புதிய தேர்ந்தெடுப்பு வட்டாரக்கொள்கைப்படி நம் காரி என்ற செஞ்சடை தலைமைப்பொறுப்பை ஏற்கிறார்.ஆனால், நேற்று நமது மன்னர் அனுப்பிய வழிகாட்டுதல் குழுவின் மாற்றக் குறிப்பின்படி இரண்டாமிடத்திற்க்கு வருபவர்கள் துணைத் தலைமையாகவும் அறிவிக்கிறோம். அதன் படி நமது வேதநாயகம் துணைத்தலைமை ஏற்கவும் எல்லாம் வல்ல அந்த சிவன் சித்ததில் முடிவாகிறது! " என்று அறிவித்து வானைப் பார்த்து வணங்கினார்.

பெரும்பாலான இளைஞர்கள் கூச்சலுடன் எழுந்து ஆடினர்.

வயதானவர்கள் தோள் துண்டைதூக்கிப்போட்டனர். காரி ஓடிப்போய் கரூவூரார் காலி விழுந்தது வணங்கி பின்னர் அருண்மொழியைக்கட்டிக்கொண்டு அழுதான்.

" எல்லாம் துறந்து எங்கோ கிடந்த எனக்கு எதுக்கு இது! "என்றான்.

"அமைதியாயிரு ! செஞ்சடை! இது இறைவன் சித்தம் ! "என்றார் கருவூரார்.

வேதநாயகம் குழப்பத்துடன் மெதுவாக கூட்டம் பிளந்து வெளியேறினார். ஆனால்,அங்கேயிர்ந்த படைவீரர்கள் அவரை நிறுத்தி மீண்டும் சபை நடுவே நிறுத்தினர். வேதநாயகத்தின் கைகளை கட்டப்பட்டது.

எல்லா அந்தணர்களும் சபை நடுவே செல்ல முற்பட்டு அடக்கப்பட்டனர்.

"ஏன்! ஏன்! "என்று ஆங்காங்கே குரல் எழுந்தது.

அருண்மொழி அனைவரையும் கையமர்த்திவிட்டு பேசத்துவங்கினான்.

நமது ஒற்றர் படை தந்த செய்திப்படி இவ்வந்தணர் செய்த முறைகேட்டிற்க்காக மன்னரின் ஆணைப்படியும் வழிகாட்டுதல் குழுவின் துணைத்தலைவர் என்கிற முறையில் இவரை கைது செய்கிறேன். இவர் மீதுள்ளக் குற்றச்சாட்டு என்னவென்று உங்களுக்கு அறிவிக்கட்டுமா? ' என்று நிறுத்தினான் அருண்மொழி.

"சொல்! சொல்!" என்று கூட்டம் ஆர்பரித்து கத்தியது.

இப்போது சபைக்கு நடுவே ஒரு பெட்டி கொண்டு வரப்பட்டது. அதோடு சில இளைஞர்களும் கையில் கயிறு கட்டப்பட்டு வந்து நிறுத்தப்பட்டனர்.

"இவர் செய்த குற்றம் வழிகாட்டுதல் குழுவிற்கு ஒரு குழப்பத்தையே தந்துவிட்டன. அதாவது , நேற்று நள்ளிரவு ஒவ்வொரு வீட்டின் வாசலிலும் ஒரு சிறு வாழைப்பழம் வைக்கப்பட்டு அதனருகே ஒரு ஓலையும் வைக்கப்பட்டது. அந்த வாழைப்பழத்தில் மூன்று செப்பு காசுகள் இருந்தன. மேலும், அந்த ஓலை இவருக்கு எங்கள் குழுவால் அளிக்கப்பட்டிருந்த ஓலையை ஒத்திருந்தது. "

"ஆனால், முன்னரே ஒற்றர் படை மூலம் செய்தி வந்ததால் , சில வீட்டிற்க்கு வைக்குமுன்னரே எங்கள் துணைப்படையால் மொத்தமாக கைது செய்யப்பட்டனர்! "

"எனவே, தான் சட்டென்று ஒலை நிறத்தைக் கொண்டு தேர்தெடுத்தல் நிறுத்தப்பட்டு இரு வெவ்வேறு நிறப் பானைகள் வைக்கப்பட்டது. வரும் காலத்தில் இது போன்ற முறைகேடுகளை கவனிக்க ஒரு தனி குழு அமைக்க,நான் வழிகாட்டுதல் குழுவிற்கு சிபாரிசு செய்வேன்!"

"இவர் குற்றவாளி என்றாகி விட்டதால் துணைத் தலைமையின்றி நமது காரி பொறுப்பேற்க்கும் வைபவம் மிக விமர்ச்சையாக நமது இளவரசர் தலைமையில் விரைவில் நடக்கும்! வாழ்க சோழ நாடு! வாழ்க மாமன்னர்!" என்றமர்ந்தான் அருண்மொழி.

சில அந்தணர் தவிர பெரும்பான்மையானவர் வெளியறினர்.

கூட்டம் காரியைத் தலையில் வைத்துக்கொண்டாடியது.

முக்காலம அறிந்த கருவூரார் வேதனையுடன் அந்தணரைப்பார்த்து,

"இது துவக்கம் தான் !? இரண்டாயிரம் ஆண்டானாலும் இது தொடரும் ! ம்..ம்.ம்..ம்..ம் . இலவசம் "என்றார்.

அருகிலிருந்த பழுவேட்டையார் "என்ன அது ! இலவசம்! புதிய வார்த்தையாய் இருக்கிறதே!' என்றார் .

"இலவசம் ! ! இதை நான் இப்போது சொல்லியே ஆக வேண்டியக்கட்டாயத்திலிருக்கிறேன் " என்ற படி மெதுவாக வானம் பார்த்தார்.

*********முடிவ(வு)ற்றது*******

மீண்டும் முடிந்தால் மீட்க .....!!

2011-03-01T18:11:00.005+05:30

விரைவில் தமிழ் நாட்டிலும் இது போன்ற அறிவுப்புகளைக் காணலாம்....

இனி, தமிழ் தமிழரால் மெல்லச் சாகுமோ ?
...

காவல் துறைக்கு வாழ்த்துகள் !

2009-07-30T16:42:00.006+05:30

காவல் துறைக்கு வாழ்த்துகள் !

அமைதிப் பூங்கா தமிழகம் - ஸ்காட்லாந்து யார்டுக்கு இணையான திறமை வாய்ந்தவர்கள் தமிழக காவல் துறையினர்.

தமிழக காவல் துறை நடுநிலையோடு தான் இயங்குகிறதா அல்லது அதனை ஆட்சியாளர்கள், அரசியல்வாதிகள் இயக்குகிறார்களா என்ற கேள்வி நடுநிலைவாதிகளிடையே நிலவுகிறது.

சென்னையில் மாநகர போலீஸ் மாநகர், புறநகர் என இரண்டாகப் பிரிக்கப்பட்டது. இதன்மூலம் குற்றச் செயல்களை கட்டுப்படுத்த விரைந்து நடவடிக்கை எடுக்க உதவும் என காரணம் கூறப்பட்டது. ஆனால், காவல் ஆணையரகம் இரண்டாகப் பிரிக்கப்பட்ட பிறகும் சென்னையில் குற்றச் செயல்களின் எண்ணிக்கை குறையவில்லை.

ஒரு பதவிக்கு இடமாற்றம் செய்யப்படும் போலீஸ் அதிகாரி அந்த இடத்தை, அங்கு பணி புரியும் சக போலீஸ் அதிகாரிகள், அந்தப் பகுதியின் தன்மை உள்ளிட்ட விவரங்களை புரிந்துக் கொள்வதற்குள் அவர் வேறு இடத்துக்கு மாற்றப்படுகிறார்.

நெல்லை, மதுரை உள்ளிட்ட மாவட்டங்களில் மட்டும் இருந்த கூலிப்படைகளின் செயல்பாடுகள் தற்போது வேலூர் வரை வந்துவிட்டன. இதனால், கொலை, கொள்ளை சம்பவங்களின் எண்ணிக்கை அதிகரித்து வருகின்றன.

டாஸ்மாக் மூலம் மதுபான விற்பனை ரூ. 10 ஆயிரம் கோடியை தாண்டியுள்ளதாக அரசு தரப்பில் கூறப்படுகிறது. அப்படியானால், குடிப்பழக்கம் உள்ளவர்களின் எண்ணிக்கை 10 மடங்கு அதிகரித்துள்ளது. குடிப்பழக்கம் அதிகரித்ததே குற்றச் செயல்கள் அதிகரிப்புக்கு முக்கிய காரணங்களில் ஒன்றாக உள்ளது.

சமூக விரோதிகளை ஒழித்துக்கட்டும் அதிகாரத்தைக் காவல் துறை அதிகாரிகள் தம் கைகளில் எடுத்துக் கொள்வதை வரவேற்கும் மனோபாவம் சினிமா முதலான வெகுஜன ஊடகங்களாலும் சில அரசியல் இயக்கங்களாலும் கட்டமைக்கப்பட்டு நிலைநிறுத்தப்பட்டுள்ளது.

என்கவுன்டர்கள் காவல் துறை அதிகாரிகளின் சாகசங்களாகச் சித்தரிக்கப்படுகின்றன. குற்றவாளிகளைச் சட்டத்தின் வழியில் தண்டிக்கும் நீதிமன்ற நடவடிக்கைகளின் மீதான அவநம்பிக்கை பல்வேறு வழிகளில் உருவாக்கப்படுகிறது. நாட்டின் பல காவல் துறை அதிகாரிகளுக்கு என்கவுன்டர்களின் மீது ஒருவித போதை உருவாகியிருக்கிறது.

காவல் துறை இணைய தளம்:

காவல் துறையின் நடவடிக்கைகள் மற்றும் செயல்பாடுகளை மக்கள் அனைவரும் அறிந்து கொள்ளும் வகையில் உருவாக்கப்பட்டுள்ள இணைய தளத்தில் பல்வேறு தகவல்கள் இடம்பெற்றுள்ளன.

பணியாற்றியவர்களின் விபரங்கள் மற்றும் குற்றப்பதிவேடு விபரங்கள் போன்றவையும் இடம்பெற்றுள்ளன.

அத்தளத்தின் ஒரு பகுதியைப் பார்த்த போது தான் அவர்கள் வளர்ச்சி(?!??!!) புரிந்தது. நீங்களும் பாருங்களேன்.

http://www.tnpolice.gov.in/crimeprofile.html

இது அவர்களுடைய குற்ற எண்ணிக்கைகளினை அடிப்படையாக வைத்து வரைந்த வரைபடம் .

உடனே, இது அந்த ஆட்சி !! இது இந்த ஆட்சியில் !!! என்று யாராவது (???!!) சண்டைக்கு வராத வரைக்கும் மகிழ்ச்சி .

மொத்தத்தில் காவல் துறையின் மீது உள்ள நம்பிக்கை குறையாமலிருக்க பெரியார் படத்திற்கு சலுகை மற்றும் நிதி உதவி அளித்தது போல், ஏன் வசனம் எழுதி ஒரு திரைப்படம் எடுக்கக் கூடாது. நம் கேப்டன் கூட பங்கேற்பார் அல்லவா?

மகன் தந்தைக்கு ஆற்றும் உதவி !

2009-07-10T11:34:00.005+05:30

சில சமயம் சிலவற்றை பார்க்கும் போது சில மணித் துளிகள் பேச முடியாமல் போகும்.

சாதியை ஒழிப்பது எப்படி ?

2009-07-09T18:50:00.005+05:30

"பிற்படுத்தப்பட்டோர் பட்டியலில் உள்ளவர்கள் மிகவும் பிற்படுத் தப்பட் டோர் பட்டியலுக்கும், மிகவும் பிற் படுத்தப்பட்டோர் ஆதிதிராவிடர் பட்டியலுக்கும் மாற்றக் கோரி வருகின்றனர். அனைத்து கோரிக்கைகளையும் ஏற் றால், ஓ.சி., - பி.சி., பட்டியலே இல்லாமல் போய்விடும்,'' என்று அமைச்சர் சாத்தூர் ராமச்சந்திரன் தெரிவித்தார்.

பிற்படுத்தப்பட்டோர், மிகவும் பிற்படுத்தப்பட்டோர், சிறுபான்மையினர் நலன் துறைகளுக்கான மானியக் கோரிக் கை மீது நடந்த விவாதத்துக்கு அமைச்சர் அளித்த பதில்:தமிழக அரசியலில் ஒவ்வெரு ஜாதிக்கும், மதத்துக்கும் கட்சிகள் துவக்கப்பட் டுள்ளன. ஆனால், அனைத்து சமுதாயத்தினருக்கும் பாடுபடும் தலைவராக கருணாநிதி உள்ளார்.

தற்போது, போகிற போக்கில், மிகவும் பிற்படுத்தப்பட்ட பட்டியில் உள்ள அனைவரும் ஆதிதிராவிடர் பட்டியலுக்கு மாற்றக் கோருகின்றனர். இதேபோல, இதர வகுப்பினர் பிற்படுத்தப்பட்டோராக மாற்றக் கோருகின்றனர். பிற்படுத்தப்பட் டோர் மிகவும் பிற்படுத்தப்பட்டோராக மாற்றக் கோருகின்றனர்.

இதை செயல்படுத்தினால், மொத்தமும் மிகவும் பிற்படுத்தப்பட்டோர் மற்றும் ஆதிதிராவிடர் பட்டியல் தான் இருக்குமே தவிர, ஓ.சி., - பி.சி., இருக்காது. எந்த நேரத்தில் எப்படி செய்வது என்பதை முதல்வர் அறிந்துள்ளார்.
இவ்வாறு அமைச்சர் தெரிவித்தார்.

இதே முறையை பின்பற்றி இந்தியா முழுவதும் அனைத்து மாநிலங்களும் முயன்றால் சாதி ஒழிக்கப்படும் என்பதினை மிகத்தாழ்மையுடன் தெரிவித்துக் கொள்கின்றேன். மேலும் இதனை உலக அளவில் கொண்டு சென்றால் ஒன்றே மதம் என்றாகி விடும் என்பதினை சொல்வதில் மேலும் பெருமை அடைகிறேன் !

நல்ல வேளை! அமைச்சர் இதெல்லாம் சொல்லலை!

எப்பூடி!!!!!!!!!!

நன்றி : தினமலர்

பட்டறையில் நான்!

2007-08-12T17:26:00.000+05:30

என் இனிய வலைப்பதிவு மக்களே!

இது வரை மொக்கைப் பதிவுகளை மட்டுமே அறிந்து வந்திருந்த நான் முதன் முதலில் சில மொக்கை பதிவர்களினைப் பார்த்து வந்திருக்கின்றேன்.

இது வரை தேன்கூட்டோடும், தமிழ்மணத்தோடும் , பின்னூட்டங்களிலும் மட்டுமே ரசித்து வந்த சில நல் உள்ளங்களினை அருகில் ரசித்ததினை உங்களோடு பகிரவந்திருக்கின்றேன்.

கடந்த சில வாரங்களாக மிகச்சிரமமாய் அமைந்து போன வேலைப் பளுவினால் பதிவர் பட்டறையைப் பற்றி வலையில் கூடப் பார்க்கயியலாதிருந்த போது, பொன்ஸ் மற்றும் வீதபீபிள் ஆகியோர் "உங்கள் பங்கு என்ன?" என்று கேட்டவுடன் 2 மணி நேரம் நான் பேசத் தயார் எனக்கூற "உங்கள் ஆக்கத்தினை சிறுகுறிப்பு வரைக!" என்றார்கள். வரைந்தும் தந்து விட்டேன்.

பின்பு நடந்தவற்றினை நகைச்சுவையாக சொல்ல விரும்பவில்லை! அவ்வாறே சிலது நடந்திருந்தாலும்?!

காலையில் வீதபீபிள் உடன் சென்று வளாகத்தில் நுழைந்தேன். கண்ணில் பட்டவை சிலர் மட்டுமே! சரி தான் ! இன்னுமோர் பதிவர் சந்திப்பு தான் இது என்று ஒரு சிரிப்புடன் உள்ளே நுழைய, பல ஆச்சர்யங்களினை தன்னுள் வைத்திருந்த பட்டறை முகப்பு என்னை வரவேற்றது.

முதலில் பட்டவர் அருள். ஒரு வணக்கத்தினை கூறிவிட்டுத் திரும்பினால் நம்ம தல பாலபாரதி ( அவரும் எல்லோரையும் அப்படித்தான் கூப்பிடுகிறார்.) சிரிப்பு நிறைந்த முகத்துடன் வரவேற்றார்.

பின்பு கண்ணில் பட்டவர் மா.சிவக்குமார், பொன்ஸ் போன்றவர்கள்.

"போய் பதிவிட்டுக்கொள்ளுங்க! உங்க பெயரை!" என்றார்கள்.

"பதிவருக்கே பதிவா! "என்று சிரித்தவாறே கிடைத்த அடையாள அட்டையை என் பெயரிட்டு , பதிவு முகவரியிட்டு இதயத்தினருகே இட்டுக்கொண்டேன்.

ஒரு உண்டியலை வைத்து லக்கிலுக்கிடம் சந்தேகம் கேட்டுக்கொண்டிருந்தார்கள்.அருகே போனேன்.

"நிதி வசூலிக்க வேண்டும். இதில் என்ன எழுதி வைப்பது ? "என்றதும், சட்டென்று பேனாவை எடுத்து பதிவர் பட்டறை வளர்ச்சி நிதி என்று அழகாய் எழுதினார்.

அருகே உடனே ஒரு உடனடிப் பின்னூட்டம் " சரி தான் ! சரியான ஆளிடம் தான் கேட்டீங்க! " என்று.

இப்படி சிரிப்புடன் தான் ஆரம்பித்தது.

சில நிமிடங்களில் தேனீக்கள் போல் பல தல மற்றும் தலைகள் வர களை கட்ட ஆரம்பித்தது.

இப்படி எழுதினால் நிறைய பேருக்கு தூக்கம்/கோபம்/எரிச்சல் வந்திடும். எனவே, குறிப்புகளாய் சிலவற்றினை மட்டும் வரைய விரும்புகின்றேன்.

எனது முதல் பாராட்டும் வாழ்த்தும் பாலபாரதிக்கும் தான்.

எந்த ஒரு அமைப்பிற்கும் ஒரு அமைப்பாளர் அல்லது செயல்வீரர் வேண்டும்.
ஆயிரம் பேர் கனவு காணாலாம்! நனவு படுத்த முயன்றவருள் முதன்மையாய் அவர் தான் எனக்குக் தோன்றினார். வாழ்த்துகள் தல!!

பின்பு பாரட்ட விரும்புவது 'ஜெயா' என்பவரினைப் பற்றி,
எனக்கெல்லாம் இன்றும் யாரையாவது முதலில் பார்க்கும் போது அதிகப்பட்சம் கைகுலுக்கி புன்னகைக்க மட்டுமே முடியும்!? ஆனால், அவர் 10 வருடங்கள் பழகிய நண்பரினை போல் ஒரு உரிமையுடன் வேலைகளினை பகிர்ந்தும் தன் பொறுப்பிலிட்ட பாங்கும் பின்னர் ஓடி ஓடி அவர் உழைத்த விதமும் என்னை ஆச்சர்யத்தில் ஆழ்த்தியது. அந்த தோழி வளமாய் வாழ மனதில் வாழ்த்தி நகர்ந்தேன்.

வினையூக்கி அவர் பங்கெடுப்பும் அபாரம்.

பின்னர், "நான் கேட்ட தலைப்பில் (அதாவது நான் தந்த தலைப்பில்) எப்போது பேசலாம்!? "என்று பொன்ஸிடம் கேட்டேன்.

"நீங்க எப்படி பதிவை உருவாக்குவது என்று வகுப்பெடுக்க போறீங்க!" என்று அவர் சொன்னார்.

நான் கொடுத்த தலைப்பிற்கும் அதற்கும் துளியும் சம்பந்தமேயில்லை.
முதலில் தலை சுற்றியது. பின்னர் சமாளித்து நான் எடுத்த வகுப்பிற்கு வந்து அமர்ந்த, நின்ற, சன்னலோரம் எட்டிப் பார்த்த நண்பர்களினைப் பார்த்து எனக்கு உற்சாகம் கரைமீறி ஓடியது.

" இதற்குத் தானே ஆசைப்பட்டாய் ! விடாதே இவ்வாய்ப்பை !!"என்று உள்ளே ஒன்று கூவியது!

வகுப்பில் ஒவ்வொருவரும் ஒவ்வோர் மனநிலையில் இருந்தார்கள். அவர்களினை ஒருமுகப்படுத்த எனக்கு கிடைத்த வழி அவர்களையே பேச வைப்பது என்ற ஆதிகால தொழில் நுட்பம் தான்.

நானே ஒருவரை கூப்பிட்டு " உங்களுக்கு எது பிடிக்குமோ!! அதைப்பற்றி 5 நிமிடம் பேசுங்களேன்! நாங்கள் கேட்கிறோம்?!!" என்றேன். சிலர் சிலையானர்கள்.

ஒரு முதியவர் (வயதான இளையவர்) முன் வந்து "இன்றைய சமூகம்! என் தலைப்பு!!" என்றார்.

சரிதான் ! பேசுங்க ! என்றதும் 10 நிமிடமாயும் பேசிகொண்டிருந்தார். நானும் தடுக்காது பேச விட்டு, பின்னர் " நண்பர்களே! இவர் இப்போது இந்த அறையில் பேசியதை ஒரு இணைய தொழில்நுட்பம் மூலமாய் உலகறியச் செய்வது எப்படி என்பதினை பேசத்தான் நான் வந்துள்ளேன்! என்று சொன்னதும் அனைத்துப் பேச்சுகளும் அடங்கி என்னை நோக்கி அமர்ந்தனர் அனைவரும்.

இருந்தாலும் ஒரு கணித்திரைபின்பிருந்து மட்டும் இருவர் பேசும் சத்தம் கேட்டது.

வழக்கமான ஆசிரியருக்கே உரித்தான கோபத்துடன் " யாருங்க அது! எங்கிட்டயே பேசுங்க! நான் சொல்லித்தரேன்! " என்றேன்.

வகுப்பா!? எனக்கேவா?? என்பது மாதிரி கணித்திரையின் பின்பிருந்து எட்டிப்பார்த்த முகம் பார்த்து அரண்டு போனேன்.

அது நம் "டோண்டு" அவர்கள்.

அவர் வருத்தம் தெரிவிக்க நான் வழிய பின்னர் வகுப்பை துவங்கினேன்.

பின்னர் நல்முறையில் நான் விளக்கியதாக நண்பர்கள் சொன்னார்கள்.

நிறைய பதிய ஆசைதான்! உங்களுக்கும் படிக்க நேரமில்லை என்பதால் விட்டு விடுகின்றேன்.

பின்னர் நடந்த பலவற்றை பலர் பலவாறு ஏற்கனவே பதிந்திருந்தார்கள்.

நான் வியந்தவை பல வருந்தியவை சில.

வருந்தியவற்றுள் முக்கியமானது கீழ்தளத்தில் நட்ந்த போர். அதைப் பற்றி எழுத விரும்பவில்லை.

நண்பர்களே! எத்தனையோ துறைகளில் எத்தனையோ சாதனைகளினை நாம் படைத்தும் நிகழ்த்தியும் கொண்டிருக்கின்ற நாம், ஏன் பதிகிறோம் என்ற கேள்வியைக் கேட்டால், நிச்சயமாக ஒரு 100 பதிலாவது வரும்.

நான் ஏன் பதிகின்றேன் அல்லது பதியத் துவங்கினேன் என்று என்னைக் கேட்டபோது எப்போதும் வந்த பதில் "தமிழ் நீண்டகாலம் வாழ இது ஒரு தலையாய பணி!" என்பதுதான்.

நோக்கம் பலதாய் இருப்பினும் இப்பதிவர் பட்டறையின் ஆழமான விருப்பமும் அதுவாய் தான் இருக்க வேண்டும் என்று நினைக்கின்றேன்.

ஆனால், போகும் பாதையில் வழி மாறலாம்! ஆனால், போய் சேருமிடம் எதுவென்பெதில் தெளிவு வேண்டும்.

நான் விரும்பிய வண்ணம் ஒரு பங்களிப்பு தர எனக்கு உதவிய அத்துணை நல் உள்ளங்களுக்கும் நன்றியுடனும், யாரேனும் ஒரு நல் பதிவர் என்னால் உருவாகியிருப்பார் என்ற நம்பிக்கையுடனும் முடிக்கின்றேன்.

வாழ்க! வளமுடன்!

வலையாளர் கார்டூன்கள்

2007-07-09T15:38:00.001+05:30

அறிந்ததும் ! அறியாதவையும்!?

2007-07-05T12:37:00.000+05:30

கம்னீயூசம்-மார்க்கிசம்
அறிந்தவை:
ஏழை மற்றும் தொழிலாள வர்க்க மக்களுக்காக போராடும் ஒரு அமைப்பின் சாரத்தில் வந்த அமைப்புகள். நேரடி மற்றும் மறைமுக தாக்குதல் நடத்தி எப்பாடுபட்டாவது மக்கள் நலன் பேணுவது.

அறியாதவை:
ஆட்சி என்று வரும் போது விவசாயிகளை ஏழைகளின் வயிற்றில் வாழ்வாதாரத்தில் அடிப்பது. பேருக்கு ஒரு போராட்டம், ஒரு அறிக்கை விட்டால் மக்கள் சமாதானமாகி விடுவார்கள் என்ற அதிமேதாவித்தனத்துடன் 'நல்லவன்; மாதிரியே நடிப்பது.

திராவிடக் கட்சிகள்:

அறிந்தவை:
தமிழை வாழ வைக்க ஆரம்பிக்கப்பட்ட ஒரு அமைப்பு அதிலிருந்து பிரிந்த சில பிரிவுகள் என இன்று அடையாளம் காணப்பட்டாலும், ஆரம்பத்தில் சமுதாய எழுச்சி மிகு போராட்டங்களும், மக்களுக்காக உழைத்த அருந்தலைவர்களையும் கொண்ட , தன் வாரிசு என்பது தனது கொள்கைகளினை கொண்டு செலுத்துபவர் மட்டும் தான் என்று நினைத்து அதனை நடைமுறைப்படுத்தியவர் தம் அமைப்புகள்.

அறியாதவை:

தன் குடும்பம்,தோழியின் குடும்பம், மகன் , மகள், மருமகன், பேரன், மனைவி, துணைவி, உடன்பிறவா தோழி,வளர்ப்பு மகன்,சம்பந்தி என்றெல்லாம் உறவுகளினை அறிமுகப்படுத்தி மன்னர்முறையினை மீண்டும் அறிமுகப்படுத்தியிருக்கும் பாங்கு.

போலீஸ்காரர்:
(காவல்காரர் என்ற உண்மையான பதத்தினை மற்ந்து போய் சொன்னாலும் ஏற்றுக்கொள்ளும் மனநிலையில் இல்லாத ஒரு அமைப்பு )

அறிந்தவை:

மக்களைப் பாதுகாக்க, சட்டத்தை நடைமுறைப்படுத்த அமைக்கப்பட்ட காவல்காரர்களின் அமைப்பு.

அறியாதவை:

ஆரம்பநிலை காவலர் முதல் முதன்மை நிலை அதிகாரி வரை அனைவரும் கையூட்டு வாங்க, கொஞ்சமும் கூச்சப்பட மறக்கச் செய்ய காரணம் அவர்களா! இல்லை அரசியல்வாதிகளா! இல்லை நாமா!

இப்படி ஏராளமாய் இருக்கும் உங்களுக்குத் தெரிந்த 'அறிந்தும் அறியாதவை களை' பின்னூட்டமிடுவீர்களா!

நல்லவை பிரசுரிக்கப்படும்.

இது மொக்கையல்ல!

2007-06-27T18:31:00.000+05:30

"காதலி,சாதிகள் சாம்பலாக
என்னைக் காதலி!"

"கடைவிழி கடைவீதியில் நிறுத்தியது!?"

"அமுத விஷங்கள் உருவானது ஒரிடமே!
நம்பவிலலை நான்! உன்னை பிரியும்வரை!!"

"காதலில் மட்டும் தான், மீன்கள் வலைவீச
புலிகள் மாட்டிக்கொள்கின்றன!?"

"ஆண் பெண்ணாவதும்,
பெண் ஆணாவதும் கம்னியூசமில்லை!
அது காதலிசம்!!"

"தேன் உறிஞ்ச வந்த வண்டை மலர் காதலனென்றாய்!
ஊர் கண்டு மிரண்ட என் கண்களை மானென்றாய்!
நேற்று வாங்கிய பொய்முடியை மயிலிறகென்றாய்!
பாவாடை தடுக்க நடந்த என்னை அன்னமென்றாய்!
மனம் தாவி வேறு மணம்புரிந்தால் என்னை குரங்கென்பாயோ!"

மேற்க்கண்ட எனது கவிதை முயற்சிக்கு காரணமாயிருந்த "விடை தேடும் வினா? " குழுமத்தின் " இப்பதிவும் எனது சிறு ஆர்வமும் காரணம்.

இதன் தெரிந்தெடுத்தலுக்கான கடைசித் தேதி "இப்போட்டிக்கான கடைசி நாள்: மே 10." என்று அப்பதிவில் அறிவிக்கப்பட்டிருந்தது.

ஆக சமீபத்தில் தான் கடைசித்தேதி கடந்து சென்றதால் காத்திருக்கிறோம் முடிவுகளுக்கு....!!!!

போட்டிக்கான பரிசில் புரவலர்கள் :
"Prize Sponsors
செந்தழல் ரவி
சிறில் அலெக்ஸ்
மங்கை
பாஸ்டன் பாலா
பொன்ஸ்"

போட்டியில் கலந்து கொண்டவர்கள் :
யெஸ்.பாலபாரதி
சேவியர்
தேவ்
சேதுக்கரசி
சென்ஷி
வசந்த்
ப்ரசன்னா (குறைகுடம்)
Hayah
அருட்பெருங்கோ
முத்துலெட்சுமி
வள்ளி

இத்தனை பேர் சார்பாகத்தான் கேட்கின்றேன். இது சரியா! இத்தாமதம் அலட்சியத்தின் காரணமாகவா??

இது போன்ற பரிசுப் போட்டிகளை அறிவிக்கும் முன் இவை ஆரோய்கமான போட்டியா என்று ஆராய்ந்த அக்குழும நண்பர்கள்
தாமதத்தினை எப்படி அனுமதித்தார்கள்.

எனது இப்பதிவை ஒரு கவன ஈர்ப்புத் தீர்மானமாகத்தான் கொள்கின்றேன்.

யாராவது பதில் கூறுவார்களா! இல்லை! வழக்கம் போலத்தானா??

கண்டிப்பாக இது மொக்கைப் பதிவல்ல!!??

சிவாஜி -குத்து வசனங்கள்

2007-06-13T14:37:00.000+05:30

[ தலைவர் பார்த்தாலே அது 'ப்ஞ்ச்' தான்!]

படங்கள் உதவி:
flicker எனும் இணைய தளம்.

தலைவர் நடிச்சா படம் ஹிட ! தலைவர் மேட்டரப் போட்டா பதிவு ஹிட் !!
இது எப்படி இருக்கு!

பின் குறிப்பு :

குத்து வசனம் = பஞ்ச் டயாலாக் என்று கொள்ளவும்.

'ஹிட்' டயலாக் உதவி: லக்கிலுக்கார்! அவர்களின் சிவாஜி கிளைமேக்ஸ் - இணையத்தில்!!!

அப்பாடி ! எப்படியோ ரொம்ப நாளைக்கு அப்புறம் ஒரு பதிவைப் போட்டாச்சு!

கடைசியாக வந்த செய்தி:

புத்தம் புதிய தோற்றத்தில் தலைவர்:

ஆட்டோகிராப்! - பாகம் -2

2007-05-09T13:15:00.000+05:30

தலை காய்ந்து, மூளை( இருப்பவர்க்கு) வேகும் வெயிலோடு விளையாட முடியாது, ஊட்டி போன்ற விடுமுறை தலங்களுக்கு 2 நாள் சென்று மாதம் முழுதும் பற்றாக்குறை வரவு செலவு திட்டத்தில் துண்டு விழ, மனைவி, குழந்தைகளை மனைவியின் தாய் வீடு அனுப்ப முடியாது போய், நண்பர் ' என் பொண்டாட்டி ஊருக்குப் போயாச்ச்ச்சேய்ய்ய்! " என்று சொல்லக் கேட்டு கடுப்பாகி, விடுமுறைகால சிறப்பு வகுப்புகள் என புதிய செலவில் விழி பிதுங்கி.....

இருங்க கொஞ்சம் மூச்சு வாங்கிக்கின்றேன்.

இப்படியாக படுகடுப்பிலிருக்கும் நண்பர்களே!

உங்கள் குழந்தைகளுடன் கொஞ்சம் நேரம் செலவிடுங்களேன்( துண்டெல்லாம் விழாமல் தான்)

எனது நண்பரின் நண்பர் ஒருவர் கேட்டார்.
"என் சன்னை கம்யூட்டர் கிளாஸில் சேர்த்தலாமென்றிருக்கின்றேன்! உங்கள் சஜக்சென் சொல்லுங்க! எதுங்க பெஸ்ட் அண்ட் சீப் !??"

( இப்போதெல்லாம் தமிழ் தலைவர்களே டீப் ஸிலீப்லிருக்கும் போது, இது போன்ற தமிழ், தமிழரிடையே இருப்பது ஒன்றும் வியப்பல்ல என்பது தனிக்கதை!!)

நமது குழந்தைகளுக்கு இப்போது தேவை ஓய்வும், நல்ல விளையாட்டுகளும் தான்.

அவ்விளையாட்டுகளும் அறிவு சார்ந்ததாகவும் பொழுது போக்கவுமாக இருந்து விட்டால், எவ்வளவு அருமையாக இருக்கும்.

இது பற்றி பேசினால் நீண்டு விடும்.

எனவே, என்னாலியன்ற ஒரு யோசனை! (ஒரு நினைவுபடுத்துதல் மட்டுமே!)

வெறும் விரல்கள் மட்டும் வைத்து விளையாடி மகிழலாம்.

இதற்கு முந்தைய இப்பதிவை பார்க்கவும்( ஆட்டோகிராப்!- பாகம்-1.)

இதுவும் ஒரு கைவிளக்கை சிறு இருட்டறைவில் வைத்து மகிழும் ஒரு சிறு விளையாட்டு.

சிறு பயிற்சியின் மூலம் நீங்கள் வித்தைக் காட்டலாம்!

உங்களுக்கும் உங்கள் குழந்தைக்குமான இடைவெளி இன்னும் குறையும்.
அவர்களின் உருவாக்கத் திறனும் அதிகரிக்கும் !

இப்போதைக்கு,நம் மீது படையெடுத்துள்ள அயல்நாட்டு நிறுவனங்களுக்கு நம் வேலை செய்யும் அறிவு மட்டுமே தேவை. நமது படைப்புத் திறன் மெதுவாய் அழிந்து கொண்டே வருகின்றது.

இது போன்றவை அவற்றை வளர்க்கும் என்பதில் எனக்கு சிறிதும் சந்தேகமில்லை !

வாழ்த்துகள்!!

தடாலடிப்போட்டி முடிவுகள் - அறிவிப்பு !

2007-04-20T10:17:00.000+05:30

தடாலடிப்போட்டி- முடிவிற்கு உங்கள் பங்களிப்பு தேவை என்ற முந்தைய அறிவிப்பிற்க்கு கிடைத்த உங்களின் மேலான ஆதரவிற்கு நன்றி.

வெற்றி பெற்ற பங்களிப்பு:

காந்திஜி :- என்ன சுபாஷ், கழுத்துல மெடல் எல்லாம், யாரு மாட்டி விட்டாங்க..

சுபாஷ் :- அட, நீங்க வேற, நம்ம இந்திய கிரிக்கெட் டீம் கூட நம்ம சாகக்களோட போய் ஆடி ஜெயிச்சிட்டோம்.. (நட்பு ஆட்டமாம்..எங்கக்கிட்ட கூட பசங்க தோத்துப்போயிட்டாங்க..)

காந்தி:- :))))))))) (படத்தை பாருங்க படத்தை பாருங்க..!!!)

பதிந்தவர்: கவிதா

வெற்றி பெற்ற கவிதாவிற்கு வாழ்த்துகள்.
(கவிதா உங்க அணில் குட்டி எப்படி இருக்கு!?)

ஏற்கனவே அறிவித்து போல்,
பரிசு:
ஐநூறு இந்திய ரூபாய்கள் மதிப்புள்ள வென்றவர் குறிப்பிடும் புத்தகம்.

வெற்றிபெற்ற கவிதா அவர்கள் தன் தனி அஞ்சல் முகவரியை (வெளியிடப்படாது) ...பின்னூட்டமாக இட்டு தனது தெரிவையும் தெரிவிக்கலாம்.

நன்றி !! விரைவில் அடுத்த போட்டி அறிவிக்கப்படும் !!

தடாலடிப்போட்டி- முடிவிற்கு உங்கள் பங்களிப்பு தேவை!

2007-04-18T15:37:00.000+05:30

மக்கள் தீர்ப்பே மகேசன் தீர்ப்பு!! என நடுவர்கள் சொல்லிவிட்டாலும், சிலவற்றை தெரிந்தெடுத்து உதவினார்கள்.

அவை உங்கள் பார்வைக்கு:

1.
We The People said...

காந்தி நேதாஜியை பார்த்து சொல்வது போல:
"அப்பவே உங்களை காங்கிரஸ் தலைவரா இருக்க விட்டு இருந்தா இன்னைக்கு இந்தியா சுப்பர் பவரா எப்பவோ மாறியிருக்கும்!"

சென்னையிலிருந்து நா.ஜெயசங்கர்.

2.
லக்கிலுக் said...

காந்திஜி : என் புள்ள தேவதாஸ் எம்ப்ளாய்மெண்ட் எக்சேஞ்சில பதிவு பண்ணி 73 வருஷம் ஆவுது. இன்னும் வேலை கெடைக்கல...

சுபாஷ் : தலைவரே. நம்ம லாலுகிட்டே ஒரு வார்த்தை சொன்னீங்கன்னா ரெயில்வேயில ஒரு வேலை போட்டு கொடுத்துடுவாரு இல்லே..

3.
கவிதா said...

காந்திஜி :- என்ன சுபாஷ், கழுத்துல மெடல் எல்லாம், யாரு மாட்டி விட்டாங்க..

சுபாஷ் :- அட, நீங்க வேற, நம்ம இந்திய கிரிக்கெட் டீம் கூட நம்ம சாகக்களோட போய் ஆடி ஜெயிச்சிட்டோம்.. (நட்பு ஆட்டமாம்..எங்கக்கிட்ட கூட பசங்க தோத்துப்போயிட்டாங்க..)

காந்தி:- :))))))))) (படத்தை பாருங்க படத்தை பாருங்க..!!!)

4.

THOTTARAYASWAMY.A said...
அகிம்சை என்னுள் ஆறாக்காயமாய் அவமாணங்களையே பரிசளிக்கிறது.. சமுதாயம் வன்முறையையும் வக்கிரத்தையம் ஏவியே விடுகிறது..
இருந்தும் மெளனமய் என்னுள் அழுகின்றேன்..
என்னுள் கோட்சே பிறந்துவிடக்கூடாதுஎன்பதற்காக.

5.

Kannan Ramanathan said...: நேதாஜி: உங்களோட Lage Raho Munnabhai படம் பார்த்தேன். கலக்கிருந்தீங்க!

காந்திஜி: அட போப்பா, என்னைய கேவலமா காப்பி அடிச்சதுக்கு அந்த டைரக்டர் மேல எப்படி கேஸ் போடறதுன்னு நானே யோசிச்சுண்டு இருக்கேன்!!

**********
இனிஉங்கள் பங்கெடுப்பு தேர்ந்தெடுங்கள் உங்களுக்குப் பிடித்த ஒருவரை!!

முடிவுகள் முடிந்தால் 20 ஏப்ரல் 2007-க்குள்.

நன்றி.

மறக்காம ஒரு ஓட்டு மட்டுமே போட்டிடுங்க.. எனக்கு கள்ள ஓட்டு நீக்கவெல்லாம் தெரியாது..!!!

நல்ல போட்டியாய் இது அமைய உதவிடுங்கள் நண்பர்களே.

திரைப்பட ஆர்வலர்களுக்கு அறிவிப்பு

2007-04-12T10:52:00.000+05:30

'தென்னிந்திய குறும்பட படைப்பாளிகள் அமைப்பு'

துவக்க விழா!

துவக்கி வைத்துச் சிறப்புரை ஆற்றுபவர்கள்:

திரு.பாலுமகேந்திரா அவர்கள்.
(திரைப்பட இயக்குநர்)
மற்றும்
திரு.B.லெனின் அவர்கள்.
(திரைப்பட தொகுப்பாளர்)

வாழ்த்துரை :
திரு.அகஸ்திய பாரதி அவர்கள்.
(மனிதவள மேம்பாட்டு ஆலோசகர்)
மற்றும்
திரு.ராமகிருஷ்ணன் அவர்கள்.
(பிராந்திய மேலாளர், NFDC)

மற்றும் படைப்பாளிகளும் ஆர்வலர்களும்.

இடம்: ஜெர்மன் ஹால்.
பிரகாசம் தெரு,தியாகராய நகர் (T.Nagar)

நேரம் : மாலை 7.00 மணி.

விழாவில் குறும்படங்களும் திரையிடப்படும்.

அனுமதி இலவசம்!
அனைவரும் வருக!

புதிய உறுப்பினர் சேர்க்கையும் நடைபெறும்.

மேலும் விபரங்களுக்கு : www.sisma.in
மற்றும் தொலைபேசி எண்கள்:
98401 36155, 9843110203

தடாலடிப்போட்டி- இன்றே கடைசி நாள்!

2007-04-10T11:47:00.000+05:30

போட்டிக்கான முடிவு தேதி:
10-04-2007.இந்திய நேரம் 12 மணி. நள்ளிரவு.
பின்னூட்டமாகவே போட்டியிடலாம் நண்பர்களே.
ஏற்கனவே கூறியது போல் பதிவாக்கியும் இங்கு இணைப்பு முகவரியைப் பின்னுட்டமிடலாம்.
இனி விவரங்கள்:
தடாலடி கெளதம் அவர்களினைத் தொடர்ந்து யாராவது தடாலடிப் போட்டிகள் நடத்துவார்கள் என காத்திருந்துப் பார்த்து ( !!??) ஒரு தடாலடிப் போட்டியை அறிவிக்க முடிவு செய்து இப்பதிவிட்டுள்ளேன்.

பரிசு:
ஐநூறு இந்திய ரூபாய்கள் மதிப்புள்ள வென்றவர் குறிப்பிடும் புத்தகம் ஒன்று அளிக்கப்படும். ( முடிந்தால் சென்னையில் எங்கு கிடைக்கும் அல்லது அப்புத்தகத்தை எப்படி பெறுவது என்பதனையும் குறிப்பிட்டால் எளிதாக இருக்கும்.)

போட்டி:

கீழே உள்ள காந்தியடிகளும், சுபாஷ் சந்திரப் போஸ் அவர்களும் இன்றைய இந்தியாவைப் பற்றிப் பேசியிருந்தால், என்ன பேசி இருப்பார்கள் என்ற உங்கள் கற்பனையைப் பதிவாய் உங்கள் வலைப்பூவிலிட்டு, இணைப்பு முகவரியினை தயவு செய்து இப்பதிவில் பின்னூட்டமாக இடவும்.
(பின்னூட்டங்களும் கணக்கிலெடுத்துக் கொள்ளப்படும்)

விதி முறைகள்:

1. குறைந்த பட்சம் இரு பதிவர்கள் ( என்னையின்றி) முடிவு செய்யும் கற்பனையே இறுதியானது.

2. மிகவும் வலிவான கருத்தாக இருக்கலாம். ஆனால், யாருக்கும் வலிக்காமல் சொன்னால் நலம்.

3. நகைச்சுவையாக இருக்கலாம். கவிதை ஏன் ஒரு கதையாகக் கூட இருக்கலாம். ஒருவரி கமெண்டும் வரவேற்கப் படுகிறது.

4. ஒரு பதிவர் ஒன்றுக்கும் மேற்பட்ட பங்களிப்பளிக்கலாம்.

5. தனிப்பட்ட மனித தாக்குதல்கள் பரிசை எதிர்பார்க்க வேண்டாம்.

6. பங்கெடுக்கும் அனைத்துப் பதிவுகளுக்கும்,பின்னுட்டங்களுக்கும் பதிவரே பொறுப்பு மற்றும் உரிமையும் அவரையே சார்ந்தது.

7. பரிசு இந்தியாவில் பதிவர் குறிப்பிடும் முகவரிக்கு அனுப்பி வைக்கப்படும்.

8. அனானிகள் என்ற நண்பர்கள் இதற்கேனும் ஒரு வலைப்பதிவைத் துவங்குகளேன். ஆனால், தமிழ்மணம் மற்றும் தேன்கூடு போன்ற பதிவுத் திரட்டிகளின் பங்கெடுத்துள்ள பதிவர்கள் மட்டுமே போட்டியில் கலந்து கொள்ளலாம்.

9. போட்டி துவங்கும் நேரம் : இக் கணம் முதல்.

முக்கிய மாற்றம் மற்றும் அறிவிப்பு:

போட்டிக்கான பங்களிப்பு ,பின்னூட்டாமாகவும் இருக்கலாம் என்று ஏக மனதாக முடிவு செய்யப்பட்டதால், நண்பர்களே,பின்னூட்டத்திலும் தொடரலாம் உங்கள் கற்பனையை...
நன்றி.

பதிவுகளினை அல்லது கற்பனைகளை இப்பதிவில் பின்னூட்டமாக இடக் கடைசித் தேதி : 10 -ஏப்ரல்,2007.

முடிவுகள் : அதிகப் பட்சம் கடைசி தேதிக்குப் பின் ஒரிரு நாட்களில் அறிவிக்கப்படும்.

10. தேவைப் பட்டால் விதிமுறைகள் கடைசி நேர மாறுதல்களுக்கும் உட்பட்டது.

ஏற்கனவே, போட்டிக்கான விமர்ச்சனங்களும் பங்கெடுப்பும் இங்கு இடப்பட்டிறுக்கிறது.

13 comments:
✪சிந்தாநதி said...
போட்டிக்கு நன்றி.ஆனால்//தடாலடி கெளதம் அவர்களினைத் தொடர்ந்து யாராவது தடாலடிப் போட்டிகள் நடத்துவார்கள் என காத்திருந்துப் பார்த்து ( !!??) ஒரு தடாலடிப் போட்டியை அறிவிக்க முடிவு செய்து இப்பதிவிட்டுள்ளேன்.//இப்படி சொல்லியிருக்கீங்க...;) நீங்க தமிழ்மணத்தில் ஒழுங்கா படிக்கிறதில்லயா? ஏங்க..இதுக்குன்னே ஒரு தளம் தொடங்கி அஞ்சாறு வாரமா போட்டி நடத்திக்கிட்டு இருக்கோமே நீங்க பார்க்கவே இல்லையா? ;(http://tamiltalk.blogspot.com/பரிசுப் போட்டி அஞ்சு போட்டி முடிஞ்சாச்சுங்க...
Tue Mar 27, 02:28:00 PM 2007
தமிழி said...
நன்றி. சிந்தா நதி.மன்னிக்க!இதனை கவனத்தில் கொள்ளவில்லை, இருந்தாலும் கலந்து கொள்ளுங்கள். உங்கள் நண்பர்களுக்கும் சொல்லுங்கள்.
Tue Mar 27, 02:32:00 PM 2007
தமிழி said...
மேலும்., பதிவர்களின் பதிவினை மென்மேலும் பலர் பார்க்க வேண்டும் என்பதே இப்போட்டியின் முக்கிய நோக்கமாக கருதுகின்றேன்.பதிவுலக நண்பர்களே எனது எண்ணத்தினை ஊக்கப்படுத்துவீர் என்றே விழைகின்றேன்.
Tue Mar 27, 02:40:00 PM 2007
sivagnanamji(#16342789) said...
//கடைசிநேர மாறுதல்களுக்கு உட்பட்டது//பரிசுத் தொகையுமா?
Tue Mar 27, 02:42:00 PM 2007
தமிழி said...
// sivagnanamji(#16342789) said...//கடைசிநேர மாறுதல்களுக்கு உட்பட்டது//பரிசுத் தொகையுமா? //நிச்சயமாக பரிசுத் தொகை குறையாது !!வேண்டுமானால் அதிகரிக்கலாம்.கெளதமின் தடாலடியின் நாயகரான உங்கள் பங்களிப்பையும் ஆவலோடு எதிர்பார்க்கின்றேன்.நன்றி.
Tue Mar 27, 03:58:00 PM 2007
We The People said...
காந்தி நேதாஜியை பார்த்து சொல்வது போல:"அப்பவே உங்களை காங்கிரஸ் தலைவரா இருக்க விட்டு இருந்தா இன்னைக்கு இந்தியா சுப்பர் பவரா எப்பவோ மாறியிருக்கும்!"சென்னையிலிருந்து நா.ஜெயசங்கர்.(பழக்க தோஷம்பா!)
Tue Mar 27, 04:11:00 PM 2007
லக்கிலுக் said...
நேதாஜி : தலைவரே உங்களோட வெள்ளையனே வெளியேறு இயக்கத்துலே என்னையும் சேத்துக்குங்களேன்காந்திஜி : யோவ் சுபாசு இது 1942 இல்லே. 2007. 65 வருஷமா நீ கோமாவுலே இருந்ததுனால எதுவும் தெரியலை போலிருக்கு. வெள்ளைக்காரன் கிட்டேருந்து நாட்டை மீட்டு கொள்ளைக்காரனுங்க கிட்டே கொடுத்து 60 வருஷமாச்சி. 59 வருஷத்துக்கு முன்னாடி என்னையும் போட்டுத் தள்ளிட்டானுங்க. நாடு எவ்வளவோ மேடு பள்ளங்களை தாண்டிடிச்சிப்பா....
Wed Mar 28, 11:33:00 AM 2007
லக்கிலுக் said...
காந்திஜி : என் புள்ள தேவதாஸ் எம்ப்ளாய்மெண்ட் எக்சேஞ்சில பதிவு பண்ணி 73 வருஷம் ஆவுது. இன்னும் வேலை கெடைக்கல...சுபாஷ் : தலைவரே. நம்ம லாலுகிட்டே ஒரு வார்த்தை சொன்னீங்கன்னா ரெயில்வேயில ஒரு வேலை போட்டு கொடுத்துடுவாரு இல்லே...
Wed Mar 28, 11:35:00 AM 2007
தமிழி said...
போட்டிக்கான பங்களிப்பு ,பின்னூட்டாமாகவும் இருக்கலாம் என்று ஏக மனதாக முடிவு செய்யப்பட்டதால், நண்பர்களே,பின்னூட்டத்திலும் தொடரலாம் உங்கள் கற்பனையை...நன்றி.
Wed Mar 28, 11:42:00 AM 2007
கிரிக்கெட்வெறியன். said...
இந்தியா அணி வெற்றி பெற உண்ணாவிரதம் இருக்கப்போறீங்களா!அய்யோ! அய்யோ! உங்களோட ஒரே தமாசுதான் போங்க!
Wed Mar 28, 02:33:00 PM 2007
கவிதா said...
காந்திஜி :- என்ன சுபாஷ், கழுத்துல மெடல் எல்லாம், யாரு மாட்டி விட்டாங்க..சுபாஷ் :- அட, நீங்க வேற, நம்ம இந்திய கிரிக்கெட் டீம் கூட நம்ம சாகக்களோட போய் ஆடி ஜெயிச்சிட்டோம்.. (நட்பு ஆட்டமாம்..எங்கக்கிட்ட கூட பசங்க தோத்துப்போயிட்டாங்க..)காந்தி:- :))))))))) (படத்தை பாருங்க படத்தை பாருங்க..!!!)
Wed Mar 28, 04:42:00 PM 2007
Nakkeeran said...
சுபாஷ்: தூங்குடா பார்க்காதே பார்க்காதேன்னு சொன்ன கேட்டா தானே. இந்தியா - இலங்கை மேட்ச் பார்த்ததில் இருந்து இப்படி தான் (சுபாஷ்-க்கு பின்னால் இருப்பவரை பார்க்கவும்)காந்தி: ஹி ஹி
Thu Mar 29, 07:41:00 AM 2007
We The People said...
//(சுபாஷ்-க்கு பின்னால் இருப்பவரை பார்க்கவும்)//அவர் யார் என்று தெரியாத அளவுக்கு இந்தியர்கள் வாழும் நிலை வந்துவிட்டது!ஐயோ! ஐயோ!!
Sat Mar 31, 11:42:00 AM 2007

மேலும் சில விமர்சனங்கள் மட்டும் இங்கே:

Anonymous said...
நாளைக்கு பின்னூட்டம் போடுகிறேன்.- சென்னையிலிருந்து லக்கிலுக்
Tue Mar 27, 04:18:00 PM 2007
கும்மாங்கோ said...
காந்திஜி: இந்த கூவம் பக்கம் கூட்டம் போடாதீங்கன்னா கேக்க மாட்டேங்கறீளே ?நேதாஜி: ரொம்ப முக்கியம். இப்ப நாடு இருக்கிற நெலமையிலே கூவம் எவ்வளவோ தேவலை
Tue Mar 27, 05:39:00 PM 2007
ரவிசங்கர் said...
எட்டாவது விதி எதற்கு என்று புரிய வில்லை. திரட்டிகளில் இணைக்கப்படாமல் தனியே எழுதப்படும் பதிவுகள் நன்றாக இருக்க வாய்ப்பே இல்லையா என்ன? இல்லை, உங்கள் அறிவிப்பைப் பார்த்து புதிதாக ஒருவர் பதிவு தொடங்கினாலும் உடனடியாக அதை எப்படி திரட்டிகளில் இணைப்பது? தொடர்ந்து இந்தப் போட்டிகளை நடத்துவதாக இருந்தால் இந்த விதியைத் தளர்த்தலாம்
Tue Mar 27, 05:57:00 PM 2007
தமிழி said...
ரவிசங்கர், இன்றைய நிலைமையில் போலிகள் அதிகம் நடமாடுவதாக ஒவ்வொரு பதிவரும் புலம்பிக் கொண்டிருக்கின்றனர்.வரும் பதிவை போலியல்ல ??!! என்பதினை அறிய என்னிடம் தொழில் நுட்பமோ,சிறப்பு வசதிகளோ இல்லை! ஆகவே தான், ஒரு அங்கீகரிக்கப்பட்ட திரட்டியில் அனுமதிக்கப் பட்ட பதிவர் என்று சொல்ல வேண்டி இருந்தது!மேலும்., இதன் மூலம் அப்பதிவர் (இப்போதைய) வெகுசன ஊடகமாய் திகழும் இத்திரட்டிகளின் வட்டத்திற்கும் நம் போன்றோர் பார்வைக்கும் வருவார்கள் அல்லவா! நிறைய பதிவர்களையும் அதற்கு தேவையான பார்வையாளார்களினையும் என்ன்னாலியன்ற வகையில் ஊக்கப் படுத்தவே இவ்வாய்ப்பை கருதுகின்றேன்!கருத்துக்கு நன்றி ரவிசங்கர்.
Wed Mar 28, 10:01:00 AM 2007
தமிழி said...
கும்மாங்கோ! உங்கள் வலைப்பூ என்று ஒன்றிருந்தால் அதில் உங்கள் கற்பனையை பதிவாய் இட்டு, அவ்விடுகையின் முகவரியையை இங்குப் பின்னூட்டமாகப் பதிவு செய்து போட்டியில் கலந்து கொள்ளுங்களேன்.நன்றி.
Wed Mar 28, 10:03:00 AM 2007
லக்கிலுக் said...
நல்ல முயற்சி. வெற்றியடைய வாழ்த்துக்கள்!
Wed Mar 28, 12:07:00 PM 2007
கவிதா said...
காந்திஜி :- என்ன சுபாஷ், கழுத்துல மெடல் எல்லாம், யாரு மாட்டி விட்டாங்க..சுபாஷ் :- அட, நீங்க வேற, நம்ம இந்திய கிரிக்கெட் டீம் கூட நம்ம சாகக்களோட போய் ஆடி ஜெயிச்சிட்டோம்.. (நட்பு ஆட்டமாம்..எங்கக்கிட்ட கூட பசங்க தோத்துப்போயிட்டாங்க..)காந்தி:- :))))))))) (படத்தை பாருங்க படத்தை பாருங்க..!!!)
Wed Mar 28, 04:18:00 PM 2007

THOTTARAYASWAMY.A said...
அகிம்சை என்னுள்ஆறாக்காயமாய்அவமாணங்களையேபரிசளிக்கிறது.. சமுதாயம்வன்முறையையும்வக்கிரத்தையம்ஏவியே விடுகிறது.. இருந்தும் மெளனமய்என்னுள் அழுகின்றேன்.. என்னுள் கோட்சே பிறந்துவிடக்கூடாதுஎன்பதற்காக..
Mon Apr 02, 09:19:00 PM 2007

Anonymous said...
என்னது நீங்க தான் அடுத்த கோச்சா!-சங்கரன்.
Thu Apr 05, 01:16:00 PM 2007

தடாலடிப்போட்டி-மீள்பதிவாய்!

2007-04-02T19:32:00.000+05:30

போட்டிக்கானப் பங்களிப்பு மிகக்குறைவாக இருப்பதால் இன்னும் ஒரு வாரம் நீட்டி வைக்கலாம் என்று நடுவர்கள் கருதுவதால், ஒரு சிறு மாற்றம் .
போட்டிக்கான முடிவு தேதி:
10-04-2007.இந்திய நேரம் 12 மணி. நள்ளிரவு.

பின்னூட்டமாகவே போட்டியிடலாம் நண்பர்களே. ஏற்கனவே கூறியது போல் பதிவாகாக்கியும் இங்கும் இணைப்பு முகவரியைப் பின்னுட்டமிடலாம்.

இனி விவரங்கள்:
தடாலடி கெளதம் அவர்களினைத் தொடர்ந்து யாராவது தடாலடிப் போட்டிகள் நடத்துவார்கள் என காத்திருந்துப் பார்த்து ( !!??) ஒரு தடாலடிப் போட்டியை அறிவிக்க முடிவு செய்து இப்பதிவிட்டுள்ளேன்.

மேலும் சில விமர்சனங்கள் மட்டும் இங்கே:

நடிகர்திலகங்கள்!

2007-03-29T10:53:00.000+05:30

O.T.I. செய்தி:

சென்று திரும்புகின்ற நமது விளம்பர நடிகத் திலகங்கள் புதிய படங்களில் ஒப்பந்தமானார்கள்.

அவர்கள் நடிப்புத் திறன் பற்றி தயாரிப்பாளர் அஸ்கிபுஸ்கி கூறுகையில்,

"அவர்களின் விளம்பரப் படங்களினைப் பார்த்துள்ள நான் ஏற்கனவே ஒரு படம் எடுக்க திட்டமிட்டிருந்தேன்.( அப்போது எடுத்த மேக்கப் டெஸ்ட் தான் கீழ்க் கண்ட LA..AGAIN புகைப்படம்.)

"ஆனால், உலகப்போட்டிகளில் அவர்களின் நடிப்பு என்னை உருக்கி விட்டது. மிகச்சுலபமான பந்தாக இருந்தாலும் கஷ்டப்பட்டு அவுட்டான விதமும் ( இந்த இடத்தில் அஸ்கி கண்ணீர் விட்டு அழுதார்), மேலும் எவ்வளவு அடித்தாலும் தாங்கிக் கொண்டு அடிக்காமல் விட்ட அவ்வீரமிகு மைந்தர்களின் நடிப்புத் திறன் உலக சினிமா வரலாற்றில் பதிக்க வேண்டிய ஒன்று " என்று கூறினார்.

அப்போது அவர் வெளியிட்ட சில படங்களின் போஸ்டர்கள் உங்கள் பார்வைக்கு!!

மேலும், அமெரிக்காவில் இருந்து ஸரோஜ் நாயுடு சாமி அனுப்பிய ஒரு செய்தி:

புதிய நடிகர்களினைப் பற்றிக் கேள்விப்பட்டு பெரியண்ணணும் ஒரு புதிய படத்தில் ஒப்பந்தமா(க்)கியுள்ளாராம்.

அவசரச் செய்தி:

அதிரடி நாயகர்கள் இணந்து மிரட்டும் ஒரு சரித்திரபடமும் ஒப்பந்தமாகியுள்ளதாக ஏஜென்சி செய்திகள் சொல்லுகின்றன.

இனி இன்றைய கிசு கிசு:

கொதிப்படைந்த லொல்லு அவர்கள் நான் அவர்களை விட நன்றாக நடிப்பேன் என்று மேக்கப் போட்டுக்கொண்டதாக சில புகைப்படங்களை இன்று ஒரு இணையதளம் வெளியிட்டுள்ளது.

தடாலடிப் போட்டி- விமர்ச்சனங்கள்!?

2007-03-27T14:18:00.000+05:30

முன்னர் அறிவிக்கப்பட்ட தடாலடிப் போட்டிக்கான உங்கள் விமர்ச்சனங்கள் பின்னுட்டங்கள் இங்கு இப்பதிவில் வரவேற்கப்படுகின்றன. உங்கள் போட்டிக்கான பின்னூட்டங்கள் போட்டிப் பதிவிலேயே இடலாம்.
நன்றி.

தடாலடிப் போட்டி!

2007-03-27T13:08:00.000+05:30

தடாலடி கெளதம் அவர்களினைத் தொடர்ந்து யாராவது தடாலடிப் போட்டிகள் நடத்துவார்கள் என காத்திருந்துப் பார்த்து ( !!??) ஒரு தடாலடிப் போட்டியை அறிவிக்க முடிவு செய்து இப்பதிவிட்டுள்ளேன்.

பரிசு:
ஐநூறு இந்திய ரூபாய்கள் மதிப்புள்ள வென்றவர் குறிப்பிடும் புத்தகம் ஒன்று அளிக்கப்படும். ( முடிந்தால் சென்னையில் எங்கு கிடைக்கும் அல்லது அப்புத்தகத்தை எப்படி பெறுவது என்பதனையும் குறிப்பிட்டால் எளிதாக இருக்கும்.)

போட்டி:

கீழே உள்ள காந்தியடிகளும், சுபாஷ் சந்திரப் போஸ் அவர்களும் இன்றைய இந்தியாவைப் பற்றிப் பேசியிருந்தால், என்ன பேசி இருப்பார்கள் என்ற உங்கள் கற்பனையைப் பதிவாய் உங்கள் வலைப்பூவிலிட்டு, இணைப்பு முகவரியினை தயவு செய்து இப்பதிவில் பின்னூட்டமாக இடவும்.

விதி முறைகள்:

1. குறைந்த பட்சம் இரு பதிவர்கள் ( என்னையின்றி) முடிவு செய்யும் கற்பனையே இறுதியானது.

2. மிகவும் வலிவான கருத்தாக இருக்கலாம். ஆனால், யாருக்கும் வலிக்காமல் சொன்னால் நலம்.

3. நகைச்சுவைப் பதிவாக இருக்கலாம். கவிதை ஏன் ஒரு கதையாகக் கூட இருக்கலாம்.

4. ஒரு பதிவர் ஒன்றுக்கும் மேற்பட்ட பங்களிப்பளிக்கலாம்.

5. தனிப்பட்ட மனித தாக்குதல்கள் பரிசை எதிர்பார்க்க வேண்டாம்.

6. பங்கெடுக்கும் அனைத்துப் பதிவுகளுக்கும் பதிவரே பொறுப்பு மற்றும் உரிமையும் அவரையே சார்ந்தது.

7. பரிசு இந்தியாவில் பதிவர் குறிப்பிடும் முகவரிக்கு அனுப்பி வைக்கப்படும்.

8. அனானிகள் என்ற நண்பர்கள் இதற்கேனும் ஒரு வலைப்பதிவைத் துவங்குகளேன். ஆனால், தமிழ்மணம் மற்றும் தேன்கூடு போன்ற பதிவுத் திரட்டிகளின் பங்கெடுத்துள்ள பதிவர்கள் மட்டுமே போட்டியில் கலந்து கொள்ளலாம்.

9. போட்டி துவங்கும் நேரம் : இக் கணம் முதல்.

முக்கிய மாற்றம் மற்றும் அறிவிப்பு:

போட்டிக்கான பங்களிப்பு ,பின்னூட்டாமாகவும் இருக்கலாம் என்று ஏக மனதாக முடிவு செய்யப்பட்டதால், நண்பர்களே,பின்னூட்டத்திலும் தொடரலாம் உங்கள் கற்பனையை...
நன்றி.

பதிவுகளினை அல்லது கற்பனைகளை இப்பதிவில் பின்னூட்டமாக இடக் கடைசித் தேதி : 2 -ஏப்ரல்,2007.

முடிவுகள் : அதிகப் பட்சம் கடைசி தேதிக்குப் பின் ஒரிரு நாட்களில் அறிவிக்கப்படும்.

10. சிலரின் வேண்டுகோளுக்கிணங்க இப்போட்டிப் பற்றிய உங்கள் கருத்துகளைப் பின்னூட்டமிட இங்கு செல்லவும்.

11. தேவைப் பட்டால் விதிமுறைகள் கடைசி நேர மாறுதல்களுக்கும் உட்பட்டது.

விளையாட்டாப் போச்சு!!

2007-03-26T11:49:00.000+05:30

செய்தி:
நான் விளையாடப் போயிருந்தாலே இந்தியா கோப்பையைக் கைப்பற்றியிருக்கும். - லல்லு பிரசாத் யாதவ்.

நம்ம மூத்த பெரியண்ணன் ஜார்ஜ் புஸ் கடுப்பாகி உடனே பாக்- டீமுடன் பயிற்சி எடுத்துக் கொண்டார்.

பேசாமல் இவங்களை அனுப்பியிருந்தால் கூட கெலிச்சிருக்குமோ என்னவோ!?

கனவில் சென்னை!

2007-03-23T16:41:00.000+05:30

கூவம் சுத்தப்படுத்தப்பட்டு உள் நாட்டுப்போக்குவரத்து துவங்கியது. சாலைகளினோரம் சோலைகள்....
ஒரு மெட்ரோ ரயில்...
ஒரு படகும் பின்னே மேம்பாலமும்...

இசை விமர்ச்சனம்!

2007-03-20T13:19:00.000+05:30

தம்பி பூனையார் அவர்களின் கருத்துக்களினைப் பாருங்களேன்!

ஏ.ஆர்.ரஹ்மானின் இசைப் பற்றி:

புதுமை இசையமப்பாளார் ஹாரிஸ் ஜெயராஜின் இசை பற்றி:

தேனிசைத் தென்றல் தேவா இசைப் பற்றி:
அருமை வாரிசு யுவனின் இசைப் பற்றி:

இது இசை ஞானியின் இசை பற்றி :

இது இவ்வளவு இசைச் சங்கமம் கேட்டவுடன் நடந்த நிகழ்வு:

கார்டூன் வன்முறைகள்.

2007-03-13T11:49:00.000+05:30

கார்டூன் என்ற வரைபடக்கதை சொல்லும் முக்கிய ஊடக முறை வால்ட் டிஸ்னி
என்ற ஒரு மனிதரால் உலகப் புகழடைந்தது.

இன்றும் நம் மனதின் ஆட்டோகிராப்களாய் உள்ள சில கதாநாயகர்கள் பற்றி லக்கிலுக்கின் விரிவான பதிவைக் கண்டால் உங்களுக்கு நினைவு வரும்.

ஆனால், அன்று ஆர்ச்சியும், ஸ்பைடர் மேன்( இவர் வில்லனாகத் தான் வருவார்), முகமூடி, இரும்புக்கை மாயாவி போன்றவர்களின் அச்சு ஊடக வன்முறை நம்மை ( அதாவது சென்ற தலை முறை இளைஞர்களினை..... 30+ எனபது சரியா இருக்குமா!!?) பெரும்பாலும் பாதிக்கவில்லை.

அவன் கையில் காமிக்ஸ் கிடைச்சாப் போதும் உலகை மறந்திருவான் என்று என் அப்பா பெருமையுடன் பேசக் கண்டிருக்கிறேன்.

தேர்வுகள் முடிவை விட லயன் காமிஸின் கோடைக்காலச் சிறப்பு மலருக்காக காத்திருந்த காலங்கள் அவை.

ஆனால், இன்று மருத்துவர்களும், மனவியல் வல்லுநர்களும் " உடனடியாக குழந்தைகள் கார்டூன் பார்ப்பதை தடுத்து நிறுத்துங்கள் " என்று அலறுகிறார்கள்.

ஏன் ! என்று யோசித்த போது நாம் படித்தோம் இத்தலைமுறை பார்க்கிறது என்பதா என்றால், ஒவ்வொரு ஞாயிறும் ஸ்பைடர் மேனும், heman -ம், மிக்கி மெளசும், டொனால்ட் அங்கிளும் நாமும் பார்த்தபிறகே வந்துள்ளோம் இல்லையா!

இதன் தாக்கம் எனக்கும் ஒரு வாரிசு வந்து, அவள் தொலைக்காட்சி பார்த்த வாறே உண்ணும் போது தான் புரிந்தது.

அன்று நமக்கு சோறூட்ட பாட்டிகளும்( ஆத்தா) நிலாவும் இருந்தது.

இன்று பாட்டிகள் ஊரில், நிலா முற்றம் செல்ல மின் தூக்கியில் மொட்டை மாடி செல்ல வேண்டும். எனவே, நமது இல்லத்தரசிகள் மிகச் சுலபமாய் ( என்ன! ஒரு அரை மணி நேரம் தானே என்று !? அதுவும் சீரியல் பார்க்கும் நேரம் போக) சோறூட்ட ஆரம்பித்து இன்றைய தலைமுறையின் வன்முறை முகத்தின் முதலாக்கியிருக்கிறார்கள் என்றால் அது மிகையில்ல.

ஆனால், இன்றும் அனைத்துத் தரப்பினரும் ரசித்து பார்க்க வைக்கும் அருமையான கார்டூன் சார்ந்த படங்களும் ( ஸ்டூவர்ட் லிட்டில் போன்ற), மனதினை நெருடச்செய்யும் ( ஈ.டி போன்ற) படங்களும், வியப்பிலாற்றும் வகையில் உள்ளது.

எனது தெரிவுகள்:

லயன்கிங் கார்டூன் படத்தில் வரும் சிம்பா , மும்பா ( Pumbaa,Simba) வரும் ஒரு நிகழ்ச்சி தமிழில் ஒலிமாற்றம் செய்யப் பட்டு வருகிறது. அருமையான நகைச்சுவை வசனங்கள் மற்றும் பொருத்தமான குரல்தேர்வு. அந்த உயிருக்கு உயிரான நண்பர்கள் அடிக்கும் லூட்டி ரசிச்சு சிரிக்கலாம்.

போகோ (pogo) என்ற சேனலின் பெரும்பாலான நிகழ்ச்சிகள் அருமையிலும் அருமை. அதுவும் குறிப்பாக ஆஸ்வோல்டும்(oswald), நாடியும் ( noddy) மிகவும் அருமை. நல்ல கருத்துகளையும் மிதமான இசையும் அருமையான வண்ணப்படங்களும் கொண்ட இவை இரண்டும் டாப் என்றே நினைக்கிறேன்.

மேற்கூறியவை அளவில் சிறியவை ஆனால், இவையல்லாது பவர் ரேஞ்சர் போன்றவற்றை உடனடியாக அரசு தடை செய்ய வேண்டும் என்ற பலரின் கோரிக்கை பல நாட்களாகவே கிடப்பில் போடப் பட்டுள்ளது. சில விபத்துகளும் சாவுகளும் நடந்தும் அரசு இதை கவனிக்கவேயில்லை.

குழந்தைகள் வாழ்வினை கட்டணச்சேனலாக்கி, கட்டணம் வசூலிப்பதிலேயே குறியாயிருக்கும் சேனல்களினை உடனையாகத் தடை செய்யவேண்டும்.

அரசியல் தலைவர்கள் தங்கள் வாரிசுகள் வன்முறைக் கற்றுக்கொள்வதில் விருப்பம் தெரிவிக்கலாம் ! ஆனால் நடுத்தரவர்க்கம் அல்ல!! முக்கியமாய் எங்கள் குழந்தைகளல்ல!

வரும் தலைமுறைகளுக்கு பாட்டிக் கதைகள் இல்லாமல் செய்து விட்ட பெருமை உங்கள் உலகமயமாக்கலும், எங்களினை பொருள் தேடி திரைக்கடலோட வைத்த பொருளாதாராக் கொள்கைகளும் தானே!

அடுத்த தலைமுறைக்கு வன்முறை கற்றுக் கொடுக்காதீர்கள். பின்னர் எங்களைப் போல் விண்ணப்பங்களிட்டு காத்திராது, வாளினை எடுப்பர் என்பதினையும் மறந்து விடாதீர்கள்.

---
இப்பதிவிற்கு தொடர்புடைய இடுகைகள்:
காமிக்ஸ் ரசிகர்களுக்கு! நன்றி லக்கியாரே! நல்ல நினைவூட்டலுக்கு...

தினம் மகளிர்தினம்!?

2007-03-08T10:28:00.000+05:30

பெண் உரிமை பற்றிப் பெரியார் அவர்களின் கருத்து:

மனிதன் பெண்களைத் தனக்குரிய ஒரு சொத்தாகக் கருதுகிறானேயொழிய தன்னைப் போன்ற உணர்ச்சிக்கும் அருகதையுள்ள ஓர் உயிர் என்று மதிப்பதில்லை.

பெண்மக்களை இன்று ஆண்கள் நடத்தும் மாதிரியானது மேல்சாதிக்காரன் கீழ்ச்சாதிக்காரனை நடத்துவதைவிட, ஆண்டான் அடிமையை நடத்துவதைவிட மோசமானதாகும்.

இந்திய நாட்டில் பெண்கள் சகல துறைகளிலும் தீண்டப்படாத மக்கள் அடைந்துவரும் வேதனையையும் இழிவையும், அடிமைத் தனத்தையும்விட அதிகமாகவே அனுபவித்து வருகிறார்கள்.

ஆண் எப்படி வேண்டுமானாலும் திரியலாம், எவ்வளவு மனைவிகளை வேண்டுமானாலும் மணக்கலாம், என்கின்ற முறையே, விபச்சாரம் என்னும் பிள்ளைகளைப் பெற்றெடுக்கின்றது.

" ‘கற்பு’ என்ற சொல்லை வைத்து, பெண்ணை இன்னமும் அடிமையாக்குகின்றது எமது இனம்.... ஆண்-பெண் இருபாலாரும் சரிசமமாக சுதந்திரத்துடன் வாழவேண்டும் என்ற நிலைமை ஏற்பட வேண்டும் என்றால், கற்பு என்பதன் அடிப்படை இலட்சியமும், கொள்கையும் மாற்றப்பட்டு, ஆண்-பெண் இருவருக்கும் ஒருப்போன்ற நீதி ஏற்பட வேண்டும் "

தமிழ் இலக்கியத்தில், ஒரு பெண்ணுக்கு, கற்பு நிலையைப் பேணும் நிலை மூன்றாகச் சொல்லப்படுகின்றது:-

1. கன்னிப்பருவக் காவல்: அதாவது திருமணத்துக்கு முந்திய கன்னிப் பருவத்தில் கன்னிமையைக் காத்தல்.
2. கடியிற் காவல்: அதாவது திருமணமான பின்பு தன் கணவனோடு இல்லறம் நடாத்தும்போது ‘பதிவிரதா தர்மத்தை’ப் பேணுதல். இது மனையறம் என்று சுட்டிக் காட்டப்படுகின்றது.
3. கைம்மைக் காவல்: தனது கணவன் இறந்தபிறகு, அவனது நினைவாக நோன்பு நோற்று, தன் மனத்தையும், உடலையும் காத்தல். இது ‘மாதவம்’ என்று அழைக்கப் படுகின்றது, போற்றப் படுகின்றது.

திருக்குற்றாலப்புராணம் பெண்கள் கற்புக்கரசிகளாக விளங்குவதற்கு 12 செயல்களைச் செய்ய வேண்டும் என்று சொல்கிறது.
அவை:
1. சிறுகாலை எழுதல்.
2. உடன் சமையல்கட்டிற் புகுதல்.
3. நன்றாக கூட்டிச் சமைத்தல்.
4. சுவை குன்றாது அதனைப் பரிமாறுதல்.
5. வீட்டைத் திருத்துதல்.
6. வருந்தும் காலத்திலும் விருந்து உபசரித்தல்.
7. குழந்தைகளைப் பெறுதல்.
8. பெறும்போது இன்புறுதல்.
9. அச்சம், மடம், நாணம் உடையவளாக இருத்தல்.
10. கணவன் உறங்கிய பின் உறங்குதல்.
11. அவன் எழுவதற்கு முன் எழுதல்.
12. காலை எழும்போது அவனைத் தொழுது எழுதல்.

இவ்வாறெல்லாம் வாழ இயலுமா! இதை கலாச்சாரம், பண்பாடு என்று கற்ற அறிவு சொன்னாலும் சகோதிரியாய் , தாயாய், மகளாய் அனைத்துமான தோழியாய் பெண்ணைப் பார்க்கும் போது, ஏன் அவர்களுக்கு மட்டும் அவ்வளவு கட்டுக்கோப்பு! என்றே எண்ணத்தோன்றுகிறது.

என்னைப் பொருத்தவரை பெண்ணிய வளர்ச்சிகள்:
கைம்பெண்கள் எனப்படும் கணவன் இறந்த பின்பு பெண்கள் வாழுகின்ற விதவை வாழ்க்கை வேதனைகள் இன்று குறைக்கப் பட்டுள்ளது. அதற்கு சமுதாயம் மட்டுமே காரணம் அல்ல. அப்பெண்கள் தீரத்துடன் போராட எடுத்துக்கொண்ட வலிவு தான் காரணம்.

தாயே ஆனாலும், நல்ல காரியம் என்று வெளியே போகும்போது, அவள் விதவையாயிருந்தால் எதிரே வரக்கூடாது !என்ற மூடநம்பிக்கை வரையறையெல்லாம் தூக்கியெறியப்பட்டன.

இளம் வயது திருமணம், பெண் கல்வி போன்றவை சில (10-20) ஆண்டுகளில் தான் மாறியுள்ளது. இன்னும் வளர்ச்சி வேண்டும்.

இன்று தொழில்நுட்ப பூங்காக்களின் செல்லப் பிள்ளைகள் பெண்களே !!

கடைசியாக,
பெண்ணியம், பெண்விடுதலை, பெண்ணுரிமை என்றெல்லாம் பேசி நேரம் கழித்துக் கொண்டிருந்த பெண்கள் இன்று பெரும்பாலும் இல்லை. ஏனெனில் அவர்கள் செயலில் காட்டத் துவங்கி விட்டனர்.

ஆனால், இது போதுமா! இல்லையா! என்பது பெண்கள் மட்டுமே தீர்மானிக்க வேண்டிய விடயம்.

கப் கண்ணா கப்!

2007-03-03T12:23:00.000+05:30

சென்ற உலகக் கோப்பையய் யாரும் அவ்வளவு சீக்கிரம் மறந்திர முடியாது.
உலகின் பல பகுதியில் வாழும் இந்தியரையும், இந்தியாவில் வேற்றுமையில் ஒற்றுமையில் வாழும் சகோதர சகோதரிகளையும் இணைக்கும் அதாவது மகிழ்ச்சியுடன் கை உயர்த்திப் பாராட்டும் ஒரே விடயம் இப்போதைக்கு அப்துல்கலாமும் அதற்கடுத்து கிரிக்கெட்டும் என்றால் மிகையாகாது.

அதுவும் பாகிஸ்தானும் இந்தியாவும் களத்தில் உள்ள போது இரு படைகளின் மோதலை காண்பது போல் அனைவருக்கும் ஒரு எண்ணம்.

ஆகவே, நமது படை வீரர்கள் தாம் இவர்கள் என்று எண்ணுமளவிற்கு மாறிப் போன நமது கிரிக்கெட் வீரர்கள் விளம்பர படங்கள் மற்றும் கிரிக்கெட் சூதாட்டங்களில் மாட்டாது கோப்பையை வென்றெடுத்து வருவார்கள் என்பது ஒவ்வொரு ரசிகரின் இந்தியரின் வேண்டுதல்.

மேலும் விவரமான தகவல்களுக்கு இங்கே செல்லவும்.

கடைசியாக ஒன்றுங்க! சென்ற முறை மாதிரி "come on india come on! " என்று சொல்ல வேண்டாமென்று கேட்டுக்கொள்கிறேன். பின்னே! போன தடவை அப்படித்தான் நம் வீரர்கள் மக்கள் ஆசையாக கூப்பிடறாங்கன்னு கிளம்பிவந்துடாங்களாம்.
:)
அப்புறம்,கொஞ்சம் கார்டூன்கள்.

எல்லோரும் நல்லாயிருக்கனும்!?

2007-03-02T15:28:00.000+05:30

ஆனந்தன்: "மத்த கட்சி வழி எல்லாம் தப்புன்னா! இந்த நாட்டை உங்க கிட்ட கொடுத்து,நீங்க தான் ராஜா! மந்திரி! நீ தான்அரசியல்வாதி ! நீங்க தான் ஆட்சி செய்யனும்னு வந்தால் என்ன செய்வீங்க!?"

தமிழ்ச்செல்வம் : "நாங்க இன்னும் அரசியல் கட்சி தொடங்கல! தொடங்கின பிறகு கேளு..!!அதுவரைக்கும் காத்திரு!"

ஆனந்தன்: "நிஜமாகவே செங்கோல் கொடுத்து ஆளுன்னு சொன்னால், நீங்க என்ன செய்வீங்க?!"

தமிழ்ச்செல்வம் : "எல்லாத்தையும் மாத்துவோம்!"

ஆனந்தன்: "என்னத்த!!??"

தமிழ்ச்செல்வம் : "முதலில் அரசியலில் யார் வரனும்னு ஒளிவு மறைவில்லாம இருக்கனும்!பணக்காரன் வரக்கூடாது! வெள்ளைக்காரனும், பணக்காரனும் ஆட்சி செய்து ஏழைகள் வாழ்ந்தது போதும்!! "

ஆனந்தன்: "பணக்காரனை வெளியில் துரத்தினால் போதுமா!?"

தமிழ்ச்செல்வம் : "சாதி! கீழ்சாதின்னு தொடாமல் அடிமை மாதிரி இருந்தவங்க இனிமந்திரி சபைக்கு வரனும் !!முதலாளித்துவம் ஒழியனும்! அரசியல்வாதிகள் போலீஸ்காரனை கைத்தடியா நடத்தறது நிறுத்தனும்! ஊழல்!! ஒரு துளியும் கூடாது!! அதிகாரம், ஆட்சி அதிகாரம் என்பது ஆய்தமில்லை!

ஆனந்தன்: "வறுமை ஒழியனும்! இல்லாமை ஒழியனும்! சாப்பாடு இல்லாம யாரும் இருக்கக் கூடாது! எல்லோரும் நல்லா இருக்கணும்!! எல்லோரும் நல்லா இருக்கணும்!! "

புரியாதவர்களுக்கு ஒரு சிறு கதைச் சுருக்கம்:

திரைப்பட நடிகராக வேண்டுமென்ற கனவுகளோடு வாழ்பவர் ஆனந்தன் (மோகன்லால்) இவருடைய கனவுகளை நிறைவேற்றும் வகையில் இவருடைய நண்பராகத் திகழ்கின்றார் கவிஞரான தமிழ்ச்செல்வம் (பிரகாஷ் ராஜ்). இருவரும் சமுதாயத்தில் மாற்றங்கள் ஏற்பட தங்களின் பழக்கப்பட்ட ஊடகங்களான கவிதை ஆற்றலின் மூலமும்,நடிப்பாற்றலின் மூலமும் தெரிவித்து மக்களின் மனங்களைக் கவருகின்றனர். எழுத்தாளரான தமிழ்ச்செல்வன் அரசியலில் தன்னை ஈடிபடுத்திக்கொள்கின்றாரிவரத் தொடர்ந்து நடிகர் ஆனந்தனும் தமிழ்ச்செல்வன் உள்ள கட்சியில் சேர்ந்துகொள்கின்றார். இவர்கள் கட்சித் தலைவராகவிருந்த வேலுத்தம்பி (நாசர்) மரணத்திற்குப் பின்னர் இருவரிடையே பதவி ஆசை குடிகொள்ளத்தொடங்கியது. முதல்வராக தேர்ந்தெடுக்கப்பட்ட தமிழ்ச்செல்வனின் கட்சியில் உள்ளவர்களின் சொத்துக்களின் விபரங்களை மக்களுக்குத் தெரிவிக்கவேண்டுமென்று ஆனந்தன் எடுத்துரைக்கும்பொழுதிலிருந்து தமிழ்ச்செல்வனும்,ஆன்ந்தும் பகைவர்களாகின்றனர். இதன்பின்னர் மத்திய அரசுடன் கூட்டு சேர்ந்து தனக்கென புதிய கட்சியொன்றினை ஆரம்பிக்கின்றார் ஆனந்தன். அவர் தனது கட்சி சார்பான கருத்துக்களை தனக்குச் சாதகமான ஊடகமான திரைப்படங்கள் மூலம் மக்களுக்கு விளம்பரம் செய்கின்றார். மக்கள் அவர் திரைப்படங்கள் மீதும் அவர் மீதும் கொண்டிருந்த பற்றுதல்கள் காரணமாக தேர்தலில் வெற்றிபெற்று முதல்வர் பதவியை ஏற்கின்றார். இதன் பின்னர் தன் அதிகாரத்தினைப்பயன்படுத்தி தமிழ்ச்செல்வனை சிறையில் அடைக்கவும் செய்கின்றார். இறுதியில் அவர் இறக்கும் சமயம் அவரின் பூதவுடலைப் பார்க்க வரும் தமிழ்ச்செல்வன் தன் நண்பனின் உடலைக்கூடப் பார்க்க முடியாது போகவே மனம் நொந்து தன் நண்பனைத் தன் கவியினால் அரவணைத்துக்கொள்கின்றார்.

[தொகு]விருதுகள்
1998 தேசிய திரைப்பட விருது (இந்தியா)வென்ற விருது - வெண் தாமரை விருது - சிறந்த துணை நடிகர் - பிரகாஷ் ராஜ்வென்ற விருது - வெண் தாமரை விருது - சிறந்த ஒளிப்பதிவு - சந்தோஷ் சிவன

படத்தை மீண்டும் பார்க்க விரும்புவர் இங்கே சொடுக்கவும்.

ஈடற்ற இழப்பு!!

2007-02-13T10:01:00.000+05:30

மனித உயிர்களின் வரவு செலவு தொடரும் என்று அறிவு சொன்னாலும், உள்மனம் தாங்காத இழப்புகள் சில உண்டு. அதில் நண்பர் கல்யாண் அவர்களின் ஈடு செய்ய இயலாததும் உண்டு.

சில மாதங்களுக்கு முன் நடந்த வலைப்பதிவர் சந்திப்பின் போது சட்டென்று இனிப்புகளுடன் அறிமுகமாகி நான் சாகரன் என்ற வலைப்பதிவில் எழுதி வருகிறேன். சமீப காலமாய் நிறைய எழுத இயலாத சூழ்நிலை என்றார்.
நிறைய எழுதுங்கள் நண்பரே! என்று ஒருமித்துச் சொன்னனர் நண்பர்கள்.
மேலும், தேன் கூட்டை நடத்திவரும் குழுமத்தை சார்ந்தவர் என்று சொன்னதும் வியந்து போனோம் அனைவரும்.

விரைவாய் வாழ்த்துகளும், விமர்ச்சனங்களும் ஆங்காங்கே எழ, இரண்டையும் புன்சிரிப்புடனே ஏற்றுக் கொண்டார். பதிவிணையத்திலுள்ள தனிமனித தாக்குதல், சாதி இனச் சண்டைகள் மீதுதனக்கும் உள்ள ஆதங்கத்தையும் தெரிவித்தார். பின்பு அனைவர்க்கும் வாழ்த்துக் கூறி விடைபெற்றார்.

அடுத்த நாளில் எனக்கு ஒரு தனிமின்அஞ்சலில் எனது தொலைப்பேசி எண் கேட்டு ஒரு பின்னூட்டம் வந்திருந்தது. கல்யாண் என்றுமிருந்தது. குழப்பமாக சில வலைப்பதிவு நண்பரிடம் கேட்டேன்!? யாருக்கும் தெரியவில்லை.
பின் நான் எனது எண்ணைத் தந்தபின் தொடர்பு கொண்ட பின்பு தான் தெரிந்தது.

அன்றைய சந்திப்பினில், நான் சொன்ன எனது கருத்துகளை ஆமோதித்தார். பின்பு, சில ஆலோசனைகளை பரிமாறிக்கொண்டோம்.

பின்பு, சில முறை மட்டுமே பேச முடிந்தது. சில முறை இணைய தனிஉரையாடல் நடந்தது. ஆனால், என் மனதில் நீங்கா இடம் பெற்று விட்டார் நண்பர்.

நேற்று ஒரு குடும்ப விசேசத்தில் கலந்து கொள்ள வெளியூர் சென்றிருந்த போது, நண்பர் ஜெய் தனித் தொலைப்பேசியில் பேசினார்.

அவர் சொன்ன தகவல் " நண்பர் கல்யாண் மாரடைப்பால் காலமானார் !??" என்பது. என் இதயம் சில விநாடிகள் நின்று துடித்தது.

என்னை அறியாமால் " ஐயோ! கடவுளே! " என்று கத்தி விட்டேன்!

"நிஜமா! வதந்தியா! " என்று புலம்பினேன்.

இவ்வளவு தானே வாழ்க்கை! இதற்குள் எதற்கு இத்தனை சண்டைகள், தனிமனித தாக்குதல்கள், போர்கள்....

குறைந்த பட்சம் ஒரு உள்ளமாவது அவருக்காக தன் போர்வாளைக் கீழே போட்டு, அவர் ஆசைப்பட்ட நல்ல தமிழ் இணையம் உருவாக செய்தால், அன்னாரது மனசு இன்னும் அமைதியாயிருக்கும் என்பது என் வேண்டுகோள்!

கடவுள் எப்போதும் தனக்குப் பிடித்தமானவரை தன்னிடம் வைத்துக் கொள்வார். ஆனாலும், அவர் பிரிவால் வாடும் அவர் தம் குடும்ப நிலைமையை எண்ணிப் பார்த்தால் மனசு வலிக்கிறது. அதனை யாராலும் ஈடு செய்ய இயலாது! அவர்தம் குடும்பம் அமைதிபெற இறைவனை பிராத்திப்போம்.

தமிழ் வளர, தன்னாலியன்றவற்றை தைரியமாகச் செய்த அந்த நல் உள்ளம் அமைதியாய் கடவுளிடம் இருக்கட்டும்.

தமிழன் எப்போதும் இளைத்தவனல்ல!!

2007-02-08T12:27:00.000+05:30

காவிரி என்ற ஒரு நதியை மட்டுமல்ல, அனைத்து நதிகளும் தேசியமயமாக்கப்படவேண்டும்! என்ற கருத்தை வெறும் பேச்சாக மட்டுமே கொள்ளாமல், நடைமுறைப்படுத்தும் கட்சிக்கு அல்லது அமைப்பிற்கு , எமது விவசாயத் தோழர்கள் மற்றும் தமிழர்கள் சாகும் வரை நன்றியோடிருப்பார்கள்.

ஆங்கிலயேன் வந்து ஒற்றுமைப் படுத்தியிருக்கலாம் இப்பொழுதுள்ள இந்தியாவை. ஆனால், சிந்து நதி சார்ந்த ஒரு இந்து நாகரிகம் பல ஆயிரம் ஆண்டுகளுக்கு முன்னரே தோன்றி விட்டது. இன சண்டைகளால் கூறு போடப்படும் இந்தியா,ஆரம்பம் முதலே சிலரால் ஆரிய, திராவிட சண்டைகள் உருவாக்கப்பட்டு, அருமையான நாகரீகத்தை அழிக்கப்பட்டது.

மணல் மேட்டினை மட்டுமே அறிந்த ஒரு கூட்டம் வளமையான நதியும் அது சார்ந்த ஒரு இனமும் கண்டு "ஆகா!" என்று வந்திறங்கியது. முட்டாள் சனங்கள் நிறைந்த நாடு என்று மெதுவாய் மதம் மாற்ற ஒரு கூட்டம் கடல் வழி வந்தது. ஆரியர் தவிர யாரும் இங்கு தங்க வரவில்லை!! மாறாக எடுத்துச் செல்லவே வந்தார்கள். கஜினிமுகம்மது 17 முறை படையெடுத்து 18 வது முறை வென்றான் என்று நமது அருமை கல்வியாளர் சிலர் சொல்லி வந்தனர். வரலாற்றின் சில மறைக்கப்பட்ட பக்கங்களைப் பார்த்தால் தான் தெரியும், அவன் 17 முறை கொள்ளையடிக்கத்தான் வந்தான் என்று..!!

வாழ்வியலுக்கான நகர்வு என்பது மனித இனம் மட்டுமல்ல...!! எல்லா உயிருக்கும் பொதுதான். இப்போது, நம்மில் சில தமிழர்கள் தம் வாழ்வு
முன்னேற்றத்திற்காக, நல்ல சம்பளம் கிடைக்கிறது!! நல்ல சுகாதாரமான காற்று, நல்ல இரவு விடுதிகள், நல்ல தரமான வாழ்வு என்று தான் பெங்களூர் தொழில் நுட்ப பூங்காவினில் சிறைப்பட்டு(ஆம் சிறைதான்) வருகின்றனர்.

பெங்களூரு தரும் தொழில் நுட்ப பூங்காக்கள் தரும் வசதிகள் இன்று சென்னையில் எந்த வகையிலும் குறைவாக தருவதில்லை. சம்பளமும் தான்.

வரவேண்டியது தானே தாய்நாட்டுக்கு!!(ஆம் அப்படித்தான் சொல்ல வேண்டியிருக்கும் போல)

ஆனால், கிட்டத்தட்ட தமிழரில் மூன்றில் ஒரு பங்கு அல்லது இரண்டில் ஒரு பங்கு தமிழர்கள் நம்பியிருப்பது காவிரிப் பாசனத்தைத் தான். ஆனால், எங்கள் தலைவர்கள் கர்நாடகத்தில் வாழும் ஒரு சிறுபான்மை தமிழர் இனத்திற்க்காக மட்டுமே தான் பேசவேண்டுமா!?

சூப்பர் ஸ்டார் கூட அருமையாச் சொன்னார்(!?) சென்ற காவிரி பங்கெடுப்பு பிரச்சனையின் போது, " அங்கே! தமிழர்கள் இருப்பதை மறந்து விடக் கூடாதென்று !? " ...கூடவே! உண்ணா விரதம் வேறு..! நதிஇணைப்பு என்பது இந்தியாவில் நடக்காது என்ற நம்பிக்கையில், "ஒரு கோடி தரேன் என்று வேறு சொன்னார்..!! அதையும் கேட்டு நாங்கள் கையை மட்டுமே தட்டினோம்!!??

நேற்று மக்கள் தொலைக்காட்சியில் இது சம்பந்தமான ஒரு நிகழ்ச்சியில், ஒரு பங்கேற்பாளர் சொன்னார். " அரசியல் தலைவர்களே! நாட்டின் இறையாண்மை சார்ந்த பிரச்சனை இது! உடனே! இதை தீர்த்து வைக்காவிடில் மீண்டும் மாநிலங்கள் நாடுகளாகும் ! இந்தியா என்பது இல்லாமல் போகும்" என்றார்.

பாகிஸ்தானுடன் சிந்து நதியை பங்கிடத் தெரிந்த இந்திய அரசாங்கம், தன் நாட்டு மாநிலங்கிடையே உள்ள உறவுகளைப் பலப்படுத்த ஏன் முயற்சிக்க
வில்லை! இந்தியர் என்ற எண்ணமே இவ்விரு நூற்றாண்டுகள் தாமே! என்ற அலட்சியமா! இல்லை! இன்னும் எத்தனை நாட்களுக்குத்தான் இப்பிரச்சனையில் குளிர் காயப்போகிறீரார்களோ தெரியவில்லை!!

கன்னடியரே! விட்டுக்கொடுத்தே!? வாழப் பயின்ற தமிழன் ஒன்றும் செய்து விட மாட்டான் என்று தானே ஆடுகிறீர்கள்! கர்நாடக மக்களே! உங்களவரை எங்கள் தலைவியாகவும், சூப்பர்ஸ்டாராகவும் தான் நாங்கள் ஆக்கியிருக்கிறோம்! பெங்களூர் உங்களுடையதாக இருக்கலாம்! அதை விண் உச்சிக்கு கொண்டு சென்ற தொழில் நுட்ப வல்லுநரும், தொழில் மேதைகளும் எம்மவர்! நினைவில் கொள்ளுங்கள்! மைசூரின் கரும்பின் வளமை உருவாக்கப்பட்ட வரலாறு தெரியுமா!

நாங்கள் வன்முறையில் நம்பிக்கை இல்லாதவர்கள். ஆனால், உலகிற்கு வீரத்தை போதிக்கும் அளவிற்கு வரலாறு கொண்டவர்கள்.

இந்தியா என்ற போது வரும் வீர உணர்வு தமிழனுக்கு மிக அதிகம் , பாரதியால் தேசப் பற்று ஊட்டப் பட்டவர்கள் நாங்கள். இன்றோ,தேசம் என்பதே விரைவில் கேள்விக்குறி ஆகிவிடும் என அஞ்சும் நிலைக்குத் தமிழனை தள்ளிக் கொண்டிருக்கின்றனர் அண்டை மாநிலத்தினர்.

கடைசியாக,அரசியல் பேச நான் விரும்ப வில்லை! என்னிடம் புள்ளிவிவர ஆதாரங்களில்லை! ஆனால், நான் சார்ந்த, என் மொழி சார்ந்த ஒரு சமூகம் பாதிக்கப்படும் போது, மன்னிக்கவும் நண்பர்களே!! நாங்கள் எங்கள் குரலை உரத்துத் தான் சொல்ல வேண்டியுள்ளது!!!

******

இவ்விடுகைக்கு தொடர்புடைய இடுகைகள்!

நோ கமெண்ட்ஸ் - இட்லிவடை

ஓடி வருமா காவேரி? -த‌மிழ்ம‌ண‌ விவாத‌க்க‌ள‌ம்.

காவிரி தீர்ப்பு: கர்நாடகத்தின் நிலைப்பாடுகள் - ஜடாயு

வெடிவேலு-அஸின் காதல்!

2007-02-06T11:03:00.000+05:30

சில சமயங்களில் இது போன்ற ஓற்றியெடுக்கும் காட்சிகள் கூட சிறப்பாய் அமைந்து விடுகிறது. ஆனாலும், கைப்புள்ள மொழியில் சொன்னால் " முடியல!! (சிரிக்காமிலிருக்க!!)".

வலைப்பதிவரிடையே தற்போது நடந்து வரும் மிக கடுமையான வாக்குவாதங்களுக்கு நடுவே இது பார்க்கப்படுமா??

இன்னும் சில மணித்துளிகளில்..!

2007-02-05T12:46:00.000+05:30

இன்னும் சிலமணித்துளிகளே உள்ளது..

சற்றுமுன் வந்த செய்தி:
காவிரி நடுவர் மன்றத் தீர்ப்புக்காக பெங்களுர் வாழ் தமிழக மென்பொருள் வல்லுநர்கள் அறையை/வீட்டை விட்டு வெளியேறாது காத்திருக்கின்றனர்கள்.

(விரிவான செய்திகள் இங்கே! )

இந்த கேவலமான வேற்றுமையில் ஒற்றுமை இன்னும் எத்தனை நாளைக்கு நம் அருமையான தானைத் தலைவர்களுக்குச் சோறிடுமோ தெரியவில்லை....
இந்தியா என்ற அமைப்பு எதைச் சார்ந்து உள்ளதென்று கேள்விக்குறியாகி நிற்கிறது.
ஒரு மாநில நக்சலைட்டுகள் "வெளி மாநிலத்தாரே! வெளியேறு! " என்கின்றனர்.

நமது அருமை அன்புக் கேரளம் " இடம் தான் உனது! தண்ணீர் எனது" என்கிறது.

ஆந்திரா "ஆறு அது ஆழமில்லை! எனவே சிறுஅணைதான் கட்டுகிறோம் " என்கிறது.

தமிழா! உனக்கு எங்கு சென்றாலும் உதைதான்!!??

ஆனாலும், பயப்படாதீர்! அண்டை மாநில மற்றும் நாட்டு மக்களே! நாங்கள் வந்தாரை வாழத் தான் வைப்போம் !எங்கள் வாழ்வை தந்தாவது !!

"முப்பது கோடி முகமுடையாள், உயிர்
மொய்ம்புற ஒன்றுடையாள், இவள்
செப்பு மொழி
பதினெட்டுடையாள்,எனில்
சிந்தை ஒன்றுடையாள்! .."

பாரதியே! இப்போது முப்பது கோடியும் இல்லை! நாங்கள் மொய்ம்புற ஒன்றாகவுமில்லை....!!

வாழ்க பாரதம்! வாழ்க வளமுடன்!

பின்குறிப்பு:
இப்பதிவிற்கு தொடர்புள்ள இடுகைகள்:
காவேரி பெண்ணே வா வா! - கோவி.கண்ணன்

2/3 ? 3/4 ? - இட்லிவடை.

என்ன நடக்கும் இன்று பெங்களூரில்-மோகன்தாஸ்

இமாலயத் திட்டங்கள் -திண்ணையில் சி. ஜெயபாரதன்.

வேற்றுமையில் ஒற்றுமை!

2007-02-01T11:51:00.000+05:30

லண்டன் மாதிரி அழகான பசுமையான நகரை நான் எங்கும் பார்த்ததில்லை !என்று சொன்னார்- பெருநகரவளர்ச்சித் திட்டத்திற்க்காக விவசாய நிலங்களை கையகப்படுத்தும் கோப்பில் கையோப்பமிட்டவாறே!- எங்கள் பிரதமர்.

சட்ட ஒழுங்கு மிக நன்றாக உள்ளது!தீவிரவாதிகளை வேரோடு அழித்துவிட்டோம் என்றார்-குண்டு துளைக்காத காரில் வந்திறங்கி ஐந்தடுக்குப் பாதுக்காப்பின் கீழிருக்கும்-எங்கள் உள்துறை மந்திரி.

பணவீக்கமும்,நிதி நிலைமை சீராக உள்ளது என்றார்- உலகவங்கியிடம் மேலும் ஈராயிரம் கோடி கடன் கேட்கும் கோப்பில் பார்வையிட்டபடி-எங்கள் நிதி மந்திரி.

எப்படித்தான் இங்க வாழுறாங்களோ! முட்டாள் ஜனங்கள்! என்று சொன்னார்- அரசு உதவி பெற்று படித்து அமெரிக்காவில் வசிக்கும்- எங்கள் என்.ஆர்.ஐ.

வெள்ளைக்காரன் மாதிரி ஆள இவங்களுக்கெல்லாம் தெரியல என்று சொன்னார்- தியாகிப் பென்சன் பாரத்தில் கைநாட்டு இட்டவாறே- எங்கள் முன்னாள் போராட்ட வீரர்கள்.

பொதுச்சேவை என்பது என் தந்தை தந்த வழிகாட்டுதல் என்று சொன்னார்- புதுசாய் ஆரம்பித்த சுனாமி டிரெஸ்டின் மூலம் மெம்பருக்கு பத்துக் கோடி டாலர் என்று அறிந்த- எங்கள் முதலாளி வர்க்கம்.

நல்ல தலைவன் இல்லாங்காட்டி நாம் முன்னேற முடியாது என்று சொன்னார்- கவுன்சிலர் தேர்தலுக்கு ஓட்டுப் போட கணிசமாக கிடைத்த பணத்தை எண்ணியவாறே- எங்கள் அடித்தட்டு வர்க்கம்.

லஞ்சம் இந்த நாட்டினை விட்டே ஓடவேண்டும் என்று சொன்னார்- தம்பி! போக்கிரி பால்கனி டிக்கெட் ரெண்டு கொடு என்றபடி-எங்கள் மத்திய வர்க்கம்.

நாங்கள் எல்லோரும் இந்தியர்கள் தான்! இதில் உங்களுக்கென்ன சந்தேகம் !?

சில பழைய டைரி கவிதைகள்

2007-01-30T14:52:00.000+05:30

பல காலம் கடந்து, பல பருவங்கள் கடந்து, பல அனுபவங்கள் பெற்றாலும், பழைய நாட்குறிப்பில் கவிதை என்ற பெயரில் கிறுக்கியவைகளைப் பார்க்கும் போது மனசு லேசாகிறது.(படிக்கிறவங்களுக்கு கனமாகிறதோ?? )

ஒரு நினைவூட்டல் தான். என் கிறுக்கல்களிலிருந்து சில உங்கள் பார்வைக்கு...

*உன் பார்வைக்காக தவமிருந்ததால்புதிய கண்ணீரோ!-பூவின் மீது பனித்துளிகள்.

************************************************************************
*காத்திருக்கிறேன்!
என்னை மணம் புரிபவளுக்கல்ல? என் மனம் அறிபவளுக்கு!

காத்திருக்கிறேன்!
என் மார்பளவு உயர்ந்தவளுக்கல்ல? என் மனதைக் கொஞ்சம் நிரப்புவளுக்கு!

காத்திருக்கிறேன்!
வெண்சிவப்பு தோலுக்கல்ல! வெண்ணிற மனதாளுக்கு!

காத்திருக்கிறேன்!
மான் போல் துள்ளுபவளுக்கல்ல! தன்னைப்போல் என்னை நினைப்பவளுக்கு!

காத்திருக்கிறேன்!
கானம் பாடும் வானம்பாடிக்கல்ல! வானம் பார்த்து வசப்படுபவளுக்கு!

***********************************************************************************
* தென்றல் எனக்கே! எனக்கு!! என்று, அசையும் மலர் நினைக்கலாகுமா ?

***********************************************************************************
*கொடியேற்றப்பட்டது சினிமாத்திரையில்,கைதட்டினார்கள் - சுதந்திர தினவிழாவிற்கு கட்டடித்த மாணவர்கள்.

***********************************************************************************
*பல போதனைகள் சோதனையின்றி பிணமாக - புத்தகக் கல்லறையில்.

***********************************************************************************
* மேகத்தை உற்றுப் பார்த்தேன் - கவிஞன் என்றனர்!.
சிற்பத்தை உற்றுப் பார்த்தேன் - ரசிகன் என்றனர்!
சமூகத்தை உற்றுப் பார்த்தேன் - கலைஞன் என்றனர்!
வானத்தை உற்றுப் பார்த்தேன் - சித்தன் என்றனர்!
பெண்ணை உற்றுப் பார்த்தேன் - பித்தன் என்றனரே!?

***********************************************************************************
* இதயத்தில் ஓட்டையாம் மருத்துவர் சொன்னார்- நான் சொன்னேன்!? அது அவள் என்னை விட்டுச்சென்ற சிறப்பு வழி?

***********************************************************************************
* அடிப்பேன் என்று அப்பன் சொன்னதும் என்னை அண்ணன் என்றாயே!
அடியே! அடியின் உதவி அவ்வளவா!!?
தெரிந்திருந்தால் நானும்!!??

***********************************************************************************
*தொலைவிலிருந்து இயக்கும் விஞ்ஞானம் புரியவில்லை!- உன்னைப் பார்க்கும் வரை!!

***********************************************************************************
* நீ தோழியிடம் சொன்னது கேட்டது எனக்கு!!
" அவன் முட்டாள்டீ" - பின்னே! ஏன் உன்னைப் போய்!?

***********************************************************************************
படித்தீர்களா! நன்றி! ---------!

காதல் தந்த கடவுள்

2007-01-18T11:36:00.000+05:30

காணும் பொங்கலன்று நான் கண்ட காட்சி ஒன்று. நண்பரோடு ஒரு வணிக வளாகத்தினருகே நின்று பேசிக்கொண்டிருந்தேன். அப்போது, சற்று அருகே பதினாறு/ பதினெட்டு வயதிருக்கத்தக்க ஒரு இளைஞனும், அதே வயதொத்த பெண்ணும் அளாவாளவிக் கொண்டிருந்தனர். சுவராசியாமாயிருக்குமோ ! என்றெண்ணி சற்று காதை அவர்தம் பக்கம் திருப்பி வைத்தேன்.
நம்ம பையன் கண்ணை அப்பத்தான் பார்த்தேன். கண்கள் குளமாக, முகம் சுருங்கி " ப்ளீஸ் ! அப்படியெல்லாம் சொல்லாதே! எனக்குத் தாங்க முடியாது! "என்றெல்லாம் புலம்பிக் கொண்டிருந்தான்.
"சரிதான் வழக்கமான பசங்க டயலாக் தான்!" என்று என்னால் விடமுடியவில்லை. காரணம் அந்த பையனின் கண்ணிலிருந்த உண்மையான வேதனை. அப்பத்தான் அந்த பெண்ணின் முகத்தை உற்றுப் பார்த்தேன். ஒரு இள முறுவலுடன் அவனைப் பார்த்துக் கொண்டிருந்தாள்.
பதினெட்டு வயதில் இப்படி ஒரு ஆண் அழுதுகொண்டிருக்கும் போது அவளால் இவ்வளவு இறுக்கமாக இருக்க முடிகிறது எனில், அவளின் பண்பட்ட மனதை பாராட்டாமிலிருக்க முடியவில்லை. அந்த பண்பட்ட மனதிற்கு ஆண் தயாராக நினைக்கும் முன்னே, பெண் அதில் முனைவர் பட்டம் பெற்று விடுகிறாள்!!
சட்டென்று அப்பையன் தலையில் தட்டி, " டேய்! போடா வீட்டுக்கு?" என்று சொல்ல ஆசைதான். வழக்கமான நகர நாகரீகம் தடுக்க கைகளை கட்டிக்கொண்டு கவனித்தேன்.
உதடுகளை சுழித்துக் கொண்டு அப்பெண் அவன் வேதனையை ரசித்த விதம் என்னால் மறக்க முடியாது.
இது போன்ற காதல் தோல்வி அநேகமாக எல்லோர் வாழ்விலும் வந்து தான் செல்கிறது. எனக்கும் அது உண்டு!? சில வருடங்களுக்கு முன்பு அந்த வேதனையின் சுவையை நானும் உணர்ந்தேன்.
அவ்வளவு தான் வாழ்க்கை! என்று கதறித்துடித்தேன். என்ன விதி!! என்று எண்ணி அழுதிருக்கிறேன். இப்போது கண் முன்னே ! அது போல் ஒரு காட்சி பார்க்கும் போது தான், அன்று நான் இருந்த கோலம் எத்தகையது என உணர முடிந்தது. கவியரசரின் கீழ்க்கண்ட பாடலை அன்று என்னை பலமுறை பார்க்க வைத்தது.

"கடவுள் மனிதனாகப் பிறக்க வேண்டும் - அவன்காதலித்து வேதனையில் வாட வேண்டும்! பிரிவென்னும் கடலினிலே மூழ்க வேண்டும் - அவன் பெண்ணென்றால் என்னவென்று உணர வேண்டும்!"
"அவனை அழைத்து வந்து ஆசையில் மிதக்க விட்டு ஆடடா! ஆடு!! என்று ஆட வைத்துப் பார்த்திருப்பேன்!!?
படுவான்! துடித்திடுவான்!! பட்டதே போதுமென்பான் !? பாவியவன் பெண்குலத்தைப் படைக்காமல் நிறுத்தி வைப்பான்!"

சுற்றிலும் சுமார் 200 பேர் உள்ள ஒரு இடத்தில் ஒரு மனசு ரணகளமாக்கப்பட்டு, இன்னோர் இதயத்திற்கு மண்டியிடும் போது வரும் அனுபவம் பெரும்பாலனவர்களை முடக்கிப் போடுகிறது.
இதுநாள் வரை மாநகர இளைஞர்கள் எல்லாம் புத்திசாலிகள். நகர , கிராமத்து இளைஞர் தாம் காதலால் வஞ்சிக்கப் படுகிறார்கள் என்ற என் எண்ணம் தூளானது.

இம்மாதிரி இளைஞர்கள் இனி என்ன செய்வார்கள். தவறான காதல் அவன் வாழ்க்கையையும் தவறாக மாற்றுமா! இனி திடமாய் காதலிப்பானா?? இல்லை எப்படி இன்னோர் இதயத்தை கொல்வது என்று திட்டமிடுவானா!

நான் மனதை பலவாறு திடப்படுத்திக்கொண்டு, திருமணம் செய்து கொண்டு வாழ்க்கையை வாழும் போது தான், காலம் எல்லா காயங்களுக்கும் மருந்து வைத்திருக்கிறது! என்பது புரிந்தது. அதே அனுபவம் உனக்கும் ஏற்படட்டும் என்று மானசீகமாக, அந்த இளைஞனுக்கும் சேர்த்து வேண்டிக்கொண்டேன்.

"காதல் ஒரு கடல் மாதிரிடா! அதை மறந்துட்டு டம்ளருக்குள் நீச்சல் ஏனடா!!"
"இதுக்கு ஏன் உசுர குடுக்கணும்! எதனையும் புரிஞ்சு நடக்கணும்!!காதல் ஒண்ணும் கடவுள் இல்லையடா ?!

ஆழ்வார்பேட்டைக்காரர் இப்படிச் சொன்ன அர்த்தம் இன்று விளங்கியது.

பாரதி சொன்னதும் புரிந்தது.
"காதலினால் மானுடர்க்குக் கலவி யுண்டாம்;கலவியிலே மானுடர்க்குக் கவலை
தீரும்;காதலினால் மானுடர்க்குக் கவிதை யுண்டாம்;கானமுண்டாம்;சிற்பமுதற் கலைக
ளுண்டாம்;ஆதலினால் காதல்செய்வீர்;உலகத் தீரே!அஃதன்றோ இவ்வுலகத் தலைமை
யின்பம்;காதலினால் சாகாம லிருத்தல் கூடும்;கவலைபோம்,அதனாலே மரணம்
பொய்யாம்."

பொங்கலோ பொங்கல்!

2007-01-12T13:05:00.000+05:30

உலகத் தமிழர்கள் அனைவருக்கும் பொங்கல் வாழ்த்துகள்.

நீங்கள் பண்பட்டு, பண்பாடு காத்து , மேலும் பலச்சிறப்புகள் அடைய உள்ளார்ந்த வாழ்த்துகள்..!!

இப்பதிவில் நிறையப் புகைப்படங்கள் (வலையிலிருந்துப் பெறப்பட்டது ) இருக்கின்றன என விரைவாய் முடித்துவிடாது, நிதானமாய் ஒருமுறையாவது பாருங்களேன்..

நம்மில் எத்தனை( அநேகமாய் அனைவரும்) பேருக்கு இப்படி இது போன்ற ஒரு பொங்கல் மீண்டும் கொண்டாட முடியுமோ??

நமக்குத் தான் உலக சின்னத்திரை வரலாற்றிலேயே முதன்முறையாக காட்டப்படும் படங்களும், "பொங்கள் ஷாப்பிடுவது யெப்படி?" என்ற சிறந்த பேட்டிகளும் காத்திருக்கிறதே.!!

பின்குறிப்பு:
"பொங்கல் செய்வது எப்படி?" என்று யாராவது விரைவில் விரிவாக எழுதுவார்கள் என்று நம்புவோமாக!

ஆயினும் என் பங்குக்கு பின்வரும் ஒரு சிறு செய்தி...

"அரிசி கொண்டு செய்யப்படும் உணவு வகையாகும். பொங்கல் உணவு சர்க்கரைப் பொங்கல், வெண் பொங்கல் என இரு வகைப்படும். வெண் பொங்கல் காலை உணவாகவும் சர்க்கரைப் பொங்கல் இனிப்பாகவும் உண்ணப்படுகிறது.

பொங்கல் பண்டிகையின் போது வழமையாக எல்லா உழவர் இல்லங்களிலும் அறுவடையில் வந்த புது அரிசியைக் கொண்டு சர்க்கரைப் பொங்கல் பொங்கப்படுகிறது.

உலையில் உள்ள நீரை பொங்கவிட்டு பொங்கல் செய்யப்படுவதானால், பொங்கல் என்பதை ஆகுபெயராகவும் கருதலாம்."

மீண்டும் அனைவர்க்கும் பொங்கல் வாழ்த்துகள்.

பொங்கலோ!! பொங்கல்..!!!!!

உங்களுக்காக புத்தாண்டு பரிசு.

2007-01-04T18:31:00.000+05:30

இனிய ஆங்கிலப் புத்தாண்டு வாழ்துக்கள்.

உங்களுக்கு ஒரு சிறுபரிசு.

வேறென்னங்கத் தரப்போறேன்.ஒரு காலண்டர் தான்.(e-calender).

(மேலே உள்ள காலண்டரை கிளிக்கிப் பரிசைப் பெற்றுக் கொள்ளுங்கள்.)

பின் குறிப்பு:
இந்த e-calender MS-EXCEL'ல் உருவாக்கப்பட்டு ZIP format-ல் உள்ளது.

ZIP files= compressed files.

ஏதேனும் குறையிருந்தால் தெரிவியுங்கள் நன்றி.

ஆங்கிலப் புத்தாண்டு விருந்து!

2006-12-30T13:44:00.000+05:30

அனைவருக்கும் புத்தாண்டு வாழ்த்துகள்.

வாங்க நேரா விருந்து நிகழ்ச்சிக்குப் போவோம்.

முதலில் எல்லோரும் இதைப் பார்ப்போம்.

பார்த்து விட்டு சீக்கிரமாக வாங்க ..விருந்து காத்திட்டிருக்கு.

பார்த்தீட்ட்ட்ட்ட்ட்ட்ட்ட்ட்டீங்களா !!!

:)

ஆங்கிலப் புத்தாண்டு வாழ்த்துகள்.

விருந்தின் உங்களுக்குப் பிடித்தவற்றை கிளிக் செய்யவும்.

( ஒரு சமயத்தில் இரண்டைச் சாப்பிட விரும்புவர்கள் அந்த இரண்டு இணைப்பையும் தனித்தனியே க்ளிக்குங்கள் - வேற யாருக்கு உற்சாகப் பான பிரியர்களுக்குத் தான் இந்த செய்தி)

அப்புறம் சைவம் மட்டும் தான். அசைவம் சமைக்கலாம்னு யோசிச்சு வருச ஆரம்பம் விழா அதுவுமா! எதுக்கு உயிர்களைக் கொல்லனும்னு தான் விட்டுட்டோம்.

முதலில் கொஞ்சம் இனிப்பு சாப்பிடலாங்க!

கொஞ்சம் காரம் சாப்பிடுங்க! (சைட் டிஷ் ஆகவும் பயன்படுத்தலாம்)

உற்சாகப் பான பிரியர்களுக்கானப் பிரிவு

உங்களுக்கு பச்சையாக அப்பிடியே சாப்பிடனும்னா இங்க வாங்க.

முழுச்சாப்பாடு சாப்பிடலாங்களா!

நல்லா சாப்பிடீங்களாண்ணா!

கொஞ்சம் ஐஸ்கிரீம் சாப்பிடறீங்களாண்ணா!

நிறையப் பேர் புத்தாண்டு செய்தி சொல்லிவிட்டபடியால் , என் பங்குக்கு இந்த விருந்து.

மீண்டும் ஆங்கிலப் புத்தாண்டு வாழ்த்துகள்.

வாழ்க வளமுடன்!

( புத்தாண்டு பிறக்க இன்னும் எவ்வளவு நேரமிருக்கு என்று தெரிந்து கொள்ள கிளிக்குங்கள் இங்கே!)

அவன்! அவள்! அவள் தோழி!

2006-12-27T18:58:00.003+05:30

"குறும்பு பண்ணாம இருங்க!! சீ!! நீங்க ரொம்ப மோசம் !!"என்றபடி மடியில் கவிழ்ந்தாள் அவள்.

"சரிதான்! இப்ப என்ன செஞ்சிட்டேன்! கொஞ்சமாவது இடுப்பு இருக்கா இல்லையான்னு ஒரு சின்ன சந்தேகம் ! அதுக்குப் போய் இப்படியா!" என்றபடி அவளின் கூந்தலுக்குள் விரல் அளைந்தான் அவன்.

அது பின்பனிக்கால மாலைப்பொழுது.

பெரும்பாலும் சிறுவர்கள் மட்டுமே வரும் கடற்கரை ஓரம் அது.அன்று ஞாயிறு என்பதால், காலையிலிருந்து விளையாடிக் களைத்து போய், கடற்கரை சாலையின் ஓரமிருந்த ஐஸ்க்ரீம் கடைகளில் தஞ்சமடைந்திருந்தார்கள்.

விரல் விட்டு எண்ணினால் மொத்தம் ஒரு 5 ஜோடிகள் தேறும்.

அனைவரும் அவரவர் கடமையில் கருத்தாக இருந்தார்கள்.

"ஹேய் ! ஒரு கவிதை சொல்லட்டுமா! " என்றான் அவன்.

"அய்யா! கவிஞரே! முடியலை!!..ஆ!!... யப்பா! நீ கிள்ளுவதைக் கூடப் பொறுத்துக்கலாம்! ஆனால்..." என்று சத்தமாக சிரித்தாள் அவள்.

தூரத்தில் இருந்த ஜோடி ஒன்று இவர்களை சுட்டிக்காட்டி ஏதோ பேசிக் கொண்டது.

"நிஜமாத்தான் சொல்றியா!?" என்றான் அவன் கண் கலங்க.

" டேய்! உடனே, சென்டிமெண்ட் ஆயிடுவயே! ஒகே! சொல்லுடா செல்லம்! " என்று கூறியவாறு, அவன் கைகளை எடுத்து கன்னத்தில் வைத்தவாறு சிரித்தாள் அவள்.

மெதுவாய் அவளின் கன்னத்தை வருடியவாறே! மெல்லிய குரலில்,

" ஊனமுற்றோர் சங்கத்தில் சேர்க்கமுடியுமா!

கேட்டுச் சொல்லுங்கள்! நான் என் இதயத்தை இழந்தவன்!!" என்ற படி அவள் முகம் பார்த்தான்.

ஒரு விநாடி கழித்து , " என்னப்பா! கவிதை சொல்றேனீங்க!? சொல்லவேயில்லை!" என்றாள் அவள்.

"உன்னை!?!" என்றபடி அடிக்க பக்கத்தில் கல்லைத் தேட, அவள் எழுந்து கடல் நோக்கி ஓடத் துவங்கினாள்.

தூரத்தில் ஒரு பெண் பூ விற்றுக் கொண்டிருந்தாள்.

2.
"சார்! சுண்டல் சாப்பிடுங்க சார்!? "

"வேண்டாம்பா!" என்றான் அவன்.

"சார்! காலையிலிருந்து இங்க தான் உட்காந்திருக்கீங்க! எனக்கும் போணியாகுல! இன்னிக்கு சாயங்காலம் வரை ஒரு பொட்டலம் கூட விக்காது" என்றபடி சுண்டல் டப்பாவை அவன் காலடியில் வைத்தான் அந்தப் பையன்.

மனசு வேகமாய் பேப்பர் உருவி, புதிதாய் டைப் அடிக்கத் துவங்கியது.

" என் இனிய ரோஜாவே! அன்று அனைத்து ஊர்வலங்களிலும் நீ!

இன்று தனியாய் குப்பைத்தொட்டியில்!" சிரித்து கொண்டான் அவன்.

" தம்பி நான் சுண்டல் சாப்பிடற மூடில் இல்லை!" " நீ வேணும்னா ஒண்ணு பண்ணு! இந்தா! 50 ரூபாய்! போய் ஒரு வில்ஸ் பாக்கெட் வாங்கிட்டு வா! அப்புறம் உங்கிட்ட சுண்டல் வாங்கிறேன்" என்றான் அவன்.

சிறுவன் தயங்கியபடி " ஓகே! சார்.! டூ மினிட்ல வந்தறேன்!" என்றபடி சுண்டல் டின்னை எடுத்து தோளில் மாட்டிக் கொண்டு சாலை பார்த்து "டுர்.. டுர்.." என்றபடி இல்லாத பைக்கை உதைத்துக் கிளம்பினான்.

அவன் சிறிது தூரம் சென்ற பிறகு, மெதுவாய் எதிர்திசை நோக்கி நடந்தான் அவன்.

" இப்ப போனை வைக்கப் போறீங்களா! இலலாட்டி நான் கட் பண்ணவா!" என்றாள் அவள்.

" ஏய்! ப்ளீஸ்மா! கொஞ்சம் கேளேன் நான் சொல்றத!" கெஞ்சினான் அவன்.

" போதுங்க ! எவ்வளவு தரம் நான் சொல்றது! எனக்கு அவரை ரொம்ப பிடிச்சிருக்கு! அதனால் அவர் கூட பழகிறேன்." அவரைத் தான் கல்யாணாமும் செஞ்சுக்குவேன்!" என்றாள் அவள்.

"என்கிட்டயும் இதைத் தான் போன மாசம் வரைச் சொல்லிட்டிருந்தே!" என்றான் அவன்.

"சோ! வாட்! அதுக்காக உன்னைவிட பெட்டரா ஒரு வாய்ப்பு கிடைச்சா விட்ற முடியுமா?? ... இங்க பாரு கண்ணா! அவருக்கு எல்லாம் தெரியும் ! நான் சொல்லிட்டேன்! இன்னைக்கு கூட அவரை பார்க்கிறதுக்கு பீச் போகனும்! அனாவசியமா ஏன் டைம் வேஸ்ட் பண்றீங்க! " என்றபடி போனைக் கட் பண்ணியபடி சிரித்தாள் அவள்.

" ஏண்டி இவளே! அவர் பாவம்டீ! இப்படியா! ஏமாத்தறது!" என்றாள் அவள் தோழி.

"போடி! அந்த குண்டன் புலம்பறதைப் பார்க்கணுமே ! சும்மா கலாய்க்கத்தானே" என்றாள் அவள்.

"என்னவோ! போ! எனக்கு நீ பண்றது சுத்தமா... பிடிக்கலை!?" என்றாள் அவள் தோழி.

"சரிடீ! இன்னிக்கு மேட்டரை உடைச்சுடுவோம்! ஆனாலும் குண்டனுக்கு என்மேல் ஒரேடியா லவ் தெரியுமா! இப்பக்கூட என்னைத் திட்டலே! ஐயோ! பாவம்! "என்றாள் அவள்.

" ஹேய் ஒரு ஐடியா! இங்க பார்! இன்னைக்கு பார்த்து நான் ஜீன்ஸ் போட்டுக்கிட்டு வந்திருக்கேன். நான் ஒரு தொப்பி வாங்கிட்டு முடியை மறைச்சுக்கிட்டு ஆம்பிளாய் மாறிடறேன். என்ன கலக்கிடலாமா உன் ஆளை! " என்றாள் அவள் தோழி.

" சூப்பர் டீ! கலக்கிடலாம் விடு!" என்ற படி உற்சாகமாய் கிளம்பினார்கள் அவர்கள்.

4.

ஒரு வாரத் தாடியைத் தடவியபடி அவன் அந்த படகின் அருகில் கீழ் வானத்தைப் பார்த்து உட்கார்ந்திருந்தான்.

மனசு வழக்கம் போல் கவிதையை டைப் செய்து கொண்டிருந்தது.

"கண்ணே! உன் மனமென்ன மகரந்தமா!

மயங்கும் வண்டுக்கெலாம் வகுத்தளிக்கிறாய்!!"

தூரத்தில் அவள் வருவது போன்று தெரிந்தது.

"அவளேதான்! என்ன தைரியம் இருந்தால், என் கூட உட்கார்ந்த அதே படகு மறைப்புக்குக் கூட்டிட்டு வருவாள்!" கையை இறுக்கிக்கொண்டான் அவன்.

"யேய்! வேண்டாண்டீ பயமாயிருக்கு "என்றாள் அவளின் தோழி.

"சும்மாயிருடீ! அந்த படகு மறைவில் வெளிச்சம் சுத்தமா இல்லை! யார் இருக்காங்கன்னு தெரியவே தெரியாது. இன்னிக்கு குண்டணுக்கு ஒரு சூடாய் முத்தம் தந்து சமாதானப்படுத்தணும்." என்றாள் அவள்.

"என்னவோ போடி!" என்றாள் அவளின் தோழி.

மெதுவாய் சூரியன் கடல்வீடு புகத்துவங்கினான்.

அவன் மெதுவாய் நேற்று பஜாரில் வாங்கிய அந்த அடர்கந்தகஅமிலப் பாட்டிலை எடுத்துக் கொண்டு படகை நோக்கி நடக்கத் துவங்கினான்.

அங்கே, அவள் தோழியிடம் சொன்னாள் ." குறும்பு பண்ணாம இருங்க!! சீ!! நீங்க ரொம்ப மோசம் !!".

ஏதாவது செய்யனும் சார்....!

2006-12-20T13:14:00.000+05:30

இப்பதிவின் நோக்கம் சென்ற ஞாயிறு அன்று நடந்த பதிவர் சந்திப்பு பற்றிய ஒரு அலசல் மட்டுமல்ல. அன்று நான் சொன்ன,சொல்ல விழைந்த கருத்துகளைப் பற்றியும் தான்.

முதலாவதாக, அன்று வந்த அனைத்து நண்பர்களுக்கும் வணக்கம் மற்றும் நன்றிகள்! இச்சிறியேன் பேசிய சிறு செய்திகளையும் செவிமெடுத்துக் கேட்டமைக்கு!!

இந்த சந்திப்பின் நோக்கம் திரு அவர்களின் வருகையும், அவர் பதிவர்களை சந்திக்க இருப்பதும் என அறிவித்தார் லக்கிலுக்.

என் ஆவல் மிகுதியானது.

தனி அலுவல்கள் பல இருந்தாலும் அத்தனையும் புறந்தள்ளி, மார்கழி மாதத்துவக்கம் தந்த மென் பனியில், மெத்தென்ற புல் படுக்கை தந்த சுகத்தில் மெதுவாய் வந்திருந்த அனைவரையும் உற்று நோக்கினேன். ஒரு 25 பேர் இருக்கலாம் என்று கணக்கு போட்டது. ஆனால், 25 போர் வாள்கள் என்று மனசு சொன்னது.

அருள்,ஜெய்சங்கர்,வீரமணி மற்றும் புகைப்படமிட்ட பதிவைக் கொண்ட சில பதிவர் தவிர அனைவரும் எனக்கு புது முகங்களே!

இதுக்கு தானே ஆசைப்பட்டாயடா! என்று மனசு குதியாட்டம் போட்டது.

வெவ்வேறு களங்கள், நாடுகள், ஊர்கள் என விரிந்த உலகினில் பதிவராய் வாழ்ந்ததால் தானே இன்று இங்கு அமர முடிந்தது என மகிழ்ந்தேன்.

நேரம் கடக்க மெதுவாய் பாலபாரதி தன்னை அறிமுகம் செய்து கொண்டு அனைவரையும் சுயஅறிமுகம் செய்யப் பணித்தார். அதுவும் லக்கிலுக் அனைவரையும் அழைத்ததால் அவர் துவங்கட்டும் என்றார். அதில் மற்றும் ஒரு விடயமும் இருந்தது. அதாவது அவரின் இடப்புறம் இருந்த 'ஆலமரம்'எழுதும் 'திரு' அவர்கள் இருந்தது தான். ஆகையால், 'திரு' அவர்கள் முடிவாய் சுய அறிமுகம் செய்து கொண்டு, சந்திப்பின் முதன்மை விடயம் பேசத் துவங்க ஏதுவாய் இருந்தது.

'நீயா அது! '..ஓ! ?' ' நீங்களா அது...!?' ' :) ' என்றெல்லாம் ஆங்காங்கே சிறு கூக்குரல்கள் எழும்ப, ஒவ்வொருவராய் அமர்ந்தபடியே அவர்தம் பற்றிச் சொன்னது நன்றாக இருந்தது.

'திரு' அவர்கள் பேசத் துவங்க, அனைவரும் அமைதியாய் அவர் முகம் நோக்கினார்கள். எளிய நம்மவர் போன்ற பேச்சு, மிகத்தூய்மையான தமிழ் வார்த்தைகள், முயற்சித்துப் பார்க்கச் சொன்ன தமிழ் நடை என அனைத்து அம்சங்களுடன் சொல்லத் துவங்கிய கையெழுத்து இயக்கமும் அதன் குறிக்கோளும் நெஞ்சைத் தைத்துவிட்டது.

பின்னர் தனித்து விடப்பட்ட சிறுசிறு குழுக்களாய்ப் போன பதிவர் கூட்டத்தில் சில நிமிடங்கள் 'திரு' வின் அருகில் இருக்க நேரிட்டது.

அப்போது 'திரு' அவர்களிடம் ''ஓகை' அவர்கள் "உங்கள் தொழில் என்ன?" என்று வினவினார்.

அமைப்புச்சாரா தொழிலாளார்களுக்கான ஒரு அமைப்பில் அங்கம் வகிப்பதாகச் 'திரு' பதில்சொன்னார்.

"அது பணியல்ல! சேவை!! " என்று ஓகை சொன்னார்.

அதனை அடக்கத்துடன் மறுத்தார் 'திரு'.

அருகிலிருந்த நான் வியந்து போனேன். இப்படியும் சிலர் இன்னும் இருக்கத் தான் செய்கிறார்கள். இல்லையெனில் மனிதம் என்றோ மரித்துப் போயிருக்கும்.

ஈழம் பற்றிய மற்றும் ஒரு புதிய பார்வை ஒன்றும் அவர் கூறிவிடவில்லை. ஆனால், நாம் (அநேகமாக) எல்லோரும் வெறும் பேச்சுகளாய், கட்டுரைகளாய், கவிதைகளாய் மட்டுமே ஈழத்தமிழர் தம் அவலங்கள் பற்றிப் பேசிக் கொண்(டே)டிருக்கிறோம். ஆனால், 'திரு' அதற்கான ஒரு முயற்சியை மேற்க்கொண்டுள்ளார்.

கையெழுத்து இயக்கம் என்ன செய்துவிடபோகிறது என்ற வழக்கமான கேள்வி நண்பர்களால் கேட்கப்பட்டது. 'திரு' அவர்கள் பொறுமையாக விளக்கினார்.

எனது பங்களிப்பாக சொன்னவை நான் அறிந்த ஈழத்தமிழர்தம் இந்திய வாழ்வு. கதியற்றவர் அதாவது அகதி என்ற சொல்லடியிலேயே எனக்கு உடன்பாடு இல்லை.

சில தலைமுறைகளுக்கு முன் சென்ற அமர்த்தியா சென் இந்தியர்.
கல்பனா சாவ்லா அரியானா மாநிலத்தில் பிறந்து பின்பு அமெரிக்காவில் குடியேறியவர். தற்போதய விண்வெளி வீராங்கனை சுனிதா வில்லியம்ஸ் அமெரிக்காவிலேயே பிறந்து வளர்ந்த இந்திய வம்சாவளி பெண்.

இப்படியெல்லாம் பெருமை பேசி களிக்கும் நாம், நம் முன்னோர்களின் வம்சாவளியினர் இன்று தந்தை நாடு நோக்கி வலியுடன் வரும் போது என்ன செய்கிறோம் ??

ஒரு கவிஞர் கவிதை பாடுகிறார் !

ஒரு படைப்பாளி கதையில் போர்வாள் தூக்குகிறார் !

சில திரைப்படங்கள் எடுக்கப்பட்டு பிரமாதமாய் ஒடுகிறது !

அவற்றில் அருமையாய் நடித்தவர்க்கு விருதுகள் வழங்கப்படுகிறது !

குறும்திரைபடம் எடுத்து மாணவர்கள் பட்டயம் பெறுகிறார்கள் !

இரங்கட்பா இசைக்கப்படுகிறது !

அரசியலைப் பற்றி சொல்லவே வேண்டாம் !

வழக்கம் போல் நம் பதிவர்கள் ( நானும் தான்) பதிவிட்டு பின்னூட்ட அஞ்சலி செய்கிறோம்.

இதுவா அவர்களுக்கு தேவை ?!?

முதலுதவி தான் இல்லை புரையோடிய புண்ணுக்கும் கூடவா நம்மால் மருந்திட முடியவில்லை.

"ஒரு மனிதனின் அடிப்படைத் தேவைகளைக்கூடப் புரிந்துகொள்ளாத நாம்தான் விருந்தோம்பல் நாகரிகத்தின் தலைவர்கள் என்று இலக்கியங்களில் பெருமைப்பட்டுக்கொள்கிறோம். " என்று நமது பதிவர் " மயிலாடுதுறை சிவா." என்பவர் அவர்கள் அவர்தம் பதிவில் கூறியுள்ளார்.

அது உண்மையா?! மாற்ற நாம் எங்கனம் விழைவது ??

இதெற்கென்ன ஆதாரம் ?? எங்கே செய்தி?? என்பவர்க்காக நான் சில செய்திகளைத் திரட்ட முயன்று வருகிறேன்.

சிலவற்றை இப்போது பதிகின்றேன்.

அவற்றில் முதலாவதாக கீற்று என்ற இணையத்தளத்தில் வந்த http://www.keetru.com/vizhippunarvu/sep06/students.html பாருங்கள். நான் கூற வருவது உங்களுக்குப் புரியும்.

அன்றைய பதிவர் கூட்டத்தில் நான் வைத்த வேண்டுகோள் இது தான்.

உலகில் உள்ள தமிழர்கள் 1997 ஆம் ஆண்டு கணக்கெடுப்பின் படி, 74,000,000 பேர்கள்.

இந்தியாவில் மட்டும் : 63,000,000

இலங்கையில் : 3,600,000

மலேசியாவில் : 1,500,000

சிங்கப்பூரில் : 250,000

மற்றவர் உலகமெங்கும்..

தமிழ் தாய்நாடாம் தமிழகத்தை (நம்மை) நாடி வரும் தமிழர்களை, நாம் நடத்தும் பாங்கை மாற்றிக் கொள்ள வேண்டும். ஈழத்தமிழர் அனைவரும் விடுதலை இயக்கத்தைச் சார்ந்தவர் அல்ல என்பதனை 'அரசும்' ஏற்றுக் கொள்ளவேண்டும். அவர்கள் தம் வாழ்வாதாரம் பற்றி கவலை கொண்டு ஆவண செய்ய வைக்க வேண்டும். குறைந்த பட்சம் அகதிகள் முகாம் என்ற மோசமான சிறைச்சாலைகள் தரத்தையாவது முன்னேற்ற வேண்டும். அவர்களுக்கு மீன் கூட வேண்டாம். மீன் பிடிக்க வலைகளையாவது தருவதற்கு முயற்சிகள் மேற்கொள்ள வேண்டும்.

தீர்வுக்காக எனது யோசனைகள்:

1. ஓட்டு வங்கிக்காக போராடும் அரசியல்வாதிகள் நடுவே, சிலர் நம் தமிழர்கள் என்று போராட இருக்கத்தான் செய்கிறார்கள். அவர்களிடமே இதனை நினைவுபடுத்தலாம். அவர்களை பாராட்டிப் பதிவிடும் பதிவர்கள் இதனையும் சிரமேற்க்கொண்டு செய்தால் இன்னும் மகிழ்ச்சி.

2. யார் பூனைக்கு மணி கட்டுவது எனக் காத்திராமல், சட்டென்று உங்கள் யோசனையை பகிறுங்கள்.

3. கீற்று.காம் போன்ற இணையங்கள் செய்திகள் தான் வெளியிடமுடியும். பதிவர்கள் மற்றும் இதைப் படிப்பவர்களாகிய நாம் அதனை அனைவரிடமும் எடுத்துச் செல்ல (சொல்ல) முடியும்.

4. வெளிநாட்டில் வாழும் அன்பர்கள் இது போன்ற விடயங்களை சிரமேற்க் கொள்ளும் N.G.O. ஏதேனுமிருந்தால் தெரிவியுங்கள்.

5. பண உதவி, பொருள் உதவி எல்லாம் அரசாங்கம் செய்யலாம். மற்றபடி தேவைப்பட்டால் நம்மால் இயன்றவற்றைச் செய்வோம்.

6. கூட்டத்திற்கு வந்திருந்த மூத்த வலைப்பதிவாளர்கள் இதனை அனைவருக்கும் சொல்லுங்களேன். நீங்கள் எறியும் சிறு கல், குளத்தில் வட்டமாக பரப்பும்.

7. கண்டனக்குரல் கேட்க வேண்டியவர் செவிக்கெட்டி விடும் என்றாலும் அதற்கான முனைப்பை விட்டிடாது வேண்டியவை நடக்கும் வரை தொடர வேண்டும்.

எனது வருத்தங்கள்:

1. குழுக்கள் அமைத்து உண்மை அறியலாம் என்றொரு யோசனை பகிறப்பட்டது. சான்றுகள் தான் தேவையா! இல்லையெனில் மருந்திட மாட்டீரா! இத்தனை பேர் கூறியும், உங்களுக்கு இன்னும் நம்பிக்கை
இல்லையா!! அது போன்ற குழுக்களின் தீர்வு வரும் முன், எத்தனையோ இதயங்கள் கருகிப் போகலாம். ஆயினும், அது போன்ற ஆய்வரிக்கை வந்து தான் உதவிகள் செய்வோம் என்ற முடிவெடுக்க நாம் என்ன உச்சநீதிமன்றமா !!!

2. விருந்தும் மருந்தும் மூன்று நாளைக்கு என்பார்கள். நன்றாக கவனித்தால் நிரந்தரமாக இருந்துவிடுவார்கள் என்றா நினைக்கிறீர்கள்! நிச்சயமாக மாட்டார்கள் ?! எந்த ஒரு மனிதனும் தன் கல்லறையை பிறந்த மண்ணில் தான் கட்ட விரும்புவான். அவர்கள் வாழ விரும்புவதும் அவர்கள் மண்ணில் தான். அப்படித்தான் இருந்து விட்டுப் போகட்டுமே உங்கள் ஓட்டெண்ணிக்கை அதிகமாகுமே.

தன் குடும்பம் , தன் வாழ்க்கை முக்கியம் தான்.

இது போன்ற மனிதாபிமான செயல்கள் உங்களைப் புடம் போடும் நண்பர்களே!

நீங்களே உங்களை நம்பாவிட்டால் பின் யார் நம்புவார்கள்??

ஆற்றாமையால் தான் சொல்கிறேன் ! பேசியது போதுமென நினைக்கிறேன்!?

ஏதாவது செய்யனும் சார்....!

தேவையில்லை என்று நினைத்தாலும் சொல்ல விரும்பிய பின்குறிப்பு:

கடைசியாக, இது போன்ற ஈழத்தமிழர் பற்றி பேசுவது, எழுதுவது, செயல்கள் எல்லாம் திராவிடம் சார்ந்தது என சில பதிவர்கள் அன்று வரமுயற்சிக்க வில்லை என்று கேள்விப்பட்டு வியந்தேன். வருந்தினேன்.
தமிழனை திராவிடன் என்று ஒதுக்குபவர்கள், அப்படி நினைப்பவர்கள் தயவு செய்து இனிமேல் வேறு மொழியில் எழுதிக்கொள்ளுங்கள்!? எங்கள் தமிழில் வேண்டாமே உங்கள் பதிவுகள் !

இதுதான் சாக்கு! என்று திராவிடம் இது எனக் கூறி, திராவிட-ஆரியச்சண்டைகளையும் இங்கு அரங்கேற்ற வேண்டாம் நண்பர்களே ??!!

ஆரியம், திராவிடம், விவிலியம்,இஸ்லாமியம்......இவை அனைத்தும் கடந்தது மனிதம்.

நல்லவை நடக்கவே விரும்புகிறோம். வீண் விவாதங்கள் வேண்டாமே!!

இப்பதிவிற்குத் தொடர்புடைய இடுகைகள்:

http://www.keetru.com/vizhippunarvu/sep06/students.html

http://manikoondu.blogspot.com/2006/06/blog-post_14.html

பதிவர் வட்ட சந்திப்பு பற்றி தொடர்புள்ள இடுகைகள்:

1. பதிவர் வட்ட சந்திப்பு: ஒரு பார்வை : தமிழ்நதி
2. சென்னை வலைப்பதிவர்கள் சந்திப்பு -சுடச்சுட : அன்புடன் ச.சங்கர்
3. சென்னை வலைப்பதிவர் சந்திப்பு -12-17-06 : சிவஞானம்ஜி
4. சென்னை சந்திப்பு-1 : பொன்ஸ்
5. சென்னை சந்திப்பு-3 : பொன்ஸ்

சிவப்பதிகாரம்

2006-12-18T12:48:00.000+05:30

நேற்று சென்னை-வலைப்பதிவு கூட்டத்தில் பங்கேற்று சூடாய் பேசியும், கேட்டும், புது நண்பர்களிடம் கைகுழுக்கி... மொத்தத்தில் சந்தோசமாய் களைத்துப் போனேன்.

மனசு முழுவதும் பதிவர் கூட்டத்தின் உரையாடல்களே ஓட்டிக்கொண்டிருந்தது. தூங்கமுடியாது போலிருக்கிறதே! என்றெண்ணி ஒரு நண்பரும் நானும் திரைப்படம் செல்வதென்று முடிவு செய்து சிவப்பதிகாரம் சென்றோம்.

கவிதையாய் கிராமியப் பின்னணியில் துவங்கியது.

வரிசையாய் கிராமியப்பாடல்கள் காதில் வந்து விழ, வெறும் குத்துப் பாடல்களும் வடக்கித்திய பாடகர்/பாடகிகளின் மெல்லிய கஜல் பாடும் குரல்களின்றி கணீர் என்று கேட்டகுரல்கள் மிகவும் மகிழ வைத்த்தது.

'பருவாயில்லை' என்றெல்லாம் வரிகள் இல்லாமல் நல்ல தமிழில், உச்சமாய் பாடப்பட்ட நாட்டுப்புற பாடல்களை கேட்கும் போது, நிறைய இழந்துவிட்டோம்..இன்னும் இழக்க எத்தனையோ! என்று மனசு விம்மியது.

அதுவும் நாங்கள் வழக்கமாக பார்க்கும் அவ்வரங்கில் பாட்டுப் போட்டால் போதும், புகைப்பார்கள் கிளம்பி நடக்கத்தொடங்கிடுவார்கள்.

ஆனால், ஒருவர் கூட இப்பாடல் ஒளி/ஒலித்த போது நகராது கண்டு , ஒவ்வொருத்தன் உள்ளேயும் ஒரு கிராமத்தான் இருக்கத்தான் செய்கிறான் என்ற வாக்கியம் உண்மை என உணர்ந்தேன்.

பிறகு துவங்கிய இரண்டாம் பாதியில் தான் கதையே!

எல்லோரும் போல் ஒரு அறிவுரையோடு முடிக்காமல், படம் பார்ப்பவரைப் பார்த்து " ஏதாவது செய்யனும் சார்! " என்றபோது ஊனமுற்றவன் போல் உணர்ந்தேன்.

சமுதாயமும் குடும்ப வட்டம் என்ற கைச்சங்கிலியும் எத்தனை நாட்கள் தான் உணர்வுகளைக் கட்டிப் போடுமோ தெரியவில்லை.

வழக்கமான பேராசிரியர்கள் இல்லை.( வெ.ஆ.மூர்த்தி போன்றவர்கள்)

வழக்கமான மாணவர்கள் இல்லை.( சின்னி செயந்த், விவேக்)

காமெடியாக மாணவர்கள் காட்டப்படவில்லை.

"ட்டாய்ய்ய்ய்ய்ய்" என்றெல்லாம் வசனங்கள் இல்லை.

"இவன் பாக்கறதுக்கு தான் கருப்பு சூடானால் சிவப்பு" போன்ற பஞ்ச் டயலாக்குகள் இல்லை.

பழைய மியூசியத்தில் உள்ள அரதப்பழசான கதைகளை தூசு தட்டி ரீமிக்ஸ் பாடல்கள், வசனங்கள் இல்லை.

நமீதாக்களையும் குத்தாட்டங்களையும் இரட்டை மூவர்ண தமாசுகளை எதிர்பார்பவர்களுக்கு இப்படமில்லை.

இப்படி எத்தனையோ இல்லைகள்....

ரகுவரன் மிக அருமையாக நடித்திருக்கிறார். அவர் மாதிரி 'மாதிரிகள்' இல்லாதுதான் நம் குறையா?? என்று மனசு கேட்ட போது அப்துல்கலாம் முதல் எம்.எஸ். உதயமூர்த்தி வரை வந்து போனார்கள். பிறகென்ன செய்யவேண்டும் என்று மனசு பலவாறு சண்டையிடத் துவங்கியது.

படத்தில் வசனம் மிகக்குறிப்பிடத்தக்க வகையில் இருந்தது.

" Try to be Black or White Dont be in Gray"
" எத்தனை நாள் கெட்டதைப் பார்த்து பேசாமல் இருந்தீங்க! அது மாதிரி தான் நான் நல்லதை செய்ற இந்தக் கொலைகளைப் பத்தி பேசலை!"

எப்போதாவது சில படங்கள் பார்த்தால் மனம் சில்லிட்டு பேச முடியாமல் போகும். அப்படி ஒன்று தான் சிவப்பதிகாரம்.

அமைதியான அறையில் தீடீரென மீட்டப் பட்ட வீணையின் தந்திகளை போல் நீண்ட நேரம் மனசில் ரீங்காரமிட்டுக்கொண்டிருக்கும் போன்ற ஒர் உண்ர்வு தோன்றியது மட்டும் உண்மை.

கடைசி செய்தி:

நேற்று ஒரு பிரபலத்தொலைக்காட்சியில் இப்படத்தைப் பற்றி வந்த விமர்ச்சனம்: " ஒரு கல்லூரி மாணவர்கள் அரசியல்வாதிகளை தொந்தரவு செய்தால் என்ன பாடுபடுவார்கள் என்பதை சொன்ன ஒரு படம் என்றது."

இது எப்படி இருக்கு!!

பதிவர் வட்ட சந்திப்பு பற்றி தொடர்புள்ள இடுகைகள்:
1. பதிவர் வட்ட சந்திப்பு: ஒரு பார்வை : தமிழ்நதி
2. சென்னை வலைப்பதிவர்கள் சந்திப்பு -சுடச்சுட : அன்புடன் ச.சங்கர்
3. சென்னை வலைப்பதிவர் சந்திப்பு -12-17-06 : சிவஞானம்ஜி
4. சென்னை சந்திப்பு-1 : பொன்ஸ்

தடாலடியாக ஒரு வேண்டுகோள்!

2006-12-13T15:56:00.000+05:30

தடாலடியாக ஒரு அறிவிப்பு மற்றும் வேண்டுகோள்.

நான் வலைப்பூ உலகிற்கு வந்து சில மாதங்களே ஆன நிலையில் நிறைய மாற்றங்கள் கண்டேன்.

1.அரசியல் /இன/மத கலப்பின்றி எழுதுவது முடியுமா?

2.இலக்கியம் என்று கூறி வெட்டி வாதங்கள் மட்டும் போதுமா?

3. கார்டூன் / ஜோக் என்று வெட்டி ஒட்டுவேதே சிறந்ததா?

4. சமுதாயச் சிந்தனை என்று உலகளவில் அறிவுரை வழங்குவதா?

5.பின்னூட்டப் போர் மட்டுமே போதும் என நேரம் கழிப்பதா?

6. இதெல்லாம் விட குழுமஉறுப்பினராகி சண்டைகளில் பங்கேற்பதா!

மேற்கூறியவை, இன்றைய வலைப்பூ வேதங்களாகி விட்ட நிலையில், கெளதம்ஜி போன்ற ஒரு சிலரின் வலைப்பூக்கள் என்னைக் கவர்ந்தது.

மேற்கூறிய வகைகளில் இவரும், ஏன் நானும் கூட எழுதியிருக்கலாம். ஆனால், யார் மனதையும் புண்படுத்தாத ஒரு சில பதிவாளர்களில் நானும் ஒருவனாக இருக்க ஆசைப்பட்டேன்.

தேன்கூட்டில் அதிகம் பார்வையிடப்பட்டவை என்றொரு போட்டி. தமிழ்மணத்தில் அதிகம் பின்னூட்டம் பெற்றவை என்றொரு போட்டி.

தேன்கூட்டில் உள்ள குழப்பமான தேர்வுமுறையில் இன்னும் உள்ள மாதந்திரப்போட்டி. தமிழ்மணத்தில் நட்சத்திரப் பதிவு என்று அழைக்கப்பட்டு, இதுவரை அது எப்படி முறைப்படுத்தப்படுகிறது என்று புரிந்து கொள்ள இயலாத ஒரு முறை.

இப்படியெல்லாம் நான் பார்த்து குழம்பிய காலக்கட்டத்தில், தடாலடிப் போட்டி என்று பார்த்து, மிகவும் ஆவலுடன் கலந்து கொண்டேன்.

ஆனால், அந்தப் போட்டி இன்று நிறுத்தி வைக்கவும் நானும் ஒரு காரணமாகிவிட்டேன்.

ஆம் நண்பர்களே! கெளதமிற்கு தொலைபேசியில் வேண்டுகோள் விடுத்தவன் நானே!

!?!!?!!!

ஆனால், அந்த வேண்டுகோள் தவறாக புரிந்து கொள்ளப்பட்டிருந்தது போல் தெரிகிறது. நான் விடுத்த வேண்டுகோள் இது தான்.

உண்மையான பெயரில் எழுதுவது என்பது பாலகுமாரன் காலத்திலேயே இல்லை. ஆனாலும், இங்கு எழுதுபவர்கள் எல்லோரும் வெறும் புகழுக்காக மட்டும் பதிவதில்லை. நம் எழுத்தையும் சிலர் படிக்கிறார்கள் என்ற ஒரு சிறு மகிழ்ச்சி மட்டுமே தவிர வேறில்லை.

இதில் தடாலடிப்போட்டியின் பங்கு சிறிதோ,பெரிதோ ஆனால், குறிப்பிடத்தக்கது.

எனவே சிலரின் படைப்புகளுக்கு மட்டுமே தொடர் பரிசு என்பது சில சந்தேகங்கள் வர இடமளிக்கிறது. அதை சில பதிவர்கள் நேரிடையாகவே என்னிடம் சொன்னபோது, நான் வருத்தமடைந்து உடனடியாக கெளதம்ஜியிடம் பகிர்ந்தேன்.

மற்றவர்க்கும் வாய்ப்பளியுங்களேன்!? என்ற போது, அவர் அவரின் நியாய வாதங்களையும், தேர்ந்தெடுக்கும் முறையையும் சொன்னார். (இதை அவர் பதிவிலும் சொல்லியுள்ளார்)

மேலும், ஒருவர் ஓட்டப்பந்தயத்தில் ஓடும்போது முதலாவதாக வரலாம் ! எப்படி 2,3, ஆறுதல் என வரச் சாத்தியம் என்றேன்.

ஆனால்,நல்ல விடைகளை ஒருவரே அனுப்பும் போது எப்படி நான் ஒதுக்குவது என்றும் சொன்னார்.

அதுவும் உண்மைதான்.

இருந்தாலும், புதியவர்களுக்கு ஊக்கம் அளிக்கும் வகையில் ஏதேனும் வாய்ப்பு பாருங்களேன் என்ற ஏக்கத்தை அவரிடம் பதிந்தேன்.

அவருக்குள்ள நிர்வாகச்சிக்கல்களைச் சொன்னார். இந்த போட்டி போன்று வேறு ஏதேனும் துவங்க அனுமதி வாங்குவது கடினம் என்றார்.

ஆகவே, கெளதம்ஜி தம் சேவை நிறுத்தப்பட வேண்டியது அல்ல.

பத்திரிக்கை, வானொலி,தொலைக்காட்சி என்ற ஒரு வட்டத்தை விட்டு, வலைப்பதிவு என்ற புதிய தமிழ் வளர்க்கும் ,ஒரு புதிய தலைமுறை வளர, தமிழ் அழியாதிருக்க பாடுபட்ட ஒரு குழுமப் பத்திரிக்கை கூட முன் வராவிட்டால் எப்படி?

வருமா? வரவேண்டுகிறோம் !

ஏனெனில், என்று பதிவுகள் கெளதம் சார்ந்த அந்த வெகுசனப் பத்திரிக்கையில் வெளிவரத்துவங்கியதோ, அப்போதே இப்பதிவுகளின் பார்வையாளர்கள் சில லட்சம் ஆனது உண்மை. அதுதானே எழுதுபவர்தம் விருப்பம்.

இதை நான் பின்னூட்டமாக ஏன் வெளியிடவில்லை என்ற போது, அது நம் வலைப்பூ பின்னூட்ட அரசியலின் அடுத்த அத்தியாயம் ஆகிவிடுமெனச் சொன்னேன்.

புகைப்படத்திற்கு கமெண்ட்டுகள் எனத்துவங்கி, இன்னும் மற்ற படைப்புகளையும் தர உதவ வேண்டுகிறோம்.

ஆகவே, கெளதம்ஜி வெளிவராது போய் விடும், சில நல்ல கருத்துகளும், சிந்தனைகளும் புதைந்து போகாது இருக்க உதவுங்கள்.

எங்களிடையே, விமர்ச்சனங்களைத் தாங்கிக் கொள்ளும் மனப்பான்மையை வளருங்கள்.

ஒரு பத்திரிகையாளாரால் மட்டுமே விமர்ச்சனங்களை சரியாக உணரவைக்க முடியும்.

எனவே, என் போன்றோரின் எண்ணத்தில் குறையில்லை. வார்த்தைகளில் இருந்திருக்கலாம். நான் என் கருத்தை உங்களுக்குப் புரியவைப்பதில் இன்னும் கொஞ்சம் சிரமப்பட்டிருக்கலாம்.

என் சக வலைப்பதிவாளர்களே! ஒரு நல்ல துவக்கத்தினை வேரோடு அழிய விடாதிருக்க முயல்வோம்.

கடைசியாக, ரோஜாவுடன் முள் இருந்தாலும், முள்களோடு ரோஜா இருந்தாலும் ரோஜாச் செடி என்று தான் கூறுகிறோம். முள்செடி என்றல்ல.

பின்குறிப்பு: இதற்கு நேர்முனையான பின்னூட்டமிட்டு உங்கள் கருத்தை சொல்லுங்களேன் அவருக்கு. ஏதேனும் விட்டுப்போய்ருந்தால் நினைவு படுத்துங்கள். நன்றி.

குறிப்பாக லக்கிலுக்காரின் மன வேதனையடைய, கெளதமின் அறிவிப்புக் காரணாமாயிருந்தது கண்டு வேதனையடைந்தேன். அவர்மீது எந்தக் காழ்ப்புணர்வும் எனக்கு இல்லை. அவர்தம் நல்படைப்புகள் தொடரவும் நல் நட்பு வளரவும் விரும்புகிறேன்.

நல்முத்துப் பேரன்கள்!

2006-12-07T12:16:00.000+05:30

கபடியில் தங்கம் வென்றது இந்தியா- இனிப்பு செய்தி.

கத்தார் தலைநகர் தோகாவில் நடந்து வரும் ஆசிய விளையாட்டுப் போட்டிகளில், இந்தியாவுக்கு மேலும் ஒரு தங்கப்பதக்கம் கபடி விளையாட்டில் கிடைத்துள்ளது.

அதுவும் பரம எதிரியான(!?) பாகிஸ்தானை வென்றது குறிப்பிடத்தக்கது.

காலைவாரிவிடுவதில் வல்லவர்கள் என உலகம் போற்றும் இந்தியாவில், காலைவாரிவிடுவதில் வெற்றிபெற்றதிற்கு வாழ்த்துவோம்.

இது உள்குத்து இல்லைங்க! உண்மையில் நமது சாதனை ஆசிய அளவில் என்ற்றும் இருக்கிறது. இது உலக அளவில் மாறவேண்டுமென்பது அனைவரின் விருப்பம் மற்றும் வேண்டுதலும் கூட.

தங்கம் வென்ற சகோதர்களே! வாழ்த்துகள்!

கடைசி செய்தி:

ஆசியப் போட்டியில் 5வது முறையாக தொடர்ந்து இந்திய கபடி அணி தங்கக் கோப்பையை வென்றது.கடந்த 1990ம் ஆண்டு பீஜீங்கில் நடைபெற்ற ஆசியப் போட்டிகளில் முதன்முறையாக கபடி சேர்க்கப்பட்டது முதல் இந்தியா தொடர்ந்து தங்கப் பதக்கத்தை வென்று வருவது குறிப்பிடத்தக்கது.

(நன்றி-புகைப்பட உதவி :தினமலர்)

கபடியைப் பற்றிய ஒரு சிறு நினைவுகூறல்:

இவ்விளையாட்டு இரு அணிகளுக்கு இடையே நிகழும் ஆட்களைப் பிடிக்கும் ஒரு போட்டி. ஒவ்வொரு அணியிலும் ஏழு பேர் இருப்பர். மொத்த விளையாட்டு நேரம் 40 மணித்துளிகள் (நிமிடங்கள்).

இவ்வாட்டம் விளையாட மட்டையோ பந்தோ ஏதும் தேவை இல்லை. வெறும் நீள்சதுரமான (ஆடுகளம்) இடம் இருந்தால் போதும். இந்த ஆடுகளத்தை ஒரு நடுக்கோட்டால் இரண்டாக பிரித்து ஒருபக்கத்துக்கு ஒரு அணியாக இரு அணியினரும் இருப்பர். ஆட்டக்காரர்கள் எப்பொழுதும் புற எல்லைக்கோடுகளைத் தாண்டி செல்லலாகாது. இவ்விளையாட்டுக்கு ஒரு நடுவரும் தேவை.

ஒரு அணியில் இருந்து யாரேனும் ஒருவர் புறப்பட்டு நடுக்கோட்டைத் தொட்டுவிட்டு ஒரே மூச்சில் "கபடிக் கபடி" (அல்லது "சடுகுடு" அல்லது மூச்சுவிடாமல் 'நாந்தான் உங்கப்பன்டா ...' என்றெல்லாம் பாடலாம்) என்று பாடிக்கொண்டு எதிர் அணியினர் இருக்கும் பகுதிக்கு சென்று எதிர் அணியினரைக் கையாலோ, காலாலோ தொட்டுவிட்டுப் எதிர் அணியினரிடம் பிடிபடாமல் நடுக்கோட்டைத் தாண்டி தம் அணியிடம் திரும்பிவரும் ஒரு வகை விளையாட்டு. தொடுபட்டவர் ஆட்டம் இழப்பார். ஆனால் எதிரணியினர் சூழ்ந்து பிடிக்க வருவர். மூச்சு விடாமல் 'கபடிக் கபடிக்" என்று சொல்லிக்கொண்டே எதிராளியைத் தொட்டுவிட்டு அகப்படாமல் திரும்பிவரவேண்டும், அகப்பட்டால் சென்றவர் ஆட்டமிழப்பார். மூச்சு விடாமல் 'கபடிக் கபடிக்' என்று சொல்வதற்குப் பாடுதல் என்று பெயர். தம் அணிக்குத் திரும்பும் முன் பாடுவர் பாட்டை நிறுத்தினாலும் ஆட்டம் இழப்பர்.
ஆண்களுக்கான சடுகுடுவும் பெண்களுக்கான சடுகுடுவும் சற்று வேறுபடும்.

ஆடுகளம்:

ஆடுகளம், மேடு பள்ளம் இல்லாத ஒரு சமதளமாக இருக்க வேண்டும். ஆட்கள் கீழே விழுவதும், இழுக்கப்படுவதும் நிகழ்வதால், தரை தரை மண் அல்லது மரத்தூள், மணல் பரப்பியதாக இருக்கவேண்டும். கட்டாந்தரையாக (காங்க்கிரீட்டாக) இருப்பது நல்லதல்ல.

ஆண்கள் ஆடும் களம் 12.5 மீ x 10 மீ பரப்பு கொண்டதாகும். பெண்கள் ஆடும் களம் 11 மீ x 8 மீ ஆகும். ஆடுகளத்தின் எல்லைகளக் குறிக்கும், கோடுகளும் மற்றும் களத்தைப் பிரிக்கும் கோடுகளும் 2 அங்குல (5 செ.மீ) அளவினதாக இருக்க வேண்டும் (இன்னும் எழுத வேண்டியுள்ளது)

சிறு சேதி !

2006-12-06T14:07:00.000+05:30

இன்றைய காலக்கட்டத்தில் நகைக்கக் கூட நேரமின்றித் தவிக்கும் அன்பர்களுக்கு நண்பர் குழுமம் அனுப்பி மகிழும் சிறு சேதிகள் (SMS) , படிக்கும் கணங்களை மகிழ்ச்சிக்குள்ளாக்குகிறது என்றால் அது மிகையில்லை.

மேலும், நம்பிக்கை தரும் சிறு சேதிகளும் அவ்வாறே! ஒவ்வொரு சேதியை உருவாக்கவும் யாரோ ஒருவர் நேர விரயம் செய்கிறார் என்றாலும், அது சிலர் மனதை பூக்க செய்கிறது.
அது போல் நான் பெற்ற சேதிகளின் ஒரு சிறு 'தொகுப்பூ' உங்களுக்காக!

நல் கருத்துகள் :

1. நம்மை விரும்பியவர்களை ஏமாற்றாதே! ஏமாற்றியவர்களை விரும்பாதே!

2. ஒரு நல்ல நண்பன் உன் முதல் கண்ணீர் துளியைப் பார்ப்பவன்! இரண்டாம் கண்ணீர்துளியை கையில் ஏந்தி, மூன்றாம் துளியை நிறுத்தி, நாலாம் துளியை சிரிப்புடன் வர வைப்பவன்.

3. நம் எல்லோருக்கும் சரிசமமான திறமைகள் இருப்பதில்லை. ஆனால், எல்லோருக்கும் திறமையை வளர்த்துக் கொள்ள சரிசமமான வாய்ப்புகள் அளிக்கிப்படுகிறது.

4. முயற்சிகள் தோல்வியடையலாம். முயற்சி செய்ய தோற்று விடாதே!

5. மேடு பள்ளமில்லாத பாதைகள் நல்ல ஓட்டுநரை உருவாக்குவதில்லை! அலையில்லாத கடல் நல்ல மாலுமியை உருவாக்குவதில்லை! மேகங்கள் இல்லாத வானம் நல்ல வானூர்தி வல்லுநரை உருவாக்குவதில்லை! தோல்விகள் இல்லாத வாழ்க்கை நல்ல மனிதரை உருவாக்குவதில்லை!

6. வெற்றிக்கனவுகள் என்பது தூங்கும் போது வருவதில்லை. அவை நம்மை தூங்கவிடாது செய்வது.

7. ஆறு போகும் பாதையில் போக நீந்தாதிரு! நீ போகும் பாதைக்குச் செல்ல நீ நீந்தியாக வேண்டும் !

8. ஒரு பழத்தில் உள்ள விதைகளை நீ எண்ணிவிடலாம்! ஆனால், அவ்விதைகளில் எத்தனை விருட்சங்கள் உள்ளன என்பது கடவுளுக்கு மட்டுமே தெரியும். விதைகளை எண்ணுவதை விட்டுவிட்டு, விதைகளை விதைக்கப் பழகு!

9. நீ வெற்றி பெற்றால் யாரிடமும் விளக்கத் தேவையில்லை! ஆனால், தோல்வியுற்றால் யாரும் விளங்கக் காத்திருப்பதுமில்லை!

இளைஞர்களுக்கான(ஹி ஹி) தத்துவங்கள் :

1. பெண் தோழி என்பவள் பல்விளக்கும் பிரஷ் போன்றவள். பல்விளக்கும் பிரஷை வேறு யாரும் பயன்படுத்த அனுமதிகாதே! 3 மாதங்களுக்கு ஒரு முறை மாற்றிவிடு.

2. எப்பொழுதும் நீ பேசாது, எந்தப் பெண்ணையும் நிறைய பேச அனுமதிக்காதே! பிற்காலத்தில் , நீ தன்னந்தனியே பேச நேரிடும்.

3. நர்ஸ் நம்ம கையப் புடிச்சா அது 'செக்கப்' , நாம நர்ஸ் கையைப் புடிச்சா அது 'பிக்கப்' !

4. திருவள்ளுவர் 1330 குரள் சொன்னாலும், அவர் 1 குரலில் தான் பேச முடியும்.

5. நீ சிக்கலில் மாட்டித் தவிக்கும் போது அறிவு சொல்றதைக் கேட்காதே! அது சரி இருந்தாதானே கேட்பாய்!?

6. " ஏம்பா! உனக்கு புலி நகம் வேணும்னா ஞாயிற்றுக்கிழமை வீட்டுக்கு வா! ஏன்னா! அன்னைக்குத் தான் எப்பவும் நகம் வெட்டுவேன் !

7. நான் கடவுளிடம் கேட்டேன்! உங்கள் காதலுக்கும் எனது காதலுக்கும் வித்தியாசமென்னவென்று, அவர் சொன்னார் " எனது காதல் வானத்திலுள்ள பறவை போல, உனது தட்டிலுள்ள பறவை போன்றது! அவ்வளவே".

நகைச்சுவை:

1. உலகின் மிக குறுகிய ராஜினாமாக் கடிதம்: " மதிப்புக்குரிய ஐயா! உங்கள் மனைவியை நான் காதலிக்கிறேன்."

2. உனக்கு நினைவிருக்கிறதா! சின்ன வயதில்,ஒரு நாள் நாம் பொம்மைக் கடைக்குச் சென்றோம். நீ கடைக்காரரிடம், "அந்தக் குரங்கு பொம்மை வேண்டும் ? " என்றாய். அவர் சொன்னார் " அது கண்ணாடி என்று! "

3. உன்னை நினைத்தாலே எனக்கு தூக்கமே போய் விடுகிறது! சிறு வயது முதலே எனக்கு பேய்! பிசாசு! என்றால் ரொம்ப பயம் தெரியுமா ?!

4. " ஏய் ! உன்னோட ஒரு வாரம் வந்து தங்கட்டுமா? சொல்லுப்பா!" இப்படிக்கு 'மெட்ராஸ் ஐ."

5.
ஆசிரியர் : " நமது கண்ணபிரான் பிறக்காமிலிருக்க, கம்சன் என்ற அவரது மாமன் கண்ணபிரானின் தாய்,தந்தையரை சிறையில் அடைத்து, அவருக்கு முன் பிறந்த 7 குழந்தைகளையும் கொன்றான்"

மாணவன்1 : " ஏன் சார்?"

ஆசிரியர் : " அதாவது கம்சன் ஜாதகப்படி , 8 வது குழந்தை தான் கம்சனை கொல்லுமென்பது விதி! எனவேதான் அப்படி செய்தான்!"

மாணவன்2: " அது சரி சார்! அதுக்கு கண்ணன்பிரான் அப்பா! அம்மாவை ! ஒரே சிறையில் அடைக்காமிலிருந்தாலே போதுமே ?! "

சர்தார்ஜி ஜோக்குகள் :

சர்தார்ஜி1 : " இந்த பீரில் நிறமில்லை! "

சர்தார்ஜி2 : " இந்த பீரில் திடமில்லை!"

சர்தார்ஜி3 : " இந்த பீரில் சுவையில்லை!"

பார் அட்டெண்டர்! : " அடப் பாவிகளா! அது சோடாடா !"

டாக்டர் : " வயிறு சம்பந்தமான இந்த நோய் வராமிலிருக்க தினமும் இரண்டு சொம்பு தண்ணீர் குடிங்க!"

சர்தார்ஜி : " அய்யோ! டாக்டர்! எங்க வீட்டில் ஒரு சொம்பு தானே இருக்கு ! "

குட்டி சர்தார்ஜி : " கடவுளே ! எப்படியாவது மும்பையை இந்தியாவின் தலைநகராமாக்கி விடு!"

கடவுள் தோன்றிக் கேட்டார். "ஏன்பா? "

குட்டி சர்தார்ஜி : " ஏன்னா! நேத்து பரீட்சையில் அப்படித்தான் எழுதினேன்!"

4. டாக்டர் : "கொசு கடிக்காமிலிருக்க இந்த மருந்தை தடவுங்க!"

சர்தார்ஜி : " அதெப்படி டாக்டர் ஒவ்வொரு கொசுவையும் பிடிச்சு தடவறது!?"

கடைக்காரர் : " சார் ! இந்தக் கண்ணாடியில் என்ன விசேசம் என்றால், 10வது மாடியில் இருந்தும் கீழே போட்டுங்க! தரையிலிருந்து 1 அங்குலத்திற்கு மேல்வரை உடையாம இருக்கும்!"

சர்தார்ஜி : " எனக்கு 2 பார்சல்"

குட்டி சர்தார்ஜி : " அப்பா! இன்னிக்கு ராத்திரியிலிருந்து நம்ம பணக்காரர் ஆயிடலாம்.

சர்தார்ஜி : " எப்படிடா!? "

குட்டி சர்தார்ஜி : " இன்னைக்கு எங்க கணக்கு டீச்சர், பைசாவை எப்படி ரூபாயா மாத்தறதென்று சொல்லித்தரப் போறாங்க!"

*********

8ஸ் !

2006-12-01T14:54:00.000+05:30

சிரிக்க மட்டுமல்ல சிந்திக்கவும் இந்நாளில்...

கண்டிப்பாக வயது வந்தோர்க்கு மட்டும் இனிவருவன...

கண்ணாமூச்சி ரே! ரே !?

2006-11-24T16:37:00.000+05:30

ஒண்ணுமில்லைங்க. ஒரு சிறு விளையாட்டுப் போட்டிங்க!

உங்க மனசில் உங்களுக்குப் பிடிச்சவங்களை நினைச்சுக்கிட்டு '+' குறியீட்டை உற்றுப் பாருங்க!

அப்புறம், உங்களைச் சுற்றி என்ன நடக்கெதென்பதே தெரியாம போயிடும். .

ஹி..ஹி...சும்மா ஒரு தமாசுக்குத் தாங்க.
***

விளம்பர இடைவேளை ?!

2006-11-23T13:41:00.000+05:30

நமது வலைப்பதிவாளர் எல்லோரும் நிறைய "எப்படி" எழுதி களைச்சுப் போனதினால் இந்த சிறு விளம்பர இடைவேளை.

ஆய்த எழுத்து ?

2006-11-22T19:44:00.000+05:30

உருமாறுவது மனித உருவம் மட்டுமல்ல ! மொழிகளின் உருக்களும் தான் !!

காலப்போக்கில் இலக்கணம் மாறும் என்பதும் உண்மை.

நான் முயன்ற வரை இந்த யூனிக்கோடு முறையில் ஆய்த எழுத்தை எப்படி உருவாக்குவது எனத் தெரியவில்லை.

படங்களைப் பாருங்களேன். எவ்வாறெல்லாம் தமிழ் உருமாறியிருக்கிறது என்பதைப் பாருங்கள்.

வலையுலக நண்பர்களே ! நாம் கொண்டாடும் மொழியே உருமாறக் கூடியது. 60 வயதிற்கு மேல் ஆனவர்களின் எழுதச் சொன்னால், அதில் ஒற்றைக்கொம்பு , இரட்டைக்கொம்பு என்று நம்மில் பெரும்பாலோனவர்கள்
மறந்து போனதைக் காணாலாம்.

ஆகவே, பெரும்பாலோனர் மறந்த ஆய்த எழுத்தை மட்டும் ஏன் வலைப்பதிவாளர்கள் எழுத்தில் பயன்படுத்துகிறார்களோ தெரியவில்லை.

ஒரு நல்ல ஊடகத்தை, இந்த வியாபார காந்தங்கள் ஊடக வியாபரத்திற்கும், தனிக்குழும மேன்பாட்டிற்கும் பயன்படுத்துவதைப் பார்த்தால் மனசை நெருடுகிறது. பொன்னான நேரத்தை வீணடிக்கிறோமோ என சில வேளைகளில் எண்ணத் தோன்றுகிறது.

நான் வலையில் பதியத் துவங்கி சில மாதங்களே ஆகிறது. இந்த சில வாரங்களாக ஒருவரையொருவர் காழ்ப்புணார்ச்சியுடன் அடித்துக் கொண்டும் , கூட்டணியமைத்து பின்னூட்டப்போர் நிகழ்த்துவதைக் காணும் போது வேதனை தான் வருகிறது.

யாரையும் குறிப்பாய் கூற விரும்பவில்லை.
யாரோ ஒரு பதிவில் சொல்லியது போல், அப்படி நாம் எழுதித் தான் ஆக வேண்டுமா!? என்று கூட தோன்றுகிறது.

விடைபெற்றுச் செல்லாமென்றால் வழியனுப்ப யாருமில்லை!!

சரி தான் . போதுமென்று நினைக்கிறேன். பின்பு என்னையும் அரசியலுக்கு இழுப்பார்கள்.

ஆகவே! புலவர்களுள் சர்ச்சை தேவைதான்! ஆனால், அது சண்டையாக மாறிவிடக் கூடாது. எனவே! சாந்தமாக உரையாடுங்கள். ( எழுத்தாடுங்கள் !? )

வாழ்க ! வளமுடன்!